ROM KHUAA MIHAI KUANGA TÎRTÔN PAULA LEKHATHON 10:3 - PATHIAN LEKHABU IRTHIANG C.L. Bible (BSI)

³ Pathianin mi thiam an changtir lam inhre thiam mahaia, an lampui an hro ngita, Pathianin thiam an changtir dân hnuaia irpelût nuam mahai.

ROM KHUAA MIHAI KUANGA TÎRTÔN PAULA LEKHATHON 10:3 ပူးပေါင်းရင်းမြစ်များ

NEHEMIA 9:33

I khomnisian, kin chunga thil hong omhai hi nang chu ni fela; dik takin thil ni thoa, keini’n chu dikloi takin kin oma:

JOBA 33:27

“Thil dik tho loiin thil dik loi ki lei tho ta hi te, Khannisian, ki irphu angin chu la tuang ma ung,” ti’n vântâng laia hla sak a ti.

INPÂKNA HLAHAI 71:19

O Pathian, ni felna khom ar sâng tak tak a ni; O Pathian, nang thil roiinpui takhai thotu, Nangma ang hi tu mo om?

ISAIA 51:1

Sansuak nuama Rengpa zongtuhaio, ki thu hi irngai roi. Nin suakna lungpui hi en unglân, nin hong isuakna lungpui hi en roi.

ISAIA 51:6

Irvân tiang nin mit inlêngtir unglân, Hnuai tiang irnêng hi en unglân, irvân khi meikhu angin irzâm zoi a ti, puan angin irnêng hi milui a ta, a sûnga omhai khom thoivâi angin, thi pher phurin om an ti. Ki saninhringna hi chu, kumtuanga hrang a ni, ki inhnêna khom hek thei no ni.

ISAIA 51:8

Puan irthiin a ifâk insiat angin, irnge’n samul puanhai a ifâk thei angin annihai khom la fa an ta, keima kuang chu kumtuanga hrang a ni, ki saninhringna khom kumtuanga hrang a ni.

ISAIA 56:1

Rengpa’n hiang hin a ti: Diktakin roirêl unglân, diktakin sintho roi, nangni sansuak lat hrang ki ni ta, ki fel lam chu hong inlang ta a ti.

ISAIA 57:12

a dik a nih tia nin hriata, nin itho ngai a ni. Khannisian ar fêna om mah. Mualinphoitir ki ti.

ISAIA 64:6

Kin rêngin kin porinche zoi ta, kin satna murdihai khom puanbom porche tak ang a ni ta, thinghna chuai tâk angin kin om ta, kin inchâinahai hin a ni ihruai irhmang a ni ta.

CHAP HLA 3:22

Rengpa nunhoi le inrenna hi chu chuai ngai maka.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

LEVI DÂN 26:41

anni sikin ki’rheisana, an râlhai rama kin hnotsuak a nih ti irhriat an ta; khanchu, an lungrîl irhnuai an ta, an sual man an pêl hnung chu,

LUKA 10:29

Khannisianlân, Dân irchutirtu khan thiam chang nuamin, Jisua kuang, “Tu mo ki bômhai?” a tia.

LUKA 16:15

Jisua’n an kuang, “Mi mit hmu’n mi fel anga inlang mai mai nin ni; khannisian, Pathianin nin lung sûng an hriata. Mihriamhai irngaisâng hi Pathian mit hmu’n intirom a ni.

ROM KHUAA MIHAI KUANGA TÎRTÔN PAULA LEKHATHON 1:17

Hi hin iamna sika vai Pathianin mi thiam a inchangtir lam a hong inlang ta a ni, Pathian Thu bu’n, “Iamnaa mi fel chu hring a ti” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 10:2

Pathian ta hranga sathnem ki’rngai irkhêlzia kin hriat, inhriat infel loiin sathnem an irngai a ni.

ROM KHUAA MIHAI KUANGA TÎRTÔN PAULA LEKHATHON 10:20

Isaia’n chu hâi nôk ualin: “Ni zong loihaiin an ni hmua, Ni’rlamloihai kuang ki inhriattira,” a tia.

ROM KHUAA MIHAI KUANGA TÎRTÔN PAULA LEKHATHON 11:7

Itin mo a ini hrang tâk? Israelhai khan an izong kha hmu mahaia, Pathian inthang tômte vaiin an hmua, mi danghai rêng rêng chu an sêt zoi zit tâk a ni.

ROM KHUAA MIHAI KUANGA TÎRTÔN PAULA LEKHATHON 3:22

Jisua Krista an iam sikin Pathianin mi thiam a inchangtir a ni, tukhom a iam murdihai chu, danglamna zel om mah.

ROM KHUAA MIHAI KUANGA TÎRTÔN PAULA LEKHATHON 3:26

Atûn laia a felzia entirna hrangin kêng, ama ngei kha mi fel a ni theina hrang le, Jisua iam murdi chu thiam inchangtirtu a ni theina hrangin.

ROM KHUAA MIHAI KUANGA TÎRTÔN PAULA LEKHATHON 5:19

Mi inkhat thu zômloi sika khan mi tamtak mi sual an ni tâka, khaang dênin mi inkhat thu zômna sikin mi tamtak mi fel ni an ti.

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

DÂN INHNINA 6:25

Hi a thupêk ni hril murdi hi kuluk taka ei zômin chu Rengpa khan ei chunga lôm a ti; ti ngai roi.

FILIPI 3:9

Dân zôm sika ni loiin Krista iam sika thiamchang ki ni, iamna sika Pathian makunga thiamchangna chu.

2 PETERA toc2 2 PETERA 1:1

Jisua Krista suak le tirtôn Simon Petera khan, a ni saninhringtu Jisua Krista zâra le ei Pathian felna zâra iamna kin idong ang donghai chubai ki mûk.