ROM KHUAA MIHAI KUANGA TÎRTÔN PAULA LEKHATHON 3:21 - PATHIAN LEKHABU IRTHIANG C.L. Bible (BSI)

²¹ Atûn chu Dân hmang ngai loia mi thiam an changtir lam Pathian khan a zuang inlangtir ta: Dân le deipuhai thu khomin kha kha a insîr a ni.

ROM KHUAA MIHAI KUANGA TÎRTÔN PAULA LEKHATHON 3:21 ပူးပေါင်းရင်းမြစ်များ

IRPHUTNA 15:6

Khan Rengpa kha a iam zela; khanchu Rengpa’n a felna sikin mi iamomin a bêa.

ISAIA 46:13

ki felna sûn chu a hong nâi ta, hla ta mah sôtnote sûngin nangni saninhring ki ta. Zion chu saninhring ki ta, Israel chu roiinpuitir ta ki ti.

ISAIA 51:8

Puan irthiin a ifâk insiat angin, irnge’n samul puanhai a ifâk thei angin annihai khom la fa an ta, keima kuang chu kumtuanga hrang a ni, ki saninhringna khom kumtuanga hrang a ni.

ISAIA 54:17

Nangma doina hrangin an hriamhrei siamhai chu inhroi loiin. Nangma doituhai chu thei loi changin om an ti. Hi hi Rengpa siahlohai dong hrang chu a ni, zoina pe a ti, Rengpa thusuakin a ti.

ISAIA 61:10

Rengpaa khan lôm tak tak ki ta, ki Pathian chunga hin lôm ok ki ti. Moineitu ochai anga irvô le moi a irvô ang hin, Jerusalem khua chu saninhringna le inhnêna puanin a hong ituam tâk a ni.

JEREMIA 33:16

Juda mihai le Jerusalem mihai chu sansuak ni an ta, zôkriamin om ta an ti. Khopui chu ‘Rengpa ei saninhringna’ tia koi ni a ti.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

LUKA 24:44

Jisua’n an kuang, “Nin laia ki om lai khan hi thuhai lele hi nangni ki hril ngai khate. Mosia Dân bua, Deipu lekhabua, inpâkna hlabuhaia ki Thurchi an lei irziak, hong tung indik ngêt hranga nangni ki lei inhrilhai kha a ni,” a tia.

JOHANA 1:45

Filipa’n Nathanaela chu a hmua, a kuang “A thurchi Dân lekhabua Mosia’n a’rziak, deipuhai khomin an irziak kha ama kin hmu ta, Nazaret Jisua, Josefa nâipa kha,” a tia.

TÎRTÔNHAI SINTHO 10:43

Tukhom, Ama iam tâk chu ar hming sikin a sualhai ngaidamin om a ti, tiin deipu murdihai khomin a Thurchi an insîr ngai,” a tia.

TÎRTÔNHAI SINTHO 15:11

Khaang khan ni ma! anni ang dênin eini khom Rengpa Jisua lungkhamna sika saninhring hrang ni’n ei irtûng,” a tia.

TÎRTÔNHAI SINTHO 26:22

Khanisianlân, Pathianin a ni changpui sikin a vuan ten mi lian le mi chîn tetehai kuang thuhril hrangin ki la ingîr thei a ni. Deipuhai le Mosia’n thil hong tung hrang an insîr ban ite insîr ma ung.

TÎRTÔNHAI SINTHO 28:23

Khanchu, nikhua an khita, kha ni khan a omna ina mi tam takin an hong pana, zîng ata zân dênin Pathian ram thu an sîra, a hrilfiaa. Mosia Dan bu le deipuhai lekhabu ata Jisua chungchânga annihai kha in-iamtir tumin a hrilhaia.

ROM KHUAA MIHAI KUANGA TÎRTÔN PAULA LEKHATHON 1:17

Hi hin iamna sika vai Pathianin mi thiam a inchangtir lam a hong inlang ta a ni, Pathian Thu bu’n, “Iamnaa mi fel chu hring a ti” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 1:2

Kha Thurchi Sa kha, Pathianin a deipuhai hmangin a Lekha irthianga a lei inkung tâka;

ROM KHUAA MIHAI KUANGA TÎRTÔN PAULA LEKHATHON 16:26

Atûn hin chu thu irthup ngai kha deipuhai Lekhaa a hong inlanga, tukhomin an iama an zôm theina hrangin kumtuang Pathian thupêk anga nam tin laia inhriattir a ni ta.

ROM KHUAA MIHAI KUANGA TÎRTÔN PAULA LEKHATHON 3:28

Dân zôm sika ni loiin iamna sikin mi’n thiam an chang ei iti a ni.

ROM KHUAA MIHAI KUANGA TÎRTÔN PAULA LEKHATHON 5:19

Mi inkhat thu zômloi sika khan mi tamtak mi sual an ni tâka, khaang dênin mi inkhat thu zômna sikin mi tamtak mi fel ni an ti.

ROM KHUAA MIHAI KUANGA TÎRTÔN PAULA LEKHATHON 5:21

Khanchu, sual chu thina’n roi a rêla; ei Reng Jisua Krista zâra kumtuang hringna ei nei theina hrangin Pathian lungkhamna khan thiam inchangtirna’n roi a irêl tâk a ni.

ROM KHUAA MIHAI KUANGA TÎRTÔN PAULA LEKHATHON 9:30

Imo ei insîr hrang tâk? Jentail thiam chang tum ual loihai chu thiam inchangtir an hong ni ta, iamna sika thiam changna kha.

1 KORINTH 1:30

Nangni chu, Krista Jisuaa khan nin om tâka; ama chu Pathian kuang ata, eini ta hrangin chu vârna hai, thiam inchangtirna hai, irthiangna hai le irtanna hai a lei ni tâka.

2 KORINTH 3:9

Thiamloina intung ngai dân lua mina a roiinpuiin te, saninhringna intung ngai sinthôna kha idôra roiinpui ual mo a ini hrang!

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

GALATIA 3:8

Khan, Lekha Thu khan Jentailhai khom iamna sikin Pathian khan thiam inchangtir hrang a nih ti a lei hmua; khanchu Abrahama kuang, “Nangmaa khan nam tin satvurin om an ti,” tiin Thurchi Sa kha a lei hril diam tâk a ni.

GALATIA 5:5

Keini chu Irtha zâra iamna sika thiamchangna kha sabeiin kin inghâkhmo a ni.

FILIPI 3:9

Dân zôm sika ni loiin Krista iam sika thiamchang ki ni, iamna sika Pathian makunga thiamchangna chu.

1 PETERA toc2 1 PETERA 1:10

Hi saninhringna chungchâng hi deipuhaiin ngûk taka zongin an suia, nin chunga Pathian thilpêk, lungkhamna zuang tung hrang chu, an lei insîr a ni.

2 PETERA toc2 2 PETERA 1:1

Jisua Krista suak le tirtôn Simon Petera khan, a ni saninhringtu Jisua Krista zâra le ei Pathian felna zâra iamna kin idong ang donghai chubai ki mûk.