ROM KHUAA MIHAI KUANGA TÎRTÔN PAULA LEKHATHON 12:6 - PATHIAN LEKHABU IRTHIANG C.L. Bible (BSI)

⁶ Lungkhamna a ni ipêk ang dênin thilmanboi pêk dang dang ei nei seng, thuhrilna tiang a ni’n chu, ei iam lam ang takin insîrin lân,

ROM KHUAA MIHAI KUANGA TÎRTÔN PAULA LEKHATHON 12:6 ပူးပေါင်းရင်းမြစ်များ

MATHAIA 23:34

Khasikin nangni ki hril, nin kuang deipuhai, mi vârhai, Dân irchutirhai hong tîr ki ti; senkhat that nin ta, hembe nin ti; senkhat Sinagoka zêm nin ti, kho tina inhnot irzûl thiai nin ti.

MATHAIA 25:22

“Talent inhni dongpu kha a honga, ‘Ka pu, nangin talent inhni ni nin koltira, en ta, talent inhni dang ki hlo suak,’ a tia.

LUKA 11:49

Khasikin, Pathian vârna’n, ‘Deipuhai le tirtônhai tîr ki ta, senkhathai that an ta, senkhathai dengintheitir an ti,’ a tia.

TÎRTÔNHAI SINTHO 13:1

Khan, Antiokei Koiindang mihai laia khan deipuhai le tîrtônhai an oma. Khahai kha Barnaba, Simeona (Nigera, an ti) Kurini mi Lukia, rêng Heroda’n urênga a inei Manaina, Saula hai an nia.

TÎRTÔNHAI SINTHO 15:32

Juda le Sila chu deipu an ni saa, urênghai chu thu tam takin an inthora, an indeta.

TÎRTÔNHAI SINTHO 2:17

Pathianin, ‘Sûn hnungkhôna chu hi hi la tho ki ti: Mi murdi chunga Irtha la buak ki ta, Nin nâipahai le nin nâinuhaiin ki thu lan sîr an ta, Nin ruathartehaiin inlârna la hmu an ta, Nin tarhaiin irmangin phan an ti.

TÎRTÔNHAI SINTHO 21:9

Nâi dôngmate irthiang minli a neia, Pathian thu an hril ngai.

ROM KHUAA MIHAI KUANGA TÎRTÔN PAULA LEKHATHON 1:11

Nin det nôk ualna hrangin irtha tiang thilpêk nangni indongtir hrangin nangni hmu ki’rzuk tak tak a ni.

ROM KHUAA MIHAI KUANGA TÎRTÔN PAULA LEKHATHON 12:3

Pathian ni ipêk lungkhamna sika hin nin laia tukhom irngaiinhlu hrai loi hrangin nangni ki ingên a ni. Pathianin mi tin kuang iamna a ipêk ang takin, mâni irphu tôk lungrîl irput roi.

1 KORINTH 12:18

Pathianin ôn dang dang hi takpuma hin a nang a itihna hmun tina a isia a ni.

1 KORINTH 13:2

Khabana, thu’nsîr theina neiin, thu’rthup murdi inhriattheina le inhriatna murdi nei khom inlân, lungthungna ki nei no’n chu ite ni no ning.

1 KORINTH 14:1

Khan, nin irzûl hrang tak chu lungthungna hi a ni. Irtha thilpêkhai irzuk roi, a bîkin, Pathian thu insîr theina thilpêk kha irzuk roi.

1 KORINTH 14:24

Nin rêngin thu lei insîr ta unglân, iamloi mani, inhreloi mani hong lûthai kha nin thu khan sun a ta, an sualzia inhriattir a ti.

1 KORINTH 14:29

Thuhriltuhai khom mi inhni mani inthum mani vaiin hrilhai sianlân, mi dangin a sate’n lei irngai ri sehai.

1 KORINTH 3:5

Khano’nte Apolova chu i mani? Paula khom imo a ini? Nin iam theina hranga sinthotu an ini kêng; kha khom kha Rengpa’n a ipêk ang dênin an isin a ni.

1 KORINTH 7:7

A dik takin chu, nin rêngin keima ang hin om unglân ki inuam a ni. Khannisianlân, mi tinin an dongtum chit thilpêk Pathian kuang ata an idong chit a ni; inkhatin lam dang tiang, a dangin lam dang tiang.

2 KORINTH 8:12

Pe hrangin nin irzukin chu, nin inei loi chunga ni loiin, nin inei chunga nin thilpêk kha Pathianin inham a ti.

EFESI 3:5

A tirtôn le deipuhai kuang Irtha’n atûna a inhriattir ang hin, tianlai khan chu hi thurîl hi mihriamhai lan hretir ngai mah:

EFESI 4:11

Khanchu, “Mihriamhai kuanga thilpêkpu” kha ama hi a ni: mi senkhat chu tirtôn hrangin, senkhat chu deipu hrangin, senkhat Thurchi Sa hriltu hrangin, senkhat pastor le irchutirtu hrangin a zuang inkunga.

FILIPI 3:15

Khanchu, eini puihling tâkhai hin chu khaang lungrîl kha irput ei ti. Khan, senkhatin ngaidân dang nin nei duai khomin Pathianin nangni lan fâi pe a ti.

1 THESALONIKA 5:20

Thuhrilhai khom hmusit no roi.

2 PETERA toc2 2 PETERA 1:20

Pathian Lekha thua lei hrilna thuhai hi mâni ngaidân ringota hrilfia hrang ni mah ti inhre masa phot unglân.