ROM KHUAA MIHAI KUANGA TÎRTÔN PAULA LEKHATHON 14:11 - PATHIAN LEKHABU IRTHIANG C.L. Bible (BSI)

¹¹ “A hringpu kha ki ni kêng, Mi tinrêng ki makunga khûksadelin om an ti. Irnêng murdi’n Pathian ki ini inpuang an ti, Rengpa’n a ti,” ti irziak a ni.

ROM KHUAA MIHAI KUANGA TÎRTÔN PAULA LEKHATHON 14:11 ပူးပေါင်းရင်းမြစ်များ

INPÂKNA HLAHAI 72:11

A ni, rêng murdi chu a makunga inbok an ta: Nam tinrêngin a sintho an ti.

ISAIA 49:18

Tangin lân, thîr hi ro, ni mihai irthoka irhâi hi, an hong irthok chak a ni ta. “Keima ki om,” Rengpa thusuakin a ti: Moiin a’rvôna a irsongpui angin, a mihai chu songhai ni ti.

JEREMIA 22:24

Rengpa’n Jehoiakima nâipa Jehoiakina kuang hiang hin a tia, “Pathian hring ki nia, irkhêl ngai loi ang hin nangma Juda rêng Konia, Jehoiakima nâipa ki kut chang tianga namindetna kutsabi ni khomin lân, nang la sutpai ki ti.

EZEKIELA 5:11

Khasikin, ki hring mai angin intir ni iomna murdi le ni iporinchenahai murdi khan ki hmun irthiang chu a porinchetir tâk sikin hong inboipai ngêt ki ti, ki mitin irhmâi viat no ning, lungthung viat no ning.

ZEFANIA 2:9

Khanchu, a nuna kin nun sûng chu, Moab kha Sodom ang ni a ta, Amon nâihai kha Gomora ang ni ngêt ngêt an ta, an ram kha hloisûla sip, michi khur le kumkhua lualoi ang ni a ti: Ki mi la’rkholhai khan anni kha râllâk an ta, ki nam la omsunhai khan lua an ta, tih hi Sipaihai Rengpa, Israelhai Pathian thu suak a ni.

NAMBAR 14:21

khannisian ki ihring mai hrang le Rengpa roiinpuina irnêng murdi a la isip hrang ang hin thu kin kung,

NAMBAR 14:28

An kuang, ‘Ki hringna sâlin ki ihril a ni, ki mikuar inhriata nin ihril ang takin nin chunga tho ki ta;

MATHAIA 10:32

“Tukhom mihai makunga ni thop ka chu kei khomin ka Pa irvâna om makunga thop ki ti.

ROM KHUAA MIHAI KUANGA TÎRTÔN PAULA LEKHATHON 10:9

“Ni bâiin Jisua kha Rengpa a ni tiin ni thopa, thina ata Pathianin a kaithoi ti ni lungrîla ni iamin chu saninhringin om ni ti,” tiin.

ROM KHUAA MIHAI KUANGA TÎRTÔN PAULA LEKHATHON 15:9

Jentailhai khomin a lungkhamna sika Pathian chôiindôm theina hrangin. Pathian Thu bu’n, “Khanchu Jentailhai laia nang inpâk ki ta, Ni’rhming inpâkin zâi ki ti,” ti irziak ang khan.

1 JOHANA 4:15

Tukhom Jisua kha Pathian Nâipa a nih ti thoptu chu amaa khan Pathian a om maia, ama khom kha Pathiana a om mai a ni.

2 JOHANA 1:7

Mi huang ngaihai, Jisua Krista chu taksa irputin a zuang ti pomloihai, rammuala an hong suak tâka, khaang mihai kha huangtu le Krista doituhai an ni.

THUPHUANG 5:14

Thilhring minlihai khan “Amen!” an tia, upahai khan inbokin chubai an mûka.