ROM KHUAA MIHAI KUANGA TÎRTÔN PAULA LEKHATHON 11:25 - PATHIAN LEKHABU IRTHIANG C.L. Bible (BSI)

²⁵ Urênghaio, hi thu’rthup hi nin inhriat loi nuam ma ung; khano’nchu ki vâr dên lei irtina nin ti; Jentailhai an kop irkip mâka chu Israel mi senkhathai chunga hnangrakna la zuang tung bak a ti, ti hi.

ROM KHUAA MIHAI KUANGA TÎRTÔN PAULA LEKHATHON 11:25 ပူးပေါင်းရင်းမြစ်များ

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

INPÂKNA HLAHAI 127:1

Rengpa’n in a sin no’n chu, A sintuhai chu an sinsôl chian a ni: Rengpa’n khopui a vêng insa no’n chu, A vêngtuhai chu môk meng chian an ni.

INPÂKNA HLAHAI 22:27

Kôlkunga mi murdi khomin inhre nôk an ti, Rengpa tiang irhei ta an ta: Nam tin chi tin ni makunga kûn an ti.

INPÂKNA HLAHAI 72:17

A’rhming chu kumkhua’n dâi no ni: A’rhming chu misa a om sûng chu dâi loiin om mai a ta: Mihai chu amaa khan satvurin om an ta; Nam tinrêngin ama chu vânnei ti an ti.

THUVÂRHAI 26:12

Vâr lo loia vâr irtitu nêkin chu intô lopzuaka om a sa.

THUVÂRHAI 26:16

Mi sari thil sût thiamhai nêkin khom mi thaboi chu ama irngaiin vâr ualin ar bê ngai.

ISAIA 5:21

An binga ki vâr irtia, fel irtihai ngai chu an chung rik pehai a ti.

HOSEA 14:9

Tu mo vâra hihai hi inhre thiam thei hrang; tu mo fing vâra inhre thei hrang? Rengpa lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.

MATHAIA 13:11

Jisua’n an kuang, “Irvân Ram thurîl inhriat theina nin kuang pêk a ni a, mi danghai kuang chu pêk ni ma,

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

JOHANA 10:16

Hi belra kula mi ni loi hi belra dang ki nei; anni khom ki la hong ihruaihai hrang a ni, ki hnukirhai khom inhria an ti, khanchu pâl khatin om an ta, a enkoltu inkhat leh.

ROM KHUAA MIHAI KUANGA TÎRTÔN PAULA LEKHATHON 1:13

Urênghaio, nangni hong hro ki tum maia, khannisian, inchum loina a lei om nôk ngai ti nin inhriat ki inuam a ni. Jentail danghai laia ra ki hmu ngai angin nin laia khom ra hrang hmu ki isabei a ni.

ROM KHUAA MIHAI KUANGA TÎRTÔN PAULA LEKHATHON 11:12

Khaang khan, an tûk luan rammual irchongna a nia, an hlosamna man Jentailhai irchonga a niin te, an hong kop irkip tena len vâng chu itin tak mo a ini hrang tâk!

ROM KHUAA MIHAI KUANGA TÎRTÔN PAULA LEKHATHON 11:24

Nang oliv dol ata sât thâk lua, suak dân pangai ang loia oliv thing saa zom ni ni’n chu oliv dik tak ôn kha thing dika khan zom ol ual ok a ti!

ROM KHUAA MIHAI KUANGA TÎRTÔN PAULA LEKHATHON 12:16

Ngaitua hmunkhatin om seng unglân, irngaitua irsâng hrai no unglân, mi chînhai irrualpui roi, Vâr irti no roi.

ROM KHUAA MIHAI KUANGA TÎRTÔN PAULA LEKHATHON 16:25

Pathian chu chôiindôm ei ti; Ama’n chu Jisua Krista thu, Thurchi Sa ei ihril le tiana thurîl irthup lei inpuang tâk ang khan nin iamnaa det takin nangni an dettir thei a ni.

ROM KHUAA MIHAI KUANGA TÎRTÔN PAULA LEKHATHON 9:18

Khanchu Pathian khan a inuam murdi lung an kham ngaia, a inuam murdi khom an tukulliantir ngai a ni.

1 KORINTH 10:1

Urênghaio, ei irchibulhai Mosia zuihai chunga thil tung kha nin inhriat mai hrangin ki nuam. An rêngin sûm thupna hnuaia an om chita, hoi riamin Tuipui sen râl an kâi.

1 KORINTH 12:1

Urênghaio, Irtha tianga thilpêk thu kha nin inhriat loi nuam ma ung.

1 KORINTH 2:7

Pathian vârna thu irthup kha ki insîr ual ngai a ni, vârna thu irthup, ei roiinpuina hranga Pathianin rammual om mâna a lei inkung sai tâk kha.

1 KORINTH 4:1

Keini hi Krista tirtôn le Pathian thutak irthup enkoltuhaiin ni bê roi.

EFESI 1:9

Pathianin a lungdo irthup Krista zâra zoi a itum kha zoiin a nin hriattir ta.

EFESI 3:9

Pathian itinrêng siamtu kuanga kumtuanga thu irthupa om, a lei irfûktir kha, mi murdihai kuang inlangtir hrangin a ni iphun a ni.

EFESI 4:18

An lungrîl a zîng zoia, inhriatna nei mahaia, an milung an incho tâk sikin Pathian hringna tak ata senin an om ta.

2 PETERA toc2 2 PETERA 3:8

Inditom takhaio, hi hi irnghil no roi, Rengpa ta hrangin chu sûn khat hi kum sângkhat ang a nia, kum sângkhat khom hi sûn khat ang a ni.

THUPHUANG 1:20

Ama hi ki kut chang tianga ârsi sari ni ihmuhai le rângachak meiser siana sarihai omzia irthup chu a ni: Ârsi sari chu Koiindang sarihai vântîrtôn an nia, meiser siana sari chu Koiindang sarihai an ni.

THUPHUANG 10:7

khannisianlân, vântîrtôn a sarina khan a bekul a tum tena chu Pathianin a thu’rthup kha irkiptir ta a ti, a suak, deipuhai kuang a inpuang ang khan,” a tia.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 7:9

Kha irzoiin chu ki hong ena, mipui tam irkhêl tep zoiloi, zât tin, chi tin, nam tin le chong tina mihai puan chek sila tûm ônhai chôiin, rêngtoihmun le Belrate makunga ngîr ki hmua.