ROM KHUAA MIHAI KUANGA TÎRTÔN PAULA LEKHATHON 6:4 - PATHIAN LEKHABU IRTHIANG C.L. Bible (BSI)

⁴ Baptisma ei changin a kuang phûmin ei om saa, a thina kha ei irkoppui a ni; khaang dênin, Pa’n mithi lai ata roiinpui taka Krista chu a kaithoi ang khan, eini khom hringna tharin lêng ta ei ti.

ROM KHUAA MIHAI KUANGA TÎRTÔN PAULA LEKHATHON 6:4 ပူးပေါင်းရင်းမြစ်များ

JOHANA 11:40

Jisua’n a kuang, “Ni iamin chu Pathian roiinpuizia hmu ni ti, nang ti ma ung mo?” a tia.

JOHANA 2:11

Jisua’n hi sinirkhêl a itho phutna hi Galili rama Kana khuaa a thoa, a roiinpuizia an langtira, a irchutirhai khan ama an iam tâka.

TÎRTÔNHAI SINTHO 2:24

Khannisianlân, Ama kha chu thina ichel sua thei a ni no sikin Pathianin thina ata inzôkin, a kaithoi ta,

TÎRTÔNHAI SINTHO 2:32

A ni, kha Jisua kha Pathianin a kaithoi nôk tâka, kha thu kha ei rêngin an hriatuhai ei ni.

ROM KHUAA MIHAI KUANGA TÎRTÔN PAULA LEKHATHON 6:19

(Nin inhriat theina hrangin mihriam dânin thu ki insîr a ni.) Nin takpum hrât loizia inhriatin, mihriam takin thu ki insîr a ni, nin takpum ônhai chu matona porinche le inchâina suaka insiat hrangin nin ipêk ngai ang khan, atûn chu felna suaka irthianga hring hrangin pe ual ta roi.

ROM KHUAA MIHAI KUANGA TÎRTÔN PAULA LEKHATHON 6:3

Krista Jisuaa baptisma chang murdihai chu a thinaa baptis-in ei om thiai tih nin inhriat mo ni ma?

ROM KHUAA MIHAI KUANGA TÎRTÔN PAULA LEKHATHON 6:8

Khan, Krista kuang ei thi sa tâkin chu a kuang hring sa ta ei tih ti ei iiam a ni.

ROM KHUAA MIHAI KUANGA TÎRTÔN PAULA LEKHATHON 6:9

Krista chu mithi lai ata kaithoiin a oma, thi nôk ta no ni tih ei inhriat, thina khan a chunga ircham nei ta mah.

ROM KHUAA MIHAI KUANGA TÎRTÔN PAULA LEKHATHON 7:6

Atûn hin chu, a ni khit ngaitu kha ei thisan tâka, dân ata ei irkiang ta: Dân thu irziak milui anga ni loiin Irtha dân tharin sin ei itho ual a ni.

ROM KHUAA MIHAI KUANGA TÎRTÔN PAULA LEKHATHON 8:11

Mithi lai ata Jisua kaithoi nôkpu irtha kha nangnia a omin chu, thina irthoka Krista Jisua kaithoi nôkpu khan nin takpum thi thei kha nangnia ama Irtha inomtirin nin takpum thi thei kha inhring a ti.

1 KORINTH 6:14

Pathianin Rengpa chu thina irthokin a kaithoia, eini khom a sinthotheina’n ni kaithoi sa a ti.

2 KORINTH 13:4

Ama kha hrât loina’n Krosa hembe’n om khom sianlân, Pathian sinthotheina’n a ihring mai a ni. Keini khom ama le irzomin kin ihrât loi a ni; Khannisian, nangni leh kin irmanna sikin a hringna khan Pathian sinthotheina dong sa kin ti.

2 KORINTH 5:17

Tukhom, Kristaa a omin chu, thilsiamthar a hong nia, thil miluihai chu a boia, irngai u ta, a hong thar ta.

EFESI 4:17

Khanchu, hi hi kin sîr nuama, Rengpa irhmingin nangni ki hril; lungrîl mumal neiloi Jentailhai om lam angin om ta no roi.

EFESI 5:8

Tiana khan chu inthim nin nia, atûn chu Rengpaa vâr nin hong ni ta, ivâra omhai angin nin iom ngêt hrang a ni.

KOLOSA 3:10

Mihriam thar khan nin irbel tâk sikin; Pathian inhriat infel hrangin kha mihriam thar kha a siamtu anga om hranga siam thar mai a ni.

KOLOSA 4:1

Hruaituhaio, nangni khomin irvâna Hruaitu nin nei tih inhriatin, nin suakhai chunga dik tak le satakin itinrêng tho roi.

1 PETERA toc2 1 PETERA 3:21

Kha irangpui, baptisma hin, Jisua Krista thoinôkna sikin atûn hin nangni a isaninhring ta a ni; baptisma chu taksaa porinche irsûkinfâina vai ni maka, sia le sa inhriatna irthiang taka Pathian kuanga thu inkungna hi a ni ual.

1 JOHANA 2:6

Tukhom, Pathian leh irzomin ki om mai titu kha Jisua Kristaa om angin a iom sa hrang a ni, ti hi.