ROM KHUAA MIHAI KUANGA TÎRTÔN PAULA LEKHATHON 14:17 - PATHIAN LEKHABU IRTHIANG C.L. Bible (BSI)

¹⁷ Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

ROM KHUAA MIHAI KUANGA TÎRTÔN PAULA LEKHATHON 14:17 ပူးပေါင်းရင်းမြစ်များ

ROM KHUAA MIHAI KUANGA TÎRTÔN PAULA LEKHATHON 15:13

Irtha Irthiang sinthotheina zâra sabeinaa nin sip theina hrangin sabeina hnâr Pathiana khan nin iam sikin lômna le irtharngamna tinrêngin nangni vur ri se.

MATHAIA 6:33

A ram le a felna chu zong masa roi, khanchu, hihai murdi hi nangni pêk bêlsa a ti.

1 KORINTH 4:20

Pathian Ram chu thu vaia irnghat mah, sinthotheinaa a irnghat ual a ni.

1 KORINTH 8:8

Khannisian, fâk hin Pathian leh ei irzomna chu ni siam insa pe thei loi a ni; fa no khom inlân ite inchân no ih, fa khom inlân ite hmu ual no ih.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

ROM KHUAA MIHAI KUANGA TÎRTÔN PAULA LEKHATHON 8:6

Taksa tianga thil nuamhai chu thina a nia, Irtha tianga thil nuam chu hringna le irtharngamna a ni.

1 THESALONIKA 2:12

A ram le a roiinpuina chang sa hranga nangni koitu Pathian mi irphuaa om hranga ngênin, inthorin, nangni kin inhriatir ngai a ni.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

FILIPI 3:9

Dân zôm sika ni loiin Krista iam sika thiamchang ki ni, iamna sika Pathian makunga thiamchangna chu.

1 KORINTH 6:9

Mi felloihaiin Pathian Ram lua no nihai ti nin inhriat loi ma ni? Ihuangin om no roi; irdit songhai, millim biakhai, uirehai, hurhai, mongkohurhai,

JOHANA 3:3

Jisua’n a sâma, “Thudik tak nang ki hril, mi tukhom a suakinthar no’n chu Pathian Ram hmu thei no ni,” a tia.

TÎRTÔNHAI SINTHO 13:52

Irchutirhai kha Irtha Irthiangin an sipa, a sân an lôm tâka.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

FILIPI 4:7

Khanchu, mihriam inhriat phâk loi, Pathian irtharngamna khan nin milung le nin lungrîlhai kha Krista Jisuaa khan nangni enkol pe a ti.

KOLOSA 1:11

A sinthotheina roiinpui tak ata suak irzukna khan lam tinrênga sôina le tuangdiarna nei hrangin nangni inhrât a ti.

FILIPI 4:4

Rengpaa khan lôm mai roi, ti nôk ki ti, lôm roi!

JOHANA 3:5

Jisua’n, “Thudik nang hril ki ti, mi tukhom tuia le irthaa an suak no’n chu Pathian Rama lût thei no ni.

MATHAIA 3:2

“Irlet roi, Irvân Ram anai tâk e!” a tia.

1 PETERA toc2 1 PETERA 1:8

Ama hmuloi khomin lung nin thunga, atûn ama nin hmu ual no khomin nin iama, raifânna irkhêl insîr thei loi le roiinpuina’n nin isip a ni;

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

FILIPI 2:1

Krista zâra irtharngamna nin nei tâka, a lungthungna khan nangni an lôma, Irtha pôlna nin chunga, irngaiinnatna le irlungkhamna nin nei ta.

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

HEBRAI toc2 HEBRAI 13:9

Irchutirna chi dang dang le irkhêl tak tak hruai irhmangin om no unglân, Pathian lungkhamna irthoka lungrîl hrâtna hmu hi a sa, fâk thua dân zômin chu ni no ri se; kha dân zômhai khan ite irfêna hmu mahai.

1 THESALONIKA 1:6

Kin om lam le Rengpa om lam lâktuhai nin hong ni tâka, intakna tamtak tuang pumin Irtha Irthiang thu kha lâkin nin pom ta.

1 KORINTH 1:30

Nangni chu, Krista Jisuaa khan nin om tâka; ama chu Pathian kuang ata, eini ta hrangin chu vârna hai, thiam inchangtirna hai, irthiangna hai le irtanna hai a lei ni tâka.

TÎRTÔNHAI SINTHO 9:31

Judai rama, Galili rama, Samari ram haia, a ram pumpuia koiindang mihai kha lungngam takin an oma, an det tîr tîra, Rengpa chi pumin an om saa, Irtha Irthianga irtharngamin an hong pung tîr tîra.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

ISAIA 55:12

Râifân takin Babulon chu suaksan nin ta, Râl irvei loiin nangni hruaisuak an ti, nin matona tâng le mualhai, lômin khêksuak an ti. Rampuia thinghai khom lômin an kut inbên an ti.

LUKA 14:15

A khalâi otpui inkhat khan kha kha an hriatin a kuang, “Pathian Rama hruaithe hrang chu an vânnei bâka!” a tia.

ISAIA 45:24

“Rengpa, nangma leh vai a ni, dikna le hrâtna chu a om,” ni la ti an ti. Keima tiang hong an ta, a ni hnôltu murdi chu mualphoi irla an ti.

2 PETERA toc2 2 PETERA 1:1

Jisua Krista suak le tirtôn Simon Petera khan, a ni saninhringtu Jisua Krista zâra le ei Pathian felna zâra iamna kin idong ang donghai chubai ki mûk.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

ISAIA 32:17

Diktaka thil an tho sikin, râl irvei loiin om thei ta an ti. Irtharngam takin kumtuangin om an ti.