ROM KHUAA MIHAI KUANGA TÎRTÔN PAULA LEKHATHON 7:15 - PATHIAN LEKHABU IRTHIANG C.L. Bible (BSI)

¹⁵ Ki châng lam dân hi inhre thei ma ung, ki itho nuam chu tho loiin ki inuam loi kêng ki itho hen a ni.

ROM KHUAA MIHAI KUANGA TÎRTÔN PAULA LEKHATHON 7:15 ပူးပေါင်းရင်းမြစ်များ

GALATIA 5:17

Taksa nuamlam chu irtha lam tianga thil ar kal khaka, Irtha lakin taksa tiang thil chu ar kal khak saa, an irkal irhlôm khak sikin, nin itho nuam tak ite nin itho thei ngai loi a ni.

NAHUMA 1:7

Rengpa kha a saa, chardong nia kul det a ni; amaa an iamna irnghattuhai kha an hriat.

JAKOBA toc2 JAKOBA 3:2

Ei rêngin thil tamtak ei tho’nsual ngai. Tukhom a thu’nsîra tho’nsual ngailoi mi chu mi puihling a ni, khaang mi chu an takpumpui khom an sep thei ngai.

THUHRILTU 7:20

Irnêng chunga hin diktaka sin sa thoa, inchâi ngailoi hi om mahai.

ROM KHUAA MIHAI KUANGA TÎRTÔN PAULA LEKHATHON 12:9

Lungthungna chu vârillekna kop loiin ni ri se. Sual chu khôkmâk unglân, a sa kha pom khak roi.

JUDA 1:23

mei ata senkhat sansuak innanghai kha kaisuahai lat roi; senkhat chu chi pumin lunginkham unglân, an taksaa porinche kop silkaihai kha intir roi.

ROM KHUAA MIHAI KUANGA TÎRTÔN PAULA LEKHATHON 14:22

Ni iam lam kha iam chian roh, Pathian leh nin kâr thu a ni. Mâni iam dân lama thiam loina nei loi chu a vânnei e.

INPÂKNA HLAHAI 19:12

Tu’n mo mani tho’nsualhai inhre thei hrang? Sual irthuphai ata hin ni’rkêmtir roh.

2 TIMOTHEA toc2 2 TIMOTHEA 2:19

Khannisian, Pathian lungphûm det tak kha chu inhnîng thei ma, ama khan hi chong hi irziak a om: “Rengpa’n ama tahai chu an hriat,” iti le “Tukhom Rengpa ta ki nih ti murdi’n chu sual hnung a isongsan ngêt hrang a ni,” ti hi.

HEBRAI toc2 HEBRAI 1:9

Thudik nir ngai inhlua, thudikloi ni hnôl ngai. Khasikin Pathian, ni Pathian khan nang inthangin ni hmêlhai nêkin chôiirsâng raifânna nang a ipêk ual ok tâk a ni hi,” ti le.

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

THUVÂRHAI 8:13

Rengpa chi chu sual hnôlpai hi a ni; irpâkna hai, irsongna hai, sual lampui hai le chong chanlamboi hai hi ki ihnôlpai a ni.

ROM KHUAA MIHAI KUANGA TÎRTÔN PAULA LEKHATHON 7:16

Ki itho nuam loi kha ki tho’n dân kha a sa ki itipui sa tihna a ni.

INPÂKNA HLAHAI 119:113

Lungrîl mumal neiloi mihai chu ki hnôla, Ni dân rêk chu ki’rngaiinhlu a ni.

INPÂKNA HLAHAI 101:3

Thil saloi rêng rêng ki mithmua khan se no ning: Fe’n sualhai sintho chu ki ikhôkmâk a ni; Keimaa kop no ni.

INPÂKNA HLAHAI 1:6

Mi felhai fena chu Rengpa khan an hriat mai ngaia; Mi siahai fena rêk chu irhmangna a ni.

THUVÂRHAI 13:5

Mi dikhai khan milak an khôkmâka, mi siahai chong chu inzakna le mualinphoina a ni.

INPÂKNA HLAHAI 119:163

Milak hi ki hnôlin kin tira, Ni dân rêk chu ki inhlu a ni.

INPÂKNA HLAHAI 119:128

Khasikin ni thupêkhai tiang kal ki phêta, Om dân dikloi tinrêng ki hnôl a ni.

INPÂKNA HLAHAI 65:3

Tho’nchâinahai khan a nin hnê ngai nâkin: Kin porinchenahai murdi nangin ni’rsunfâi ni ta;

1 RÊNGHAI 8:46

“Ni mihaiin thil an tho inchâiin chu, (tûte thil sual tho loi om mahai) ningmurin an râlhai nin hnêtira, suaka hruaiin, ram hlatak ni khomsian,

INPÂKNA HLAHAI 119:40

Irngai ta, ni thupêkhai chu zôm ki nuam tak tak ngaia; Ni felnaa khan hringna thar ni pe roh.

INPÂKNA HLAHAI 119:32

Ni thupêkna lam tiang khan intân ki ta, Inhriat thiamna ni ni pêk hrang sikin.

LUKA 11:48

Nin irchibulhaiin deipuhai an lei that kha, nin inhampui inlangna’n, nangni’n an thânhai nin siaminsata.

INPÂKNA HLAHAI 119:104

Ni dânhai sikin vârna ki neia, Khasikin om dân dikloi tinrêng hi ki ihnôl a ni.

INPÂKNA HLAHAI 97:10

O Rengpa lungthungtuhaio, sual khôkmâk roi. Ama chu a mi irthianghai hringna chu a vong insa ngai; Anni chu mi siahai kut ata a saninzôk ngai.

INPÂKNA HLAHAI 36:4

A zâlhmun ata thil sual a ngaituana ngai; Lampui sa loia khan a fe li lia; Sualna chu intir mah.

JOHANA 15:15

Suak nangni ti ta no ninga; suakin chu a pu sintho inhre maka; rualhai nangni ti ta ki ti; ka Pa kuang ata thil ki inhriat murdi nangni kin hriatir tâk sikin.