ROM KHUAA MIHAI KUANGA TÎRTÔN PAULA LEKHATHON 5:14 - PATHIAN LEKHABU IRTHIANG C.L. Bible (BSI)

¹⁴ Khannisianlân, Abrahama zoro ata Mosia zoro dênin mi murdi chunga Adama’n Pathian thupêk zôm loia thil sual a itho tâk anga sual loihai chunga khom thina khan ircham a neia. Adama chu la zuang hrangpu leh irkhek a ni.

ROM KHUAA MIHAI KUANGA TÎRTÔN PAULA LEKHATHON 5:14 ပူးပေါင်းရင်းမြစ်များ

IRPHUTNA 19:25

khanchu kha khua le phâizôl lian dôr le a mi omhai le thil ite mông thei loiin a hâl irhmang zit tâka.

IRPHUTNA 4:8

Kaina’n a sangpa Abela kuang, “Loia fe ei ti” a tia. Khanchu hiang hin a nia, loia an om laiin a sangpa Abela kha a’rsualpuia, a thatpai tâka.

IRPHUTNA 7:22

An hnâra hringna phûksân lâk murdi an thi zoi tâk a ni.

FESUAKNA 1:22

Khanchu Faroa’n a mihai chu hianga tho hrangin thu a pêkhaia, “Atûn ata nâipasal suak murdi chu Nail vadunga paihai unglân, khan nupang chu inzôkhai roi”, tiin.

FESUAKNA 1:6

Khanchu, Josefa le a urênghai irlo khathai chu an thi zoi tâka.

HOSEA 6:7

Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni.

JONA 4:11

Ninevi khua, khopui roiinpui tak, a sûnga mi nuai khat le sînghni nêka tam, an chang tiang le vei tiang khom sen thei loihai le sa pâl tamtak omna hi, ki ilunginkham loi hrang ma ni?” a tia.

ROM KHUAA MIHAI KUANGA TÎRTÔN PAULA LEKHATHON 5:12

Rammuala hin mi inkhat sikin sual a hong lûta, sual sika khan thina a hong om ta. Khanchu rammuala mihriam murdi hi thina khan ar fang suak ta a ni, mi murdi’n thil sual an tho sikin.

ROM KHUAA MIHAI KUANGA TÎRTÔN PAULA LEKHATHON 5:17

Mi inkhat, mimal sualna sika rammuala hin thina’n roi a rêl a ni tâkin chu, mi inkhat ngêt Jisua Krista sikin, Pathian lungkhamna irkhêl tak le thilmanboi pêk thiam changna dongtuhai chu, hringna changin roiinpui takin roirêl ngêt an ti.

ROM KHUAA MIHAI KUANGA TÎRTÔN PAULA LEKHATHON 5:21

Khanchu, sual chu thina’n roi a rêla; ei Reng Jisua Krista zâra kumtuang hringna ei nei theina hrangin Pathian lungkhamna khan thiam inchangtirna’n roi a irêl tâk a ni.

ROM KHUAA MIHAI KUANGA TÎRTÔN PAULA LEKHATHON 8:20

Thil siamhai chu an mâni nuamlam sik ni loiin, Pathian nuamlam sikin chanlamboi ni hranga hnôl an ni tâk, aniachu, sabei hrang a la om;

ROM KHUAA MIHAI KUANGA TÎRTÔN PAULA LEKHATHON 8:22

Thil siam murdi chu atûn ten nâiha irvei inrûm angin an inrûm tih ei inhriat a ni.

1 KORINTH 15:22

Mi murdi Adama leh an irzomna sika an ithi ang khan mi murdi Krista leh an irzomna sikin kaithoiin om an ti.

1 KORINTH 15:45

Pathian Thubu’n, “Mihriam masa tak, Adama kha mihriama siam a ni,” a tia. Adama hnungkhôna kha chu hringna pêkpu Irtha a ni.

HEBRAI toc2 HEBRAI 9:27

Mi tin voikhat chu thi ngêt an ta, kha hnunga khan Pathian irêlin om an ti.