ROM KHUAA MIHAI KUANGA TÎRTÔN PAULA LEKHATHON 14:1 - PATHIAN LEKHABU IRTHIANG C.L. Bible (BSI)

¹ Iamnaa mi hrât loi chu, a lunghlânahai kha sêl loiin lôm roh.

ROM KHUAA MIHAI KUANGA TÎRTÔN PAULA LEKHATHON 14:1 ပူးပေါင်းရင်းမြစ်များ

JOBA 4:3

Irngaitua ro, mi tamtak ni lei irchutirhaia, kut hrâtloihai, ni len hrâttir pehaia.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ISAIA 42:3

Lâiluang châng no nia, meiser chok vi viat khom sêmthat ual no ni, diktakin roirêl a ti.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

EZEKIELA 34:4

A’rzalhai donsui ngai loiin, dam loihai khom indamtir tum ngai mak chêia, a pop a liamhai khom tuam pehai loiin, ar hmanghai khom zonghai ngai mak chêi, a rothai khom hruai kîrhai loiin. Nunsia takin kêng nin ilohai ngai.

ZAKARIA 11:16

Ki belrahai donsui hrangin belrapu ki siaa, khannisian belra siat hranga omhai chu changpuihai maka; ar hmanghai khom zong maka, a pop a liamhai khom indamhai maka, a hring sunhai khom infâhai mah. Belrahai laia a marhai hme kha kêng a fâka, an ke mitinhai chu a kaithêr pehai ngai.

MATHAIA 12:20

Hrât loihai chunga zâidamna nei a ta, Beiindonghai chunga khonzana nei a ta, Dikna khan inhnêna a pêk mâka chu mong no ni.

MATHAIA 14:31

Jisua’n a hei inbana, an tûk zôi tâka, a kuang, “Ni iamna a tôm bâka! Itho sika mo lung ni irhlatir?” a ti pea.

MATHAIA 18:10

“Hi mi chîntehai laia inkhat lua hi hmusit loi hrangin irdîn roi, irvâna vântîrtônhaiin ka Pa irvâna mi, hmêl an hmu mai ngai ti nangni ki hril a ni.

MARKA 7:19

a milung sûnga lût loiin a phînga a lûta, a suakpai sikin, ti hi nin inhriat no ma ni?” a tia. (Kha kha Jisua’n fâk hrang tinrêng a’rthiang a tihna a ni.)

LUKA 17:2

Hi mi chîntehai laia inkhat khom hi an tûktir nêkin chu bu nôina lung lianpa a ringa inhlitira, tuikhangliana inthâk ni sian a ta hrangin sa ual a ti.

JOHANA 13:20

Thudik nangni ki hril, ki mi tîr lei lôm chu keima ni lôm a ni, keima ni lômtu chu a ni tîrtu lôm a ni,” a tia.

TÎRTÔNHAI SINTHO 28:2

Kha chômbung mihai khan a sân lung an ni lei inkham tak taka. Rua a tho sik le a sân a dâi sikin mei an thoa, kin rêngin an ni lei lôma.

ROM KHUAA MIHAI KUANGA TÎRTÔN PAULA LEKHATHON 11:15

Anni pai thâkna lua rammual hi Pathian ruala siam nôkna a ni’n chu, anni lômlût nôkna chu thina ata hring nôkna ni no ni mo?

ROM KHUAA MIHAI KUANGA TÎRTÔN PAULA LEKHATHON 14:2

Mi inkhatin thil itinrêng fa thei hrangin a iama, mi hrât no’n chu chîmu (an sûlhloihna) vai a fâk ngai.

ROM KHUAA MIHAI KUANGA TÎRTÔN PAULA LEKHATHON 14:21

Ni urêng tûkna hrang a niin chu hme hai, uain hai le thil tinrêng nghei a sa.

ROM KHUAA MIHAI KUANGA TÎRTÔN PAULA LEKHATHON 14:3

Itinrêng fa thei mi khan a fâk loi mi kha hmusit no ri se; a fâk loitu khom khan a fâktu kha sêl no ri se; Pathianin ama kha chu a ilôm tâk kêng.

ROM KHUAA MIHAI KUANGA TÎRTÔN PAULA LEKHATHON 15:1

Eini iamnaa a hrâthai hin mâni lômna zong loiin hrât no ualhai an hrâtloinaa ei ichangpui hrang a ni.

ROM KHUAA MIHAI KUANGA TÎRTÔN PAULA LEKHATHON 15:7

Pathian roiinpuina hrangin Krista khan nangni a ipom angin pom irhlôm seng roi.

ROM KHUAA MIHAI KUANGA TÎRTÔN PAULA LEKHATHON 4:19

Kum irzakhat ang dôra mi a ni tâka, a takpum ngaitua’n chu mithi ang dên a ni tâka, Sari khom kha nâi nei zât ni ta mah ti an hriat chian pumin a iamna kha chuai ual hliak mah,

1 KORINTH 9:22

Hrât loi ki lâklût theina hrangin hrât loihai laia chu hrât loi angin ki om ngai. Itin tak mani, senkhathai lua ki saninhring theina hrangin mi murdi kuang thil tinrêng ki ni tâk.

FILIPI 2:29

Ama hi Rengpa irhmingin raifân takin lei lôm unglân, hiang mi hi irngaiinhlu roi.

1 THESALONIKA 5:14

Khan, urênghaio, nangni ki ngên, mi thaboihai kha ngo unglân, mi beidonghai kha irtharngam sakhai unglân, mi hrât loihai changpui unglân, mi tin chunga nin lungrîl insôt roi.

HEBRAI toc2 HEBRAI 5:14

Bu’nhrum chu ulianhai, an tho inzong sika a sa le a sia sen thei tâkhai hrang a ni.

2 JOHANA 1:10

Kha irchutirna kha kop loia nin kuanga hong chu tukhom nin ina intungtir no unglân, chongbâi sa khomin lei chongpui no roi.