ROM KHUAA MIHAI KUANGA TÎRTÔN PAULA LEKHATHON 5:2 - PATHIAN LEKHABU IRTHIANG C.L. Bible (BSI)

² Ama sika ngêt khan atûn hin ei iomna lungkhamna hnuaia hin, iamna’n ei lût tâka, Pathian roiinpuina sabeina sikin ei ilôm sa a ni.

ROM KHUAA MIHAI KUANGA TÎRTÔN PAULA LEKHATHON 5:2 ပူးပေါင်းရင်းမြစ်များ

INPÂKNA HLAHAI 17:15

Keima’n chu felna neiin ni hmêl ki hmua: Nangma angna neia ki meng tika chu lunginchuk ta ki ti.

INPÂKNA HLAHAI 73:24

Nangin ni lei inkungna’n ni hruai ni ta, Kha zoi tika chu roiinpuinaa khin ni lôm a ti.

THUVÂRHAI 14:32

Mi sia chu a sintho insual khan ama irhmangna hrang an tungtir ngaia, mi fel chu a felna khan hrung mai a ti.

HABAKUKA 3:18

Rengpaa khan raiinfân ki ta, ki saninhringna Pathiana khan lôm ki ti.

MATHAIA 25:21

A pu khan a kuang, ‘Siahlo sa le iamom, ni tho’n sa! tômte chunga iam ni oma tamtak chunga nang inomtir ki ti; ni pu lômna dong sa roh!’ a tia.

JOHANA 10:7

Khanchu, Jisua’n an kuang thu an sîr nôka, “Thudik tak nangni ki hril, keima hi belrahai ta hrangin mikot ki ni.

JOHANA 10:9

Keima hi mikot chu ki ni. Tukhom keimaa lût chu inzôkin om a ta, lûtin suak a ta, fâk hrang hmu sa ti.

JOHANA 14:6

Jisua’n a sâma, “Keima hi lampui le thutak le hringna ki ni, keimaa fe no chu tukhom Pa kuang tung ngai mahai.

JOHANA 5:24

“Thudik nangni ki hril, tukhom ki thu inhriata, a ni tîrtu iam chu kumtuang hringna a nei ta, thiamno changin om ta no nia, thina ata hringnaa a ilût tâk a ni.

TÎRTÔNHAI SINTHO 14:27

An tungin chu koiindang mihai chu an koi bukhaia, Pathianin anni hmanga thil a itho murdi le Jentailhai ta hrang khom Jisua iamna lam ar hong thuhai an hrila.

ROM KHUAA MIHAI KUANGA TÎRTÔN PAULA LEKHATHON 11:20

Ni ti indik; an iam no sikin ikhiakpaiin an oma, nang chu ni iam sikin izom ni ni, lârirpâkpui no roh, chi ual roh.

ROM KHUAA MIHAI KUANGA TÎRTÔN PAULA LEKHATHON 12:12

Sabeina khan nangni inlômtir sianlân, dengintheina nin tuang khomin dorôi takin tuang unglân, itiklai khomin chongchai roi,

ROM KHUAA MIHAI KUANGA TÎRTÔN PAULA LEKHATHON 14:4

Mi dang siahlo sêltu chu tu mo ni ini? A ngîr indet mo, a tûk mo, a ngaituah hrang chu a pu ircham cham a ni. Ngîr indet ngêt a ti, Rengpa khan a ngîr indet suaktir thei a ni.

ROM KHUAA MIHAI KUANGA TÎRTÔN PAULA LEKHATHON 15:13

Irtha Irthiang sinthotheina zâra sabeinaa nin sip theina hrangin sabeina hnâr Pathiana khan nin iam sikin lômna le irtharngamna tinrêngin nangni vur ri se.

ROM KHUAA MIHAI KUANGA TÎRTÔN PAULA LEKHATHON 2:7

Roiinpuina hai, chôiindômna hai le irhmang thei loinahai zonga thil sa tho mai maihai kumtuang hringna pe a ti;

ROM KHUAA MIHAI KUANGA TÎRTÔN PAULA LEKHATHON 3:23

Mi murdi’n thilsual an tho zita, Pathian roiinpuina kha an ichang thei ta loi a ni.

ROM KHUAA MIHAI KUANGA TÎRTÔN PAULA LEKHATHON 5:5

Kha sabeina khan bei nin dongtir maka, Irtha Irthiang a ni ipêk hmangin ei lungrîla hin Pathianin a lungthungna kha a zuang ibuak tâk a ni.

ROM KHUAA MIHAI KUANGA TÎRTÔN PAULA LEKHATHON 8:1

Khasika khan atûn chu Krista Jisua omhai ta hrangin chu thiamno inchangtirna zel om ta mah.

ROM KHUAA MIHAI KUANGA TÎRTÔN PAULA LEKHATHON 8:24

Kha sabeina sika khan saninhring ei nia; aniachu hmu tâk sabeina kha sabeina ni mah. A ihmu chian tâk kha chu tu mo la sabei mai hrang?

1 KORINTH 15:1

Urênghaio, nin kuanga Thurchi Sa nangni ki lei inhril kha atûna hin nangni inhriattir nôk ki nuam; kha Thurchi Sa kha nin lei poma, kha chunga khan nin iamna a inding indet hrang a ni.

2 KORINTH 3:18

Keini chu kin rêngin hmâi irkhu loiin Rengpa roiinpuina chu kin inlangtira, roiinpui ata roiinpui ual ual hrangin, ama irangpuia om hrangin, irthiangtir mai ei ni, kha kha Rengpa ti a ni, ama kha Irtha a ni.

2 KORINTH 4:17

Sôtnote sûnga kin intakna tuang nêp taka hin kumtuang roiinpuina, tetûk inruk loi dôra irkhêl, a ni siam pe a ni.

EFESI 2:18

Krista zârin ei rêngin Judahai le Jentailhai, Irtha hmunkhatin Pa kuang ei itung suam thei tâk a ni.

EFESI 3:12

Kristaa khan, ama ei iam sikin, irnâi tak le ngam takin Pathian ei inâi thei ta a ni.

EFESI 6:13

Khasikin, Pathian râltukfam irkip khan irbel unglân, nikho saloi a tung tika râl kha khâl khak thei nin ti, nin khâl zoia khom ngîr mai thei nin ti.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

HEBRAI toc2 HEBRAI 3:6

Krista rêk chu Pathian in sûng mihai chunga Nâipa’n iam a iom a ni. A in sûng mihai chu einihai hi ei ni, ei ihâina intûk indetin ei itûng hi ei irnghat ngit ngânin chu.

HEBRAI toc2 HEBRAI 6:18

Khasikin Pathianin thil inhni a chonginkung danglam loi hrang le khomâksâm irkhêl loi hrang hmangin eini a kuanga zôkna hmuhai hin ei matona tûngna om hi intûk indet ngit hrangin a nin thor tak tak a ni.

1 PETERA toc2 1 PETERA 3:18

Krista khom ei sualhai sikin voikhat a thia, Pathian kuang nangni a hruai theina hrangin, mi fel chu mi felloihai ta hrangin a ithi a ni. Taksaa thatpai a nia, irtha tiang chu inhringin a om.

THUPHUANG 21:11

Khopui khan Pathian roiinpuina a neia, lungmantam, Jasper lung angin, Krustal lung angin a vâra.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

THUPHUANG 21:3

Rengtoihmuna irthokin hnukirhai inringtakin, “Atûn chu Pathian in kha mihriamhai laia a zuang om ta! Ama chu an kuang om a ta, anni chu a mihai ni an ti. Pathian ngei kha an kuang om a ta, an Pathian ni a ti.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.