ROM KHUAA MIHAI KUANGA TÎRTÔN PAULA LEKHATHON 11:12 - PATHIAN LEKHABU IRTHIANG C.L. Bible (BSI)

¹² Khaang khan, an tûk luan rammual irchongna a nia, an hlosamna man Jentailhai irchonga a niin te, an hong kop irkip tena len vâng chu itin tak mo a ini hrang tâk!

ROM KHUAA MIHAI KUANGA TÎRTÔN PAULA LEKHATHON 11:12 ပူးပေါင်းရင်းမြစ်များ

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

MIKA 5:7

Jakoba-hai mi la omsunhai kha chi tamtakhai laia Rengpa ata irdo tâk ang le hloisûl chunga rotho angin om an ta; kha khan mihriam nghâk maka, mihriam nâipasalhai ngaisak ual ma.

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

TÎRTÔNHAI SINTHO 3:21

Aniachu, itinrêng siamthar zoro a tung mâka chu irvânin ama kha lan sua no ni; kha siamtharna thu kha Pathianin a deipu irthianghai bâia tianlai ata a insîr tâk kha.

ROM KHUAA MIHAI KUANGA TÎRTÔN PAULA LEKHATHON 11:15

Anni pai thâkna lua rammual hi Pathian ruala siam nôkna a ni’n chu, anni lômlût nôkna chu thina ata hring nôkna ni no ni mo?

ROM KHUAA MIHAI KUANGA TÎRTÔN PAULA LEKHATHON 11:25

Urênghaio, hi thu’rthup hi nin inhriat loi nuam ma ung; khano’nchu ki vâr dên lei irtina nin ti; Jentailhai an kop irkip mâka chu Israel mi senkhathai chunga hnangrakna la zuang tung bak a ti, ti hi.

ROM KHUAA MIHAI KUANGA TÎRTÔN PAULA LEKHATHON 11:33

Pathian irchongzia, a vârna le an hriatna kha an thûk bâka! A roirêl lam khom inhriat phâk loi zât, a lampuihai kha sui suak thei zât a ni no bâka!

ROM KHUAA MIHAI KUANGA TÎRTÔN PAULA LEKHATHON 9:23

Khan, a lunginkhamna bêl, a roiinpuina dong hranga a isinsiam, einihai kuanga hin, a roiinpuina irkhêl tak a zuang inlangtir tâk a ni.

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

KOLOSA 1:27

Kha mihai kuang khan Nam tin ta hranga thu’rthup roiinpui le hlu tak kha Pathianin inhriattir a nuam ngei a ni; kha thu’rthup kha, Krista nangnia om, roiinpuina sabeina san kha a ni.