ROM KHUAA MIHAI KUANGA TÎRTÔN PAULA LEKHATHON 5:7 - PATHIAN LEKHABU IRTHIANG C.L. Bible (BSI)

⁷ Mi fel ta hranga thi chu tu hrang khomin a sân intak a ti, mi sa ta hrangin chu thi ngam khom an om rôi mo.

ROM KHUAA MIHAI KUANGA TÎRTÔN PAULA LEKHATHON 5:7 ပူးပေါင်းရင်းမြစ်များ

2 SAMUELA 18:27

Râl hrungtu khan, “Maton hon sa ualpu so chu Zadoka nâipa Ahimaaza kêng a ang,” a tia. Reng khan, “Ama kha mi satak a nia, thurchi a hong intung hrang ni a ti,” a tia.

2 SAMUELA 18:3

Khannisianlân mipuihai khan, “Nang chu keini laia hong sa no chi ni. Keinihai hi chu laizâm tho chuk duai ta sianlân, râlhaiin ite bêin ni bê no nihai, a chimrip va thi khomin lân; ite bê’n bê viat no ni; khannisian nangma chu keini sîngkhat nêkin ni ihlu ual a ni. Khasikin khopuia ni om chiana, ni san hrang mi ni hong itîr kha a isa ual a ni,” an tia.

INPÂKNA HLAHAI 112:5

Mi lunginkhama inpûktir ngai mi chu satna’n a vur ngaia; Ama chu fel takin om thei a ti.

MATHAIA 13:15

An milung a lei inmôl tâka, An mikuar a lei sêt tâk, An mit khom a lei zîng tâk sikin. khano’nchu an mitin hmu an ta, An mikuarin inhriat an ta, An milungin inhre thei an ta, Keima tiang hong irhei kîr an ta, Ki lei indamhai itinin, Pathianin a ti,’ iti kha.

JOHANA 15:13

Mi’n a rual hranga a hringna a ipêk bana lungthungna inthûk ual tûte’n nei mahai.

TÎRTÔNHAI SINTHO 11:24

Barnaba chu mi satak, Irtha Irthiang le iamnaa sip a ni. Khanchu mi tamtak Rengpa kuang hruai an ni tâka.

ROM KHUAA MIHAI KUANGA TÎRTÔN PAULA LEKHATHON 16:4

khahai khan ki hringna inzôkna hrangin thi khom an irhuam a ni. Keima vai ni loiin Jentail koiindang murdi khom an chunga an ilôm a ni.

ROM KHUAA MIHAI KUANGA TÎRTÔN PAULA LEKHATHON 5:6

Ite tho theiloi ei ni lai khan, a zoro taka Krista chu mi sualhai hrangin a zuang thi tâka.

ROM KHUAA MIHAI KUANGA TÎRTÔN PAULA LEKHATHON 5:8

Aniachu Pathianin lung a ni ithungna an langna chu, mi sual ei ni lai ata Krista kha ei ta hrangin a zuang thi tâka!

1 JOHANA 3:16

Ama’n ei ta hrangin a hringna a ipêka hin, lungthungna kha ei inhriat ta. Eini khomin urênghai hrangin ei hringna hi ei ipêk hrang a ni.