ROM KHUAA MIHAI KUANGA TÎRTÔN PAULA LEKHATHON 14:14 - PATHIAN LEKHABU IRTHIANG C.L. Bible (BSI)

¹⁴ Ama khât ringotin chu a’rthiang loi ite om mah ti Rengpa Jisuaa khan kin hriat infel a ni. Nikhomsianlân, thil senkhat a’rthiang loia irngaipu ta hrangin chu a irthiang loi a ni.

ROM KHUAA MIHAI KUANGA TÎRTÔN PAULA LEKHATHON 14:14 ပူးပေါင်းရင်းမြစ်များ

TITA toc2 TITA 1:15

Mi irthianghai ta hrangin chu itinrêng hi a’rthianga, mi porinchehai le iamna nei loihai ta hrangin chu ite hi irthiang om mah, an milung le an sia le sa inhriatna dênin a iporinche a ni.

ROM KHUAA MIHAI KUANGA TÎRTÔN PAULA LEKHATHON 14:2

Mi inkhatin thil itinrêng fa thei hrangin a iama, mi hrât no’n chu chîmu (an sûlhloihna) vai a fâk ngai.

1 KORINTH 8:7

Khannisian, kha thutak kha mi tinin inhre mahai. Mi senkhat chu millim biak ngaiinzong an ni sikin, atûn tena hin millim ta ang taka bên an fâk rikipa an sia le sa inhriatna a’rzala, kha fâk khan a innim tâkin an irbe ngai a ni.

1 TIMOTHEA toc2 1 TIMOTHEA 4:4

Pathian thilsiam murdihai hi a saa, ite pai hrang om ma; lômthu insîr puma fâk hrang a ni.

1 KORINTH 8:10

Nangma inhriatna nei mi, sia le sa inhriatna hrât loi nei mi khan millim biakna ina ni fâk lai nang hmu sianlân, a sia le sa inhriatna khan millim biakna thil fâk an ngam hrang ni ma moh?

TÎRTÔNHAI SINTHO 10:28

An kuang, “Judahai ta hrangin nam dang, pan hrang le irpôlpui hrangin Juda sakhua’n phal mah ti nangni rengin nin inhriat. Khannisianlân, tûte a’rthiangloi le fâiloi hranga ki bê nona hrangin Pathianin a ni irhmutir a ni.

1 KORINTH 10:25

Hmê dukana an izuar ka chu ite irdon viat loiin ni sia le sa inhriatna sikin fa zel roi.

ROM KHUAA MIHAI KUANGA TÎRTÔN PAULA LEKHATHON 14:23

Khannisian, tukhomin thiam irti loi puma fâk chu Pathianin thiamno a an chang chian tâk a ni; a iam lam ang ni mah ti a ni sikin. I khom, dika inhre loi puma tho chu sual a ni.

ROM KHUAA MIHAI KUANGA TÎRTÔN PAULA LEKHATHON 14:20

Ni thil fâk sikin Pathian sintho insiat no roh. Thil itinrêng fâk hi a’rthiang, khannisian, mi dang tûkna thil chu fâk sa mah.

MARKA 7:2

Khahai khan Jisua irchutirhai senkhatin kut sôp loia fâk an izong an lei hmu tâka.