ROM KHUAA MIHAI KUANGA TÎRTÔN PAULA LEKHATHON 14:13 - PATHIAN LEKHABU IRTHIANG C.L. Bible (BSI)

¹³ Khanchu, irsêl irhlôm uar no roi, tukhomin mâni urêng tûkna hrang mani, lunghoiloina hrang mani, siam tum no roi.

ROM KHUAA MIHAI KUANGA TÎRTÔN PAULA LEKHATHON 14:13 ပူးပေါင်းရင်းမြစ်များ

2 KORINTH 6:3

Kin sinthôna hin tûte’n an ni demna hmu nohai sian ki nuam a ni, khasikin tûte lampuia khom lam chaninvâitir tum ma ung.

JAKOBA toc2 JAKOBA 4:11

Urênghaio, irhrilinsiat irhlôm no roi. Tukhom a urêng hrilsiat mani, dem mani chu Dân a hrilsiata, Dân a idem a ni; Dân ni demin chu, Dân zômtu ni mak chea, roirêltu ni ni.

LUKA 12:57

“A dik le dikloi kha ithoa mo nangni khomin nin itheithâk mai loi?

MATHAIA 7:1

“Mi sêl no roi, isêla nin om nona hrangin.

ISAIA 57:14

Hiang hin a ti: Buk inpông roi, lamlian siamin irnêng inpôngtir roi, ki mihai fena hrang sât infâi roi.

ROM KHUAA MIHAI KUANGA TÎRTÔN PAULA LEKHATHON 16:17

Urênghaio, irchutirna thu nin idongna lama nin laia irsenna le tûkna insuaktuhai ata irdîn unglân, anni kha irheisan hrangin nangni ki nuam a ni.

ROM KHUAA MIHAI KUANGA TÎRTÔN PAULA LEKHATHON 14:10

Itho sika mo nangin ni urêngpa ni isêl mai? Itho sika mo nang khomin ni urêngpa ni ihmusit mai? Pathian roirêlna toihmun makunga khan ei la ingîr seng hrang kêng a ni.

LUKA 17:2

Hi mi chîntehai laia inkhat khom hi an tûktir nêkin chu bu nôina lung lianpa a ringa inhlitira, tuikhangliana inthâk ni sian a ta hrangin sa ual a ti.

THUPHUANG 2:14

Khannisianlân, nang demna ki nei viat: nin laia mi senkhatin Balaama thu irchutirna an pom sikin. Kha pa khan millim biakna thil an ifâkna hrangin le irditna porinche an songna hrangin Balaka kha Israel mihai suala hruai irhmang dân a irchutir a ni.

JAKOBA toc2 JAKOBA 2:4

theibîk nin neia, nin thîr dân lungrîl a sân a isual mo ni ma?

1 KORINTH 11:13

Irngaitua u ta, nupang lukhum khum loia Pathian kuang chongchai chu ar hoi mo?

1 KORINTH 10:32

Judahai, Grikhai le Pathian Koiindanghai ta hranga buaina nin ni no hrang lam takin om roi.

ROM KHUAA MIHAI KUANGA TÎRTÔN PAULA LEKHATHON 14:4

Mi dang siahlo sêltu chu tu mo ni ini? A ngîr indet mo, a tûk mo, a ngaituah hrang chu a pu ircham cham a ni. Ngîr indet ngêt a ti, Rengpa khan a ngîr indet suaktir thei a ni.

MATHAIA 18:7

Tûknahai sikin rammual chung an tak vang na! Tûknahai chu om mai a ti, khan tûknahai inomtirtu chung chu an tak vang na!

MATHAIA 16:23

Khan, Jisua kha a’rheia, Petera kuang “Setan, rot roh; a ni khâltu ni ni; Pathian nuamlam ngaitua loiin mihriam nuamlamin ni ingaitua a ni hi,” a tia.

1 JOHANA 2:10

Tukhom mâni urêng lungthungtu chu vâra a om maia, amaa khan tûkna rêng om mah.

1 TIMOTHEA toc2 1 TIMOTHEA 5:14

Khasikin meithâi la nâiinpang ualhai chu pasal nei nôkhai sianlân, nâi neiin in sûngkua enkolhai sianlân, râlhaiin ni hrilsiatna hrang zel an inei loi hrang a ni.

FILIPI 1:10

Khanchu, thil sa ualhai kha inthang thei nin ta, Krista Nikhuaa khan irthiang le sêlnaboi lei ni nin ta,

2 KORINTH 5:14

Krista lungthungna’n a ni irêl a ni, mi tin ta hrangin mi inkhat a thia, kha omzia chu an rêngin a thina kha an irkoppui a nih ti atûn chu kin infel ta.

ROM KHUAA MIHAI KUANGA TÎRTÔN PAULA LEKHATHON 11:9

Khan, Davida khan, “An hruaithe kha an ta hrangin châng le bil ni sianlân, Tûkna le thuanna ni ri se;

2 SAMUELA 12:14

Khannisianlân hi ni thil tho hin Rengpa irhming a insiat hrai sikin ni nâi kha chu a ithi ngêt hrang a ni,” a tia.

EZEKIELA 14:3

“Mihriam nâipa, hi mihai hin an millimhai makunga an sualna irtetna chu an sia a ni; keima’n sâmna ki la ipêk hrang an la isôn ma ni?

LEVI DÂN 19:14

Kuarsêt khuasâl no ro; mitcho matona tûkna thil se no roh. Ni Pathian chi ro, kei hi Rengpa ki ni.

ROM KHUAA MIHAI KUANGA TÎRTÔN PAULA LEKHATHON 14:3

Itinrêng fa thei mi khan a fâk loi mi kha hmusit no ri se; a fâk loitu khom khan a fâktu kha sêl no ri se; Pathianin ama kha chu a ilôm tâk kêng.