ROM KHUAA MIHAI KUANGA TÎRTÔN PAULA LEKHATHON 3:11 - PATHIAN LEKHABU IRTHIANG C.L. Bible (BSI)

¹¹ Tûte inhre thiam rêng om mahai, Tûte Pathian zong rêng om viat mahai.

ROM KHUAA MIHAI KUANGA TÎRTÔN PAULA LEKHATHON 3:11 ပူးပေါင်းရင်းမြစ်များ

INPÂKNA HLAHAI 53:2

Inhre thiama Pathian zong rêng rêng an om mo ti inhre hrangin Pathianin irvân ata mihriam nâihai hi a zu ena.

INPÂKNA HLAHAI 53:4

Thil tho’nsualtuhai khan inhriatna rêng rêng an inei loi ma ni? Bai an ifâk angin ki mihai an fâk zoi zit ngaia, Pathian laka irlam ngai mahai.

INPÂKNA HLAHAI 94:8

Mi laia mi môlhaio, irngaitua roi: Mi’nvêthaio, itika mo nin ivâr hrang tâk?

THUVÂRHAI 1:22

“Inmôlhaio! I dôr ten mo nin inmôlna nin ikan hrang? I dôr ten mo inhriatna hmusitna hin nin râi nin infân hrang? Ni irchû viat loi hrang mo?

THUVÂRHAI 1:7

Rengpa chi chu inhriatna bul a ni. Khannisianlân, invêthaiin chu vârna le irchûtirna an hmusit ngai.

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 31:1

Changpui hrang zonga Aigupta rama fe sakor hrâtna irnghattuhaio! sakor tâlia irnghat, an sakor chungchuanghai dârsuam a ngar sika ir-iam an ni. Israel mi irthianghai tiang irnghat nuam loiin, Rengpa lak irdon nuam mahaia.

ISAIA 55:6

Hmu ola a om lai hin, Rengpa chu zong unglan. Anâi lai hin ama chu koi roi.

ISAIA 65:1

Rengpa khan hiang hin a ti: “Kin irsiam diama, nin dit ta mak chea, a hmu mai thei kin nia, ni zong nuam mak chea, ki mi, ki’rhming koi nuam loihai kuang khan, ‘Hin ki omchian hi te,’ ki tia.

ISAIA 9:13

Israel namhai chu anni soisaktuhai tiang kîr nuam loiin, itinrêng Rengpa kuang tiang fe nuam mahai.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

HOSEA 4:6

Ki mihai kha inhriatna an irsam sikin inboipai an nia, inhriatna ni hnôl sikin kei khomin ki ochai ni nina ata nang hnôl ta ki ti. Ni Pathian dân ni’rnghilpaia, kei khomin ni nâihai irnghil pai ki ti.

HOSEA 7:10

Israel roiinpuina khan a hmâi makunga an hriattir ngaia, khannisianlân, hihai murdi khom hin, Rengpa an Pathian tiang khan irhei mahai, ama kha zong ual mahai.

MATHAIA 13:19

Tukhomin Pathian Ram thu chu irngaia an inhriat thiam no’n chu mi sual chu a honga, a milunga inthek sai chu ar chupui ngai.

ROM KHUAA MIHAI KUANGA TÎRTÔN PAULA LEKHATHON 1:22

Vâr an irti nâkin, a sân an invêt tâk a ni.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

ROM KHUAA MIHAI KUANGA TÎRTÔN PAULA LEKHATHON 3:10

“Tûte mi fel rêng om mahai; Inkhat lua om mahai;

ROM KHUAA MIHAI KUANGA TÎRTÔN PAULA LEKHATHON 3:12

A ni loina tiang an pêt zoi zit tâka; Ite khom hmang inruk ta loiin an om zit tâka; Tukhom thil sa tho reng om mahai; Inkhatte lua om ta mahai.

ROM KHUAA MIHAI KUANGA TÎRTÔN PAULA LEKHATHON 8:7

Taksa nuamlam chu Pathian a doia; Pathian Dân zôm maka, zôm khom zôm thei ual mah;

TITA toc2 TITA 3:3

Tiana khan chu eini khom inmôltak, tukullian tak, hruai irhmanga om, irzukna le inhoina chi tinrêng suaka om ei nia, mi hnarsaa êsêlin ei oma; nunse tak, irkhôkmâk irhlôm uar mi ei ni ngai.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.