ROM KHUAA MIHAI KUANGA TÎRTÔN PAULA LEKHATHON 11:22 - PATHIAN LEKHABU IRTHIANG C.L. Bible (BSI)

²² Pathian satzia le ichiomzia hi ngaitua ta; a tûkhai hrangin ichi a oma, a satnaa ni om maiin chu, nangma ta hrangin chu a isa a ni, ni om mai no’n chu nang khom sât thâk ni ni ti.

ROM KHUAA MIHAI KUANGA TÎRTÔN PAULA LEKHATHON 11:22 ပူးပေါင်းရင်းမြစ်များ

INPÂKNA HLAHAI 31:19

O, ni satna, nangma chituhai hrangin ni ibukkhôm kha, a roiinpui bâka! Mihriam nâihai mithmua nangmaa iamna irnghathai hranga a itho pe kha.

ISAIA 66:14

Ama kha nin hmu tena chu lômin hong har thei nin ta, ilhling incher thar angin irnoi nutin om nin ti. Kei Rengpa hin ki siahlohai ki changpuihai ngaia, ki râlhai chunga ki ning an mur ngai ti inhre ta nin ti.

EZEKIELA 18:24

Mi sa khomin thil sa mâksanin thil sual a thoa, mi sualhai itho anga thil porinche tinrêng a tho hin a ihring hrang ma ni? A sin sa thohai chu inhriat mai ni ta no nia, a thilsual thôna le a inchâina sika khan thi zel a ti.

EZEKIELA 3:20

Mi dik khom, hnung kîrin thil sual a tho’n chu, a matona irletna lung sia ki ta, thi ngêt a ti, ama chu leiirhrilna ni lei pêk no sikin, a sualnaa khan thi a ti, khan a thil sa thohai chu inhriat mai ni ta no ni; aniachu a thisen mô chu nangma’n pêl ni ti.

LUKA 8:15

Irnêng saa tâk kha hihai hi an ni; thu kha inhriata lungrîl dik le saa, sataka vonga, bei zâma ra suak tâkhai hi an ni.

JOHANA 15:2

Ki irzompui ôn raloi murdi chu a pai ngaia, a ra murdi chu a’rthial infâi ngaia, a ra tam ualna hrangin.

JOHANA 8:31

Jisua’n ama iamtu Judahai kuang khan, “Ki thutaka nin om maiin chu ki irchutir tak takhai ni nin ti;

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

TÎRTÔNHAI SINTHO 14:22

“Intakna tamtak tuangin Pathian Rama ei ilût hrang a ni,” tiin iamtuhai lungrîl an indettira, iamna kha chel khak hrangin an inthorhaia.

ROM KHUAA MIHAI KUANGA TÎRTÔN PAULA LEKHATHON 11:21

Pathianin a ôn takhai kha a hôi no’n chu nang khom nang hôi ual no ni.

ROM KHUAA MIHAI KUANGA TÎRTÔN PAULA LEKHATHON 2:7

Roiinpuina hai, chôiindômna hai le irhmang thei loinahai zonga thil sa tho mai maihai kumtuang hringna pe a ti;

1 KORINTH 15:2

Thurchi Sa nangni ki ihril kha nin pom maiin chu saninhring ni nin ta, nin pom mai no’n chu nin iamna kha a korong ni a ti.

GALATIA 6:9

Thil sa tho hnông no idua, ei irtha ei inboi no’n chu a zoro taka ei la i-ât ngêt hrang a ni.

1 THESALONIKA 3:5

Iamnaa nin det mai le det mai loi inhre loia om kin thei ta no sikin, Timothea kha kin hong itîr a ni, inthêmtu’n inthêmpai hrangin kin sin sôlna chanlamboi a chang thei itinin tia kin hong itîr a ni.

1 THESALONIKA 3:8

Rengpaa nin det mai sika hin atûn chu kin ta hrangin kin hringna hi ar fêna a om ta.

HEBRAI toc2 HEBRAI 10:23

Ei thurin hi chel indet ngit ei ti, Pathian chu a chonginkunga iamom a ti, ti ei irnghat thei sikin.

HEBRAI toc2 HEBRAI 3:14

Ei irnghat phutna kha a mong dênin ei intûk indet ngânin chu Krista leh Pathian satvur dong hranghai ei ni ta.

HEBRAI toc2 HEBRAI 3:6

Krista rêk chu Pathian in sûng mihai chunga Nâipa’n iam a iom a ni. A in sûng mihai chu einihai hi ei ni, ei ihâina intûk indetin ei itûng hi ei irnghat ngit ngânin chu.

1 JOHANA 2:19

Anni kha ei lai ata an suaka, ei mi le satak tak ni mahaia, nihai sian ei kuang an iom mai hrang a ni. Khannisian, an rêngin ei mi le sa ni zit mahai tih an inlang fiana hrangin an isuak tâk a ni.

THUPHUANG 2:5

Idôr ten mo ni inrîl tâk ngaitua roh! Ni sualna ata irletin lân ni sintho masa kha tho nôk ta roh. Ni sualna ata nir let no’n chu zuang ki ta, ni meiser siana kha a hmun ata ki ithînpai hrang kêng.