ROM KHUAA MIHAI KUANGA TÎRTÔN PAULA LEKHATHON 5:12 - PATHIAN LEKHABU IRTHIANG C.L. Bible (BSI)

¹² Rammuala hin mi inkhat sikin sual a hong lûta, sual sika khan thina a hong om ta. Khanchu rammuala mihriam murdi hi thina khan ar fang suak ta a ni, mi murdi’n thil sual an tho sikin.

ROM KHUAA MIHAI KUANGA TÎRTÔN PAULA LEKHATHON 5:12 ပူးပေါင်းရင်းမြစ်များ

IRPHUTNA 2:17

khan a sia le sa inhriatna thing ra hi chu ni ifâk hrang ni ma: ni fâkin chu, ni fâk nî sûn le zoro taka ni ithi ngêt hrang a ni,” tiin thu a pêka.

IRPHUTNA 3:19

Khan, irnênga ni kîr nôk mâka chu ni hmâia irthântui luang zon zonin bu ne ta ni ti; irnêng pil ata lâksuak ni ni sikin: Pil ni nia, pila dên ni ikîr nôk hrang a ni,” a tia.

IRPHUTNA 3:6

Khanchu nupangnu khan thing ra kha fâk thei zât a nih ti le mit lâktak a nih ti le, mihai invârtir theitu thing ra irzukom tak a nih ti an hriatin chu, a ra senkhat irhmalin a fâk tâka; khan, a pasal khom a pêka a fâk sa tâka.

INPÂKNA HLAHAI 51:5

Irngai ta, pualoinaa dên ki oma; Ka nu’n sualin a ni vonga.

EZEKIELA 18:4

Irngai roi, hringna murdi hi ki ta zit a ni, pa hringna ki tah a ini angin, nâipa hringna khom ki ta a ni; thil tho insualtu murdi thi an ti.

ROM KHUAA MIHAI KUANGA TÎRTÔN PAULA LEKHATHON 3:23

Mi murdi’n thilsual an tho zita, Pathian roiinpuina kha an ichang thei ta loi a ni.

ROM KHUAA MIHAI KUANGA TÎRTÔN PAULA LEKHATHON 5:18

Khanchu, mi inkhat sual sikin mi murdi thiamno inchangtir an nia, khaang dênin mi inkhat fel sikin mi murdi thiam changin an ihring thei tâk a ni.

ROM KHUAA MIHAI KUANGA TÎRTÔN PAULA LEKHATHON 5:19

Mi inkhat thu zômloi sika khan mi tamtak mi sual an ni tâka, khaang dênin mi inkhat thu zômna sikin mi tamtak mi fel ni an ti.

ROM KHUAA MIHAI KUANGA TÎRTÔN PAULA LEKHATHON 5:21

Khanchu, sual chu thina’n roi a rêla; ei Reng Jisua Krista zâra kumtuang hringna ei nei theina hrangin Pathian lungkhamna khan thiam inchangtirna’n roi a irêl tâk a ni.

ROM KHUAA MIHAI KUANGA TÎRTÔN PAULA LEKHATHON 6:21

Atûna nin inzakpui tak, thil nin lei itho ngai kha, nin inlâppui mo? Kha khan a mong taka chu thina an tunga.

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

1 KORINTH 15:56

Thina tûr chu sual a nia, sual sinthotheina chu Dân thu a ni.

EFESI 2:3

A dik takin eini khom ei rêngin anni angin ei iom a ni, ei taksa irzuknahai dungzuiin ei oma, ei takpum le ei lungrîlhai lungdo ei isin a ni. Eini khom mi danghai angin Pathian ningmurna nâi ei ni kha.

JAKOBA toc2 JAKOBA 1:15

Kha irzukna khan tê a hong vonga, sual a nei, kha sual kha a hong puihlingin chu thina an tungtir ngai a ni.

JAKOBA toc2 JAKOBA 3:2

Ei rêngin thil tamtak ei tho’nsual ngai. Tukhom a thu’nsîra tho’nsual ngailoi mi chu mi puihling a ni, khaang mi chu an takpumpui khom an sep thei ngai.