ROM KHUAA MIHAI KUANGA TÎRTÔN PAULA LEKHATHON 12:2 - PATHIAN LEKHABU IRTHIANG C.L. Bible (BSI)

² Hi rammual om lam ang hin om no unglân, Pathian nuamlam, a sa le lôm inruk le satirkip kha nin inhriat infel theina hrangin, nin lungrîl a thara omin hong danglam ta roi.

ROM KHUAA MIHAI KUANGA TÎRTÔN PAULA LEKHATHON 12:2 ပူးပေါင်းရင်းမြစ်များ

EZRA 10:11

Khasikin Rengpa nin pi le puhai Pathian kuanga khan ngaidam irzong unglân, a nuamlam sin ta roi; hi rama nam dang le an nupanghai ata hi irdîn ta roi,” a tia.

INPÂKNA HLAHAI 119:103

Ni thuhai hi ki bâi hrangin a thum bâka! A ni, ki bâi hrangin chu khuaihlutui nêkin a thum ual.

INPÂKNA HLAHAI 119:128

Khasikin ni thupêkhai tiang kal ki phêta, Om dân dikloi tinrêng ki hnôl a ni.

INPÂKNA HLAHAI 119:174

O Rengpa, ni saninhringna chu ki’rngai bâka na! Ni dân chu ki lômna a ni.

INPÂKNA HLAHAI 119:72

Rângachak le tangka sâng tamtak nêkin Ni bâia dân suak chu ki hrangin a sa ual a ni.

INPÂKNA HLAHAI 119:97

O, ni dân chu ki’rngaiinhlu bâka na! Sûn sôt ki ngaitua ngai a ni.

INPÂKNA HLAHAI 34:8

O, Rengpa satzia chu hong irtem ngân u ta: Amaa iamna irnghat mi chu a vân a sa e.

INPÂKNA HLAHAI 51:10

O Pathian, keimaa hin milung irthiang tak siamin lân; Ki phîng sûnga hin irtha diktak siamthar nôk ro.

FESUAKNA 23:2

Thil sual tho hrangin chu, tam ual khomhai sian zui no’n lân, milaka mi dang thiamno inchangtirnaa khom kop ual hliak no roh.

EZEKIELA 18:31

Nin sintho insualnahai chu pai unglân, ngaituana thar le milung thar irput roi. Israel mihaio, itho mo thi nin ta?

EZEKIELA 36:26

Milung thar le ngaituana thar nangni pe ki ta, nin milung, lung anga ngar kha lapai ki ta, thuzôm theina milung nangni pe ki ti.

MATHAIA 13:22

Fachî ilhling kâra tâk kha thu inhre tâkhai an ni, Khannisian, hi rammual kanna le irchongnahai khan thu kha a dîpa, ra nei ngai mah.

MARKA 4:19

khannisian, rammual intakna hai, irchon irzukna hai, irzukna dang danghai, a hong lûta, thu kha a hong dîp irhmanga, a ira ta ngai loi a ni.

JOHANA 14:30

Zoro sôt ualin chu nin kuang thu insîr intam ta no ning, hi rammual roirêlpu hi a hong hrang sikin, ama’n ki chunga irchamnei mah,

JOHANA 15:19

Rammuala mi ni unglân chu, rammualin ama ta angin lung nangni a ithung hrang a ni. Khannisianlân, rammual ata nangni ki inthang suak nin nia, rammual mi nin ni ta no sikin rammualin nangni a ihnôl a ni.

JOHANA 17:14

Ni thu an kuang ki pêk tâka, rammualin anni kha an hmu mâkhaia, keima rammuala mi ki ini loi ang dênin rammuala mi an ni no sikin.

JOHANA 7:7

Rammualin nangni khôkmâk thei maka, kei chu a ni khôkmâk, an sin thohai sa mah ti kin hriattir ngai sikin.

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

ROM KHUAA MIHAI KUANGA TÎRTÔN PAULA LEKHATHON 13:14

Rengpa Jisua Kristaa khan irbel lem unglân, nin taksa irzukna puiinhling hrangin ite irsiam no roi.

ROM KHUAA MIHAI KUANGA TÎRTÔN PAULA LEKHATHON 7:12

Dân kha chu a’rthiang kêng, thupêk khom a’rthianga, a fela, a isa a ni.

ROM KHUAA MIHAI KUANGA TÎRTÔN PAULA LEKHATHON 7:14

Dân chu irtha tianga thil a nih ti ei inhriat; kei chu mihriam mai mai, sual suaka zuar tâk ki ni.

ROM KHUAA MIHAI KUANGA TÎRTÔN PAULA LEKHATHON 7:22

Ki mihriam sûngrîlin chu Pathian Dân kha a lôma;

1 KORINTH 3:19

Hi rammualin vârna a iti hi Pathian mit hmua chu invêt a ni sikin, Pathian Thu’n, “Pathianin mi vârhai chu an vârillekna khan an inôk ngai,” a iti angin.

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

2 KORINTH 5:17

Tukhom, Kristaa a omin chu, thilsiamthar a hong nia, thil miluihai chu a boia, irngai u ta, a hong thar ta.

GALATIA 1:4

Pathian, ei Pa nuamlam zômin atûn zoro saloi ata ni sansuak hrang le ei sualhai ni’rsunfâi pe hrangin Krista kha a’rpêk tâka.

EFESI 1:18

Ama vâr nin hmu theina hrangin nin lungrîlhai ar honga, nangni a koinaa tûngna om hai, a mihai hranga a inkung satvurna irkhêl tamzia hai leh.

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

EFESI 5:17

Khasikin, invêt takin om no unglân, Rengpa nuamlam i mani tih inhriat tum ual roi.

KOLOSA 1:9

Khasika khan irtha tiang vârna le inhriat thiamna tinrêng nuamlam nin inhriat irkip theina hrangin, nin thurchi kin inhriat ni ata chongchai le ngên pe mong ma ung.

KOLOSA 3:10

Mihriam thar khan nin irbel tâk sikin; Pathian inhriat infel hrangin kha mihriam thar kha a siamtu anga om hranga siam thar mai a ni.

KOLOSA 4:12

Epafra, nangni mi, Krista Jisua suak hin chubai nangni a mûk. A chongchai rikipin det takin nin ngîra, nin hong puihlinga, Pathian nuamlam anga iamtu tak ni theina hrangin sathnem irngai takin nangni a ngên pe ngai a ni.

1 THESALONIKA 4:3

Pathianin irthiangliai hrang le irdit mapai hrangin nangni a inuam a ni.

TITA toc2 TITA 3:5

Eini’n thil ei tho’n sa sika ni loiin, a lungkhamna sikin, a ni saninhring tâka, siamtharnaa irsûkinfâi le Irtha Irthianga siamthar ei ni tâk a ni.

JAKOBA toc2 JAKOBA 1:27

Pathian mit hmua sakho biak dân irthiang le sual kop loi chu hi hi a ni: fara le meithâihai an intak laia donsui le rammual porinche kop loia irvong insa hi a ni.

JAKOBA toc2 JAKOBA 4:4

Iamna boihaio! Rammual rual irchangpui hi Pathian râl nina a nih ti nin inhriat no ma ni? Rammual rual ni hi a nuam murdi’n chu Pathian râla a irsiam a ni.

1 PETERA toc2 1 PETERA 1:14

Nâi thu zômhai angin om unglân, tianlai, nin inhriat loi laia nin irzuknahai ang khan om no roi.

1 PETERA toc2 1 PETERA 1:18

Nin irchibulhai ata nin idong nôk, om dân hmang hmunboi tak ata kha thil siatthei sum le rângachaka irtan ni mak chêia,

1 PETERA toc2 1 PETERA 2:3

Pathian Thubu’n, “Rengpa satna kha irtem ngân u ta,” ti irziak ang khan.

1 PETERA toc2 1 PETERA 4:2

Atûn rengata chu taksaa nin hring sûng chu mihriam irzuknahai irzûl ta loia Pathian nuamlama om theina hrangin.

2 PETERA toc2 2 PETERA 1:4

Khanchu; thilpêk roiinpui tak le hlu tak a inkung chu, a ni pêk tâka, khasika khan rammual irzukna, a nin siatthei ata nin suaka, Pathian zia nin irkoppui thei tâk a ni.

2 PETERA toc2 2 PETERA 2:20

Rengpa le Saninhringtu Jisua Krista an inhriat sikin rammual porinchenahai an intân suaksan hnungin kha dêna khan intân nôk an ta, inhnê nôkin an omin chu, a phuta nêkin inhnunga an dinghmun kha chu siat ual tak ni a ti.

1 JOHANA 3:13

Urênghaio, rammualin nangni a khôkmâk khomin ar khêl ti no roi.

1 JOHANA 5:19

Rammual pumpui hi Mi sualpa thuhnuaia om sian khom Pathian ata suak ei nih ti ei inhriat.

THUPHUANG 12:9

Khanchu, dragon lianpa, rûlpui tar, Diabola le Setana an iti, rammual pumpui inlemtu kha an paithâk ta. Irnênga an paithâka, ama vântîrtônhai khom an paithâk sa.

THUPHUANG 13:8

Irnêng le irvân siam mâna that tâk Belrate hringna bua irhming chuanghai ti no’n chu irnêng chunga om mi murdi’n chubai mûk an ti.