ROM KHUAA MIHAI KUANGA TÎRTÔN PAULA LEKHATHON 15:8 - PATHIAN LEKHABU IRTHIANG C.L. Bible (BSI)

⁸ Nangni ki hril, Pathian iam omzia infelna hrangin irchibulhai kuang a thu’nkung kha hlenin, Krista chu sertanhai sinthotua a lei oma.

ROM KHUAA MIHAI KUANGA TÎRTÔN PAULA LEKHATHON 15:8 ပူးပေါင်းရင်းမြစ်များ

MATHAIA 15:24

Khanchu, Jisua’n, “Israel belra irhmanghai laia vai kêng tîr ki ini,” tiin a sâma.

JOHANA 1:11

Ama ram ngeia a zuanga, aniachu ama mihaiin lei lôm mahai.

2 KORINTH 1:20

Pathian chonginkunghai murdi “A ni” a ni sikin. Khasika khan kêng Jisua Krista zârin Pathian roiinpuina hrangin “Amen” ei ti ngai.

JOHANA 10:16

Hi belra kula mi ni loi hi belra dang ki nei; anni khom ki la hong ihruaihai hrang a ni, ki hnukirhai khom inhria an ti, khanchu pâl khatin om an ta, a enkoltu inkhat leh.

ROM KHUAA MIHAI KUANGA TÎRTÔN PAULA LEKHATHON 15:16

Jentailhai chu Irtha Irthianga Pathian kuang, lôm inruka irbôlna hranga, inhlan hrangin Thurchi Sa hril hi ki ochai sin a ni.

ROM KHUAA MIHAI KUANGA TÎRTÔN PAULA LEKHATHON 3:3

Mi senkhathai iamom ta no sianlân, itin mo ni ta ni? Anni iamom loina khan Pathian iamomna chu a inboi hrang ma ni?

EFESI 2:12

Kha lai khan Krista la nei mak chêia, Israel in sûngkua ata mi dang nin nia, Pathian thu’nkunga thuthung pên tianga mi nin ni saa, rammuala hin sabeina rêng neiloi le Pathian tak inhre loia nin iom kha inhre mai roi.

ROM KHUAA MIHAI KUANGA TÎRTÔN PAULA LEKHATHON 11:30

Tiana khan chu Pathian thu zôm no sikin a lungkhamna nin dong ta a ni.

ROM KHUAA MIHAI KUANGA TÎRTÔN PAULA LEKHATHON 11:22

Pathian satzia le ichiomzia hi ngaitua ta; a tûkhai hrangin ichi a oma, a satnaa ni om maiin chu, nangma ta hrangin chu a isa a ni, ni om mai no’n chu nang khom sât thâk ni ni ti.

ROM KHUAA MIHAI KUANGA TÎRTÔN PAULA LEKHATHON 4:16

Abrahama irchi murdihai hrangin, dân zômtuhai vai ni loiin, ama iam anga iamtuhai hrangin Pathian thilmanboi pêk a nizia inlang hrangin iamna sikin kêng Abrahama kuang thu a inkung a ni.

ROM KHUAA MIHAI KUANGA TÎRTÔN PAULA LEKHATHON 3:26

Atûn laia a felzia entirna hrangin kêng, ama ngei kha mi fel a ni theina hrang le, Jisua iam murdi chu thiam inchangtirtu a ni theina hrangin.

TÎRTÔNHAI SINTHO 13:46

Paula le Barnaba khan hâi takin, “Pathian thu hi nangni kuang hril masa hrang rêng a ni; khannisianlân, nin hnôla, kumtuang hringna nei zel loia nin irngai hnung chu inhre roi, Jentailhai tiang irhei kin ti.

MIKA 7:20

Tianlaia ei puhai kuang chong nin kung tâka, Jakoba kuang thutak le Abrahama kuang lungkhamna kha hlensua ni ti.

1 KORINTH 15:50

Urênghaio, “Taksa le thisenin Pathian Ram lua thei no nia, a hmon thei hin hmon theiloi kha lua thei ual no ni,” ti hi a ni.

1 KORINTH 10:29

nangni sia le sa inhriatna ki iti ni mah, mi dang sia le sa inhriatna ki ti ual a ni. I hranga mi dang sia le sa inhriatna khan ki zalênna a isêl ma ni?

MATHAIA 20:28

Mihriam Nâipa khom hi sintho pe hrangin zuang maka, sintho hrang le mi tamtak irtan hranga a hringna pe hranga a izuang a ni,” a tia.

1 KORINTH 10:19

Millim le a kuanga fâk inhlan kha thil kâmom a ni ki itihna ma ni?

1 KORINTH 1:12

Hi hi a ni ki iti chu: Mi tinin, “Kei Paula pôl ki ni, kei Apolova pôl ki ni, kei Kifa pôl ki ni, kei Krista pôl ki ni,” nin irti chita.

THUVÂRHAI 8:7

Ki bâia thu suak hi thutak a nia; milak thu chu keima hrangin khôkmâk om tak a ni.