ROM KHUAA MIHAI KUANGA TÎRTÔN PAULA LEKHATHON 4:17 - PATHIAN LEKHABU IRTHIANG C.L. Bible (BSI)

¹⁷ “Chi tamtak paa nang siam ki ti,” ti irziak ang khan, a iiam Pathian, mithihai inhring nôktu, thil om loihai inomtirtu a iiam Pathian mithmua khan; Abrahama chu ei renga pa a ni.

ROM KHUAA MIHAI KUANGA TÎRTÔN PAULA LEKHATHON 4:17 ပူးပေါင်းရင်းမြစ်များ

IRPHUTNA 17:16

Khan ama khom satvur ki ta, ama rengata nâipa nang ki ipêk hrang a ni, ama chu satvur ki ta, nam chi tin irchinu ni ta a ti; ama ata nam chi tin le rêng khom la suak an ti,” a ti nôka.

IRPHUTNA 17:20

Ismaela chungthu khom irngaitua ki ti: irngai ro, ama chu sat ki vur ta, irchi tamtak inpung a ta; ama’n chu rêng sômkhat inhni nei a ta, ama khom chi inpungtu lian takin siam ki ti.

IRPHUTNA 28:3

Khanchu Pathian Itinrêng thotheiin sat nang vur a ti; nam tamtak ni la hong chang theina hrangin, na’npungtir a ti;

ISAIA 43:6

Suak ving hrangin hmâr tiang hrilhai ki ta, kalkhumhai hrai loi hrangin sim tianga omhai hrilhai ki ti, ki nâipasalhai ram hlatak ata hong hruai unglân, ki nâinuhai kôlkung ata hong hruaihai roi.

ISAIA 44:7

Keima ang hi tu mo la om? hong hrilhai sian, hong târinlang infel ri sehai. Tianlai mihai ki indinghai moh ni ma, thil hong tung hrang le, thil hong om hrang chu hon puang ri sehai ba.

ISAIA 48:13

Irnêng irnghatna, ki kuta ki isiam a ni, Ki kut chang tiang irvân khi ki kaiphara, ki hong koia, an lei iom ngai a ni.

ISAIA 49:12

En ro, ki mi, ram hlataka honghai so, Hmâr tiang ata hong an nia, sim tianga panin Sinim ram hlataka hong an ni so.

ISAIA 51:2

Nin irchi bul Abrahama kha irngaitua roi, Sari, nangni neitu kha inhre mai roi. Ki koi lai khan chu nâi nei mahaia, Sat ki vura, an ipung ok a ni ta.

ISAIA 55:12

Râifân takin Babulon chu suaksan nin ta, Râl irvei loiin nangni hruaisuak an ti, nin matona tâng le mualhai, lômin khêksuak an ti. Rampuia thinghai khom lômin an kut inbên an ti.

MATHAIA 3:9

‘Abrahama irchi kêng ei ni,’ tia ningmurna rengata zôk hrangin irtûng no roi. Nangni ki hril, Pathianin hi lunghai khom hi Abrahama irchi’n a siam thei!

JOHANA 5:21

Pa’n mithihai a kaithoia, a inhring ang dênin Nâipa khomin a inuam murdi chu an hringtir ngai.

JOHANA 5:25

Thudik nangni ki hril, a zoro tung a ti, atûn khom a tung thiai ta; kha tika chu mithihaiin Pathian Nâipa hnukirhai inhriat an ta, an hriathai kha hring an ti.

JOHANA 6:63

Hringna pêktu chu Irtha a ni; taksa kha kâmnang ma. Nin kuanga thu ki insîrhai hi Irtha le hringna a ni.

TÎRTÔNHAI SINTHO 15:18

Rammual irsiang ata hi thu inhre ngaitu Rengpa khan a ti,’ a iti ang khan.

ROM KHUAA MIHAI KUANGA TÎRTÔN PAULA LEKHATHON 3:29

Pathian chu Judahai ta bîk ma ni? Jentailhai ta khom a ni loi ma ni? Ni e, Jentailhai ta khom a ini kêng.

ROM KHUAA MIHAI KUANGA TÎRTÔN PAULA LEKHATHON 4:18

Sabei hrang a om no khomin a sabeiin a iam ngita, khanchu chi tamtak pa a hong ni ta, “Ni’rchihai chu khi irvâna ârsi tam ang dôr khi la ni an ti,” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 4:2

Abrahama khan sintho sika thiam a changin chu song hrang a inei a ni; aniachu, Pathian makunga song hrang nei viat mah.

ROM KHUAA MIHAI KUANGA TÎRTÔN PAULA LEKHATHON 8:11

Mithi lai ata Jisua kaithoi nôkpu irtha kha nangnia a omin chu, thina irthoka Krista Jisua kaithoi nôkpu khan nin takpum thi thei kha nangnia ama Irtha inomtirin nin takpum thi thei kha inhring a ti.

ROM KHUAA MIHAI KUANGA TÎRTÔN PAULA LEKHATHON 9:11

nâite suak mân a sia mo a sa mo an ti thei mân khan Pathianin a nuamlam angin inkhat kha a inthang a nih ti an lang:

ROM KHUAA MIHAI KUANGA TÎRTÔN PAULA LEKHATHON 9:26

‘Ki mihai ni mak chêi,’ an itihna hmuna ngei khan Pathian ihring nâihai ibe’n om an ti,” tia irziak ang khan.

1 KORINTH 1:28

Rammual thil môl le hmusitomhai, thil om loihai ten khom, Pathianin an thanga; thil om saihai pai thâkna hrangin Pathianin ite ni loia an irngai kha an thang tâk a ni.

1 KORINTH 15:45

Pathian Thubu’n, “Mihriam masa tak, Adama kha mihriama siam a ni,” a tia. Adama hnungkhôna kha chu hringna pêkpu Irtha a ni.

1 TIMOTHEA toc2 1 TIMOTHEA 6:13

Itinrêng hringna hnâr, Pathian le Krista Jisua, Pontia Pilata makunga chi viat loia, thudik thop ngittu makunga khan,

HEBRAI toc2 HEBRAI 11:12

Abrahama kha a thi ang dôra om tâk ni khomsian, kha mi inkhata irthokin irchi, irvâna ârsi za le tuipui kôla chiai tep zoiloi dôr an irzir a ni.

HEBRAI toc2 HEBRAI 11:3

Iamna’n rammual hi Pathian thua siam a nih ti ei inhriat, khaang khan, thil hmu theihai hi thil hmu thei loihaia siam a ni.

HEBRAI toc2 HEBRAI 11:7

Iamna’n Nova khan, sûn matona thil a la ihmu theiloi Pathianin a hril laia khan, Pathian thu zômin irkuang a sina, kha irkuanga khan ama le a in sûng mihai saninhringin an om. Khasika khan, rammual kha thiamno an changa, iamna sika felna Pathian kuanga om kha a idong a ni.

1 PETERA toc2 1 PETERA 2:10

Matona khan Pathian mi la ni ngai mak chêia, atûn chu Pathian mihai nin hong ni tâk; matona khan Pathian za’rngaina lan hre ngai mak chêia, atûn chu a za’rngaina nin hong dong tâk kêng.

2 PETERA toc2 2 PETERA 3:8

Inditom takhaio, hi hi irnghil no roi, Rengpa ta hrangin chu sûn khat hi kum sângkhat ang a nia, kum sângkhat khom hi sûn khat ang a ni.