ROM KHUAA MIHAI KUANGA TÎRTÔN PAULA LEKHATHON 5:1 - PATHIAN LEKHABU IRTHIANG C.L. Bible (BSI)

¹ Khasikin iamna sika thiam ei chang tâk sikin, ei Reng Jisua Krista zâra Pathian le irngeiin ei om ta.

ROM KHUAA MIHAI KUANGA TÎRTÔN PAULA LEKHATHON 5:1 ပူးပေါင်းရင်းမြစ်များ

JOBA 21:21

A dam lai sûn a hek tena chu, a imâksan a in mihai a la inhriat mai ngai mo nin isôn?

INPÂKNA HLAHAI 122:6

Jerusalem irtharngamna hrang chu ngên roi: “Nang inhluhai chu hoi pehai a ti.

ISAIA 27:5

An râlhaiin keima ihrung an nuamin chu, keima hi ni hong irngeipuihai sian.

ISAIA 32:17

Diktaka thil an tho sikin, râl irvei loiin om thei ta an ti. Irtharngam takin kumtuangin om an ti.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

ISAIA 55:12

Râifân takin Babulon chu suaksan nin ta, Râl irvei loiin nangni hruaisuak an ti, nin matona tâng le mualhai, lômin khêksuak an ti. Rampuia thinghai khom lômin an kut inbên an ti.

HABAKUKA 2:4

En ta, mi lârirpâk khan a sual sikin tuang a ta, Mi dik rêk chu a iamom sikin zôk a ti.

ZAKARIA 6:13

Ama ngei chu kha biakbuk sintu kha la ni a ta, rêngin a idong ngai mânlianna chu la dong a ta, a mihai chunga roi la rêl a ti. A rêngtoihmun kôla ochai chu ngîr a ta, ama leh irngei tak le irrual takin sin thosuam an ti’ tiin.

LUKA 19:38

“Rengpa irhminga hong chu, inpâkin om ri se, Irvâna irngei lêng sianlân, Anchungtaka khin roiinpuina om ri se,” an tia.

LUKA 19:42

“O nang lua’n a vuan ten hin irtharngamna lampui hi inhre tan lân chu! khannisianlân, atûn chu ni hmu loi hrangin ar thup ta.

LUKA 2:14

“Anchungtaka khin Pathian roiinpui takin om sianlân, Irnênga a lômhai kuang irngeina lêng ri se,” an tia.

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

JOHANA 20:31

Jisua kha Krista Pathian Nâipa a nih ti nin iam theina hrang le nin iam sika khan ama irhminga hringna nin nei theina hranga hihai hi irziak a ni.

JOHANA 5:24

“Thudik nangni ki hril, tukhom ki thu inhriata, a ni tîrtu iam chu kumtuang hringna a nei ta, thiamno changin om ta no nia, thina ata hringnaa a ilût tâk a ni.

TÎRTÔNHAI SINTHO 10:36

Ama khan irtharngamna Thurchi Sa Jisua Krista, mi tinhai Rengpa bâia insîrin Israelhai an pêltir ti nin inhriat, Jisua chu mi murdi Reng a ni.

ROM KHUAA MIHAI KUANGA TÎRTÔN PAULA LEKHATHON 1:17

Hi hin iamna sika vai Pathianin mi thiam a inchangtir lam a hong inlang ta a ni, Pathian Thu bu’n, “Iamnaa mi fel chu hring a ti” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 1:7

Pathianin a lungthung le ama mi irthiang ni hranga a ikoi Rom khuaa mihai chubai nangni ki mûk a ni. Pathian ei Pa le Rengpa Jisua Krista kuang ata lungkhamna le irngeina nin kuang om ri se.

ROM KHUAA MIHAI KUANGA TÎRTÔN PAULA LEKHATHON 10:10

Lungrîla iam chu thiam inchangtir an nia, bâia thop chu saninhringin an om sa ngai.

ROM KHUAA MIHAI KUANGA TÎRTÔN PAULA LEKHATHON 10:15

Tîr an ni no’n chu tu’n mo hril hrang? “Thil sa thurchi hong hriltu ke chu a va sa vang na!” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

ROM KHUAA MIHAI KUANGA TÎRTÔN PAULA LEKHATHON 15:13

Irtha Irthiang sinthotheina zâra sabeinaa nin sip theina hrangin sabeina hnâr Pathiana khan nin iam sikin lômna le irtharngamna tinrêngin nangni vur ri se.

ROM KHUAA MIHAI KUANGA TÎRTÔN PAULA LEKHATHON 15:33

Irngeina Pathian chu nin rênga kuang om ri se. Amen.

ROM KHUAA MIHAI KUANGA TÎRTÔN PAULA LEKHATHON 3:22

Jisua Krista an iam sikin Pathianin mi thiam a inchangtir a ni, tukhom a iam murdihai chu, danglamna zel om mah.

ROM KHUAA MIHAI KUANGA TÎRTÔN PAULA LEKHATHON 3:30

Pathian chu inkhat a nia, sertanhai chu an iamna sikin thiam inchangtir a ta, sertan loihai khom an iamna sika ngêt khan thiam inchangtir a ti.

ROM KHUAA MIHAI KUANGA TÎRTÔN PAULA LEKHATHON 4:5

Aniachu sintho loia, Pathian ngaisak loi, thiam inchangtirtu iam uala iamna kha, ama felnaa inkung a ni.

ROM KHUAA MIHAI KUANGA TÎRTÔN PAULA LEKHATHON 5:11

Kha vai khom kha ni mah, atûna irngeina ni pêktu ei Rengpa Jisua Krista zâra Pathiana ei ilôm a ni.

ROM KHUAA MIHAI KUANGA TÎRTÔN PAULA LEKHATHON 5:18

Khanchu, mi inkhat sual sikin mi murdi thiamno inchangtir an nia, khaang dênin mi inkhat fel sikin mi murdi thiam changin an ihring thei tâk a ni.

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

ROM KHUAA MIHAI KUANGA TÎRTÔN PAULA LEKHATHON 9:30

Imo ei insîr hrang tâk? Jentail thiam chang tum ual loihai chu thiam inchangtir an hong ni ta, iamna sika thiam changna kha.

GALATIA 2:16

Aniachu, Jisua Krista iamna sika vai, Dân zôm sika ni loiin, mi’n Pathian makunga thiam a chang thei a nih ti kin inhriat; Dân zôm sika ni loia Krista iam sika Pathian makunga thiam ei chang theina hrangin keini ngei khom hin Kristaa khan iamna kin irnghat a ni. Tukhomin Dân zôm sikin Pathian makunga thiamchang zoi no nihai.

GALATIA 3:25

Khannisian atûn chu iamna thu kha a hong tung tâk sikin, Dân kaihruaitu hnuaia om ta mak me.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

EFESI 2:7

Khahai murdi a thôna san chu zoro la hong hranghaia Krista Jisuaa lungthungna a inlanga a lungkhamna lian bîkzia kha an hmutir theina hranga a ni.

FILIPI 3:9

Dân zôm sika ni loiin Krista iam sika thiamchang ki ni, iamna sika Pathian makunga thiamchangna chu.

KOLOSA 1:20

Krista sikin Ama leh a’rngeitir nôka, Krosa a Nâipa thisen khan irngeina a siama, Krista sika khan irnênga omhai, irvâna omhai kha Ama leh irngeina a siam ta.

KOLOSA 3:15

Krista irngeina khan nin milunga roirêl ri se, takpum inkhata om hranga koi nin ni. Lômna châng inhre roi.

1 THESALONIKA 5:23

Irngeina Pathian ngêt khan nin pumin irthiangtir sianlân, ei Rengpa Jisua Krista zuang nôk tika chu nin irtha le lungrîl le nin taksa a puma sêlna boiin inomtir ri se.

2 THESALONIKA toc2 2 THESALONIKA 3:16

Irngeina Rengpa ngei khan kumkhua’n lam tinrênga irngeina nangni pe sianlân, Rengpa kha nin rênga kuang om ri se.

HEBRAI toc2 HEBRAI 13:20

Khan, ei Rengpa Jisua, a thina sika kumtuang thuthung deta om, Belrapu Roiinpuitak, thina irthoka a kaithoitu irngeina Pathian khan a lungdo nin sin theina hrangin thil sa nin innang murdi nangni pe sianlân, Jisua Krista zâra einia hin, ama a lungdo sin ri se. Krista kuang roiinpuina kumtuangin om mai ri se! Amen.