ROM KHUAA MIHAI KUANGA TÎRTÔN PAULA LEKHATHON 16:26 - PATHIAN LEKHABU IRTHIANG C.L. Bible (BSI)

²⁶ Atûn hin chu thu irthup ngai kha deipuhai Lekhaa a hong inlanga, tukhomin an iama an zôm theina hrangin kumtuang Pathian thupêk anga nam tin laia inhriattir a ni ta.

ROM KHUAA MIHAI KUANGA TÎRTÔN PAULA LEKHATHON 16:26 ပူးပေါင်းရင်းမြစ်များ

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

GALATIA 3:8

Khan, Lekha Thu khan Jentailhai khom iamna sikin Pathian khan thiam inchangtir hrang a nih ti a lei hmua; khanchu Abrahama kuang, “Nangmaa khan nam tin satvurin om an ti,” tiin Thurchi Sa kha a lei hril diam tâk a ni.

ROM KHUAA MIHAI KUANGA TÎRTÔN PAULA LEKHATHON 15:18

Jentailhai in-iamtir hrangin Krista’n sintho le thuhrilin keima ni hmanga a sinthohai vai no chu i khom hril ngam no ninga;

ROM KHUAA MIHAI KUANGA TÎRTÔN PAULA LEKHATHON 1:5

kha sika khan Pathianin nam tin laia mihai iama tak insôntir hrangin tirtôn nina sintum an inhlan a ni:

ISAIA 40:28

Inhre mak chêi mo? Rengpa vai hi kumtuanga Pathian chu a nia, kôlkil minli sûnga om murdi hi, Ama isiam ving a ni.

2 TIMOTHEA toc2 2 TIMOTHEA 1:10

Khannisian atûn hin, a ni saninhringtu Krista Jisua a zuanga khan, kha kha a hong inlang lik tâk a ni. Ama khan thina an hnê tâka, Thurchi Saa hin hringna le thi theiloina a hong inlang tâk a ni.

KOLOSA 1:26

Mi murdi ata kumkhuaa a lei ithup ngai, thu’rthup kha, atûn a mi irthianghai kuang an langtir ta.

EFESI 1:9

Pathianin a lungdo irthup Krista zâra zoi a itum kha zoiin a nin hriattir ta.

ROM KHUAA MIHAI KUANGA TÎRTÔN PAULA LEKHATHON 15:4

Pathian Lekha thua lei irziak tâk rêng rêng chu nir chutir hranga irziak a ni, thu irziak ata dorôina le irtharngamna ei dong zâra sabeina ei nei theina hrangin.

ROM KHUAA MIHAI KUANGA TÎRTÔN PAULA LEKHATHON 1:2

Kha Thurchi Sa kha, Pathianin a deipuhai hmangin a Lekha irthianga a lei inkung tâka;

IRPHUTNA 21:33

Khan Abrahama’n Beerseba khuaa khan meisâr kung a phuna, kha hmuna khan Rengpa, kumtuang Pathian irhming a sâma.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

EFESI 2:20

Tirtônhai le deipuhai lungphûm chunga sia nin ni, kha lungphûm a kila lung poimo tak kha Krista Jisua hi a ni.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

HEBRAI toc2 HEBRAI 9:14

Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.

ROM KHUAA MIHAI KUANGA TÎRTÔN PAULA LEKHATHON 3:21

Atûn chu Dân hmang ngai loia mi thiam an changtir lam Pathian khan a zuang inlangtir ta: Dân le deipuhai thu khomin kha kha a insîr a ni.

ROM KHUAA MIHAI KUANGA TÎRTÔN PAULA LEKHATHON 1:20

A nina, mita hmu thei loi, a kumtuang sinthotheina le a Pathianzia kha rammual siam irphut ata a thil siamhai chu fel taka hmu theiin an langa. Irphilna hrang zel nei mahai.

TÎRTÔNHAI SINTHO 10:43

Tukhom, Ama iam tâk chu ar hming sikin a sualhai ngaidamin om a ti, tiin deipu murdihai khomin a Thurchi an insîr ngai,” a tia.

TÎRTÔNHAI SINTHO 6:7

Khanchu, Pathian thu chu an darh zêl tâka, Jerusalema irchutir a sân an hong punga, Ochaihai laia mi tamtak khomin Iamna kha an pom sa tâka.

MARKA 16:15

Jisua’n an kuang, “Rammual pumpuia fe unglân, thil siam murdihai kuang Thurchi Sa hi insîr roi.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

DÂN INHNINA 33:27

Kumtuang Pathian kha nangni enkoltu a ni, a bân hrât khan nangni a sûnghuala, nin makunga râl an hnotsuaka, “Inboipai zit roi,” a ti.

THUPHUANG 19:10

Khanchu, chubai mûk hrangin a ke bula kin boka, khannisianlân, ama khan ki kuang, “Hiang hin chu tho no roh, kei khom nangma le ni urênghai le Jisua thutak inpuang pomhai suak chanpui kêng ki ni. Pathian chubai mûk roh!” a tia. Thutak Jisua inpuang kha thu’nsîr theina irtha a ni.

THUPHUANG 1:17

Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.

HEBRAI toc2 HEBRAI 13:8

Jisua Krista chu mizân, a vuan le kumkhua’n a pangai dên a ni.

1 TIMOTHEA toc2 1 TIMOTHEA 3:16

Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.