ROM KHUAA MIHAI KUANGA TÎRTÔN PAULA LEKHATHON 14:18 - PATHIAN LEKHABU IRTHIANG C.L. Bible (BSI)

¹⁸ Khaanga Krista sinthotu murdi chu Pathian nuamlam mi a nia, mihriam inpâk khom a hlo ngai.

ROM KHUAA MIHAI KUANGA TÎRTÔN PAULA LEKHATHON 14:18 ပူးပေါင်းရင်းမြစ်များ

IRPHUTNA 4:7

Thil ni tho insa’n chu lôm ni ihlo hrang mo ni ma? Ni tho’n sa no’n chu sual chu mikot kôla a iom chian a ni: a nuam lam chu nangma nang inhnê hi a nia, a chunga thu ni inei hrang a ni,” a tia.

THUHRILTU 9:7

Fe’n lân, lôm takin ni bai fa ro, ni uain chu milung raifân takin in ro; ni sinthohai chu Pathianin a pom tâk sikin.

MARKA 13:34

Mi, ram danga an zin hrangin a suakhai kuang an sintum chit mophurtira, mikot nghâktu khom irtûng chiana om hrangin hril baka fe pat tâk ang hi a ni.

JOHANA 12:26

Tukhom ki sintho nuam murdi’n chu ni zui ngêt ri se, ki sin thotu chu ki omnaa a om sa theina hrangin. Tukhomin ki sin tho chu ka Pa’n chôiindôm a ti,” a tia.

TÎRTÔNHAI SINTHO 10:35

Nam tin laia tukhom ama inhriata, sin fel tak tho murdi chu a pom inruk mi a ni ngai.

ROM KHUAA MIHAI KUANGA TÎRTÔN PAULA LEKHATHON 12:11

Irtha inboi viat loiin lungrîl irthor takin Rengpa sin kha tho roi.

ROM KHUAA MIHAI KUANGA TÎRTÔN PAULA LEKHATHON 14:4

Mi dang siahlo sêltu chu tu mo ni ini? A ngîr indet mo, a tûk mo, a ngaituah hrang chu a pu ircham cham a ni. Ngîr indet ngêt a ti, Rengpa khan a ngîr indet suaktir thei a ni.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

ROM KHUAA MIHAI KUANGA TÎRTÔN PAULA LEKHATHON 6:22

Atûn chu sual ata irkiang nin ni tâka, Pathian suaka nin lût tâk sikin kumtuang hringna chang hranga irthiangtir nin ni ta.

1 KORINTH 7:22

Suak, Rengpa’n a ikoi chu Rengpa insua suak a nia, khaang dêna khan suak ni loi Krista’n a ikoi khom kha Krista suak a ni.

2 KORINTH 4:2

Thil irthup le inzakpuiom sinhai kha kin mâka, milakin sin ma unga, Pathian thu huangna khomin hmang sa ma ung. Thutak vârna irkipin Pathian mithmua khan inlêngin mi tin sia le sa inhriatna mit tung kin tum ual ngai.

2 KORINTH 5:11

Rengpa chi lam kin hriata, mi kin inthêm ngai a ni. Pathianin a nin hriat infel zit, nangni khomin nin lungrîlin nin hriat infel sa nin ti ki tûng.

2 KORINTH 5:9

Khasikin om inlân, om no inlân, ama nuamlam mi ni ei itum ngit ngai hrang a ni.

2 KORINTH 6:4

Kha nêkin, kin sinthôna tinrênga buainahai, dengtheinahai le intaknahai diar taka tuangin, Pathian sinthotuhai kin nih ti kin inlang ual ngai.

2 KORINTH 8:21

Kin thil tum chu Rengpa mithmu vaia ni loiin mihriam mit hmu khoma dikna sin hi a ni.

FILIPI 4:18

Nin thilpêk murdi ki lei donga, ki nei intam ta. Epafrodita kuta nin thil hong thonhai kha ki lei hmua, ki’rhniang tâk e. Kha kha mirimhoi thilinhlan, pominruk, Pathian nuamlam a ni.

FILIPI 4:8

A mongna taka chu urênghaio, a dik le mahripom murdi, a fel le irthiang murdi, inditom le a thanginsat murdi, satna a oma inpâk ruk a om photin chu, khahai kha ngaitua roi.

KOLOSA 3:24

Irchon nin ilua hrang hi Rengpa ata lômman a nih ti inhre mai roi. Rengpa Krista sin nin itho a ni.

1 TIMOTHEA toc2 1 TIMOTHEA 2:3

Kha kha a ni saninhringtu Pathian hmuin a saa, a inuamlam a ni.

1 TIMOTHEA toc2 1 TIMOTHEA 5:4

khannisianlân, tu le nâi nei meithâihai khan in sûngkua tianga an sintum, Pathianin sûngkua mophurna a ipêk chu hlen suak irchu sianlân, anni infa inliantu kha infa nôk ri se, kha kha Pathian nuamlam a ni.

1 PETERA toc2 1 PETERA 2:12

Jentailhai lai ata satakin lêng unglân, thil sual thoa nangni an bê khomin nin sintho sahai anni ngêtin hmu an ta, Pathianin nangni a zuang hro tika ama chôiindôm thei an ti.

1 PETERA toc2 1 PETERA 2:20

Nin sual sika nin tuangin diar takin tuang khom unglân, nin ta hrangin irhming satna imo om? Khannisian, thil sa nin tho khomin kuttum nin tuangin chu Pathian nuamlam a ni.

1 PETERA toc2 1 PETERA 2:5

Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.

1 PETERA toc2 1 PETERA 3:16

Khannisianlân, thuhnuairôl le bengvâr takin, sia le sa inhriatna irthiang tak neiin tho roi, khanchu Kristaa nin om lam sa insîrinsiathai kha mualinphoiin om an ti.