Atûn hin fe’n lân, nang ki ihrilna hmuna khan ni mihai hi hruaihai roh. Ki vântirtônin nang a ihruai hrang a nih ti hi inhre mai ro, hi mihai an sual sika dûk ki ithohaina hrang nikhua khom anâi teng ta,” a tia.
“Kei chu ite inhre ma ung” ni ti thei, Pathianin chu ni lungrîl tumna an hriata, a ivarh mai kêng. Nang a thîr chiana; nang an hriat zit. Ni sintho lam ang takin nang thuan nôk a ti.
Khan, ki milungin, “Pathianin mi felhai le mi pualoihai chunga roi la rêl a ti, sin tinrêng ta hrang le sintho tinrêng ta hrang khomin zoro bi seng a om sikin,” ki tia.
Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.
Thil sual thotu chu thi ngêt a ti, nâipa khan a pa sualna mô pêl no nia, pa khomin a nâipa sualna chu pêl no ni; mi dikin a dikna man hmu a ta, mi sualin a sualna man hmu a ti.
Khasikin, O Israel mihaio, mi tin an omdân ang zêlin roirêl ki ti, ti hi Rengpa pathian thusuak a ni. Irlet unglân, nin sualna murdihai chu masan zit roi; khanchu, nin sualnaa khan siatna tok ta no chin ni.
Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.
Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.
A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.
Khanchu, mithihai, a lian a chînin, rêngtoihmun makunga ngîr ki hmua. Lekhabuhai an phara, lekhabu dang hringna lekhabu khom kha ar phar saa. Khanchu, mithihai kha an sintho seng lekhabua chuang ang takin roirêl pêkin an om ta.