ROM KHUAA MIHAI KUANGA TÎRTÔN PAULA LEKHATHON 12:9 - PATHIAN LEKHABU IRTHIANG C.L. Bible (BSI)

⁹ Lungthungna chu vârillekna kop loiin ni ri se. Sual chu khôkmâk unglân, a sa kha pom khak roi.

ROM KHUAA MIHAI KUANGA TÎRTÔN PAULA LEKHATHON 12:9 ပူးပေါင်းရင်းမြစ်များ

INPÂKNA HLAHAI 101:3

Thil saloi rêng rêng ki mithmua khan se no ning: Fe’n sualhai sintho chu ki ikhôkmâk a ni; Keimaa kop no ni.

INPÂKNA HLAHAI 119:104

Ni dânhai sikin vârna ki neia, Khasikin om dân dikloi tinrêng hi ki ihnôl a ni.

INPÂKNA HLAHAI 119:163

Milak hi ki hnôlin kin tira, Ni dân rêk chu ki inhlu a ni.

INPÂKNA HLAHAI 34:14

Sual rotsanin lân, thil sa tho roh; Irngeina zongin lân, a’rzûlin irzûl roh.

INPÂKNA HLAHAI 36:4

A zâlhmun ata thil sual a ngaituana ngai; Lampui sa loia khan a fe li lia; Sualna chu intir mah.

INPÂKNA HLAHAI 45:7

Felna chu nir ngai inhlua, pualoina chu ni khôkmâk kha; Khasikin, Pathian, ni Pathian chu ni rualhai nêka irkhêl raifânna sahriak nang a’rthûtir tâka.

INPÂKNA HLAHAI 55:21

A bâi chu sahriak angin a tora, A milung chu irdoina a nia: A thuhai chu sahriak nêkin ar nâla, Khannisianlân khandai phôisaihai a ni.

INPÂKNA HLAHAI 97:10

O Rengpa lungthungtuhaio, sual khôkmâk roi. Ama chu a mi irthianghai hringna chu a vong insa ngai; Anni chu mi siahai kut ata a saninzôk ngai.

THUVÂRHAI 26:25

Thu sa okin inlang khomsian iam no ro, a lungrîl chu hnôlna sip a ni.

THUVÂRHAI 8:13

Rengpa chi chu sual hnôlpai hi a ni; irpâkna hai, irsongna hai, sual lampui hai le chong chanlamboi hai hi ki ihnôlpai a ni.

EZEKIELA 33:31

Khasikin ki mipuihai chu i thu mo ni ihril hrang tih irngai hrangin an irbûm ngai, khannisian tho hranga ni ihrilhai chu tho ngai mahai. Ni thuhai chu hla papai angin an bêa, khannisian an huatirhamna lampuihaia khan an fe mai ngai.

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

MATHAIA 26:49

Juda kha Jisua kuang a theng thaia, a kuang, “Irchutirtu, ni chunga irtharngamna om ri se,” tiin a biang a tuma.

JOHANA 12:6

Inrianghai a ngaisak sika kha chong kha a iti ni mah, inru a nia, sum kok a dôna, a sûnga om kha a lâk ngai sika a ni.

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

2 KORINTH 6:6

Kin irthiangna hai, inhriatna hai, tuangna hai le khonzana hai sikin Pathian sinthohai kin nih ti kin inlang ngai. Irtha Irthiang sikin, kin lungthungna dik sikin,

2 KORINTH 8:8

Ite dân nangni khang pe ma ung. Khannisianlân, mi danghaiin ni changpui an irzukzia hai nangni hmu’n lung nin ni thungna hi a dik ta tak mani iti inhriattir ki tum a ni.

1 THESALONIKA 2:3

Kin thuhril hi thu dikloi mani, thu porinche mani, irhuangna thu mani ni maka.

1 THESALONIKA 5:15

Tukhomin tu sual khom suala thuan loi hrangin irdîn unglân, itiklai khomin thil sa tho’rhlômin mi murdi chunga thil sa tho mai roi.

1 THESALONIKA 5:21

Itinrêng fia ual unglân, a sa kha pom khak unglân,

1 TIMOTHEA toc2 1 TIMOTHEA 1:5

Milung irthiang, sia le sa inhriatna irthiang le iamna dik tak ata suak lungthungna kha a hong hring ual theina hrangin hi thu hi nang ki ipêk a ni.

HEBRAI toc2 HEBRAI 1:9

Thudik nir ngai inhlua, thudikloi ni hnôl ngai. Khasikin Pathian, ni Pathian khan nang inthangin ni hmêlhai nêkin chôiirsâng raifânna nang a ipêk ual ok tâk a ni hi,” ti le.

HEBRAI toc2 HEBRAI 12:14

Mi tin leh irngeia lêng tum unglân, irthiangna nei tum sa roi; kha irthiangna boiin tûte’n Rengpa hmu thei no ni.

JAKOBA toc2 JAKOBA 3:17

Chung tiang ata vârna zuang suak chu a maton taka a’rthianga, kha zoiin irngei a nuama, a milung ar uaia, changpui a hoia, lungkhamna le ra saiin a sipa, theibîkna le vârirletna nei ngai mah.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

1 PETERA toc2 1 PETERA 4:8

Thil dang nêkin milung takin lung irthung irhlôm hi uar roi, lungthungna’n sual tamtak ar khu ngai sikin.