ROM KHUAA MIHAI KUANGA TÎRTÔN PAULA LEKHATHON 14:6 - PATHIAN LEKHABU IRTHIANG C.L. Bible (BSI)

⁶ Sûn khat ser bîktu chu Rengpa chôiindômna hrangin a iser a ni; itinrêng fâktu chu, Pathian kuang lômthu insîr baka a ifâk a ni sikin, Rengpa a ichôiindôm a ni. A fâk loitu khom khan Pathian kuang lômthu an sîr sa dên sikin Rengpa chôiindômna hrangin a inghei a ni.

ROM KHUAA MIHAI KUANGA TÎRTÔN PAULA LEKHATHON 14:6 ပူးပေါင်းရင်းမြစ်များ

FESUAKNA 12:14

Hi nî hi Rengpa’n sintho nangni inhriattirtu sakhua kût nin ihmang ngêt hrang a ni.

FESUAKNA 12:42

Kha zâna khan Aigupta ram ata anni a hruaisuakhai sikin Rengpa ta hrangin zân an iser hrang a ni; Israelhaiin an irchi suanpâr dênin kha zân kha Rengpa ta hrangin an iser mai hrang a ni.

FESUAKNA 16:25

Khanchu Mosia’n, “A vuan chu hi hi fa roi; a vuan chu Rengpa hranga irngamnî sûn a ni sikin, riakbuk kôlvêla ite bu hmu thei ni no ni.

ISAIA 58:5

Khaanga bu nghei kha ki nuam lam nin isôn ma ni? Denginthei nikhua nia nin irsiampuihaia, sûlhna a ichuai angin nin kûn chiana, nêngpil laia bora dâpin nin zâl ngai. Khahai ang khan kêng bu nghei hi nin itho? keima hrangin lômomna moh ni ni pe ni?

ZAKARIA 14:21

Jerusalem le Judai ram murdia bêl le bûrhai chu Rengpa Pathian biakna hranga ison ni ta a ti. Thilinhlan inhlantuhaiin thilinhlan hmêhai suangna hrangin hmang an ti. Kha zoro kha a hong tung tena chu Rengpa Pathian tempila khan Kanaan mihai rêng rêng om ta no nihai.

MATHAIA 14:19

Mipuihai kha sûl chunga toi hrangin thu a pêkhaia; Khanchu, bai ringa le nga inhni kha a lâka, irvân tiang enin Pathian kuang lômthu an sîra. Bai kha a khoia, irchutirhai kuang a pêka, irchutirhai khan mipuihai kuang an sem pehai tâka.

MATHAIA 15:36

Khan, bai sari le nga kha a lâka, Pathian kuang lômthu an sîra, a khoia, irchutirhai kuang a pêka; irchutirhai khan mipuihai kuang an pêk tâka.

JOHANA 6:28

Khanchu anni’n, “Pathian sin kin tho theina hrangin imo kin itho hrang?” an tia.

GALATIA 4:10

Misa hai, tha hai, zoro hai, kum hai ser bîk nin inei nôk tâk?