ROM KHUAA MIHAI KUANGA TÎRTÔN PAULA LEKHATHON 1:20 - PATHIAN LEKHABU IRTHIANG C.L. Bible (BSI)

²⁰ A nina, mita hmu thei loi, a kumtuang sinthotheina le a Pathianzia kha rammual siam irphut ata a thil siamhai chu fel taka hmu theiin an langa. Irphilna hrang zel nei mahai.

ROM KHUAA MIHAI KUANGA TÎRTÔN PAULA LEKHATHON 1:20 ပူးပေါင်းရင်းမြစ်များ

IRPHUTNA 1:1

Pathianin a phut taka irnêng le irvân a siama,

IRPHUTNA 21:33

Khan Abrahama’n Beerseba khuaa khan meisâr kung a phuna, kha hmuna khan Rengpa, kumtuang Pathian irhming a sâma.

JOBA 12:7

Ramsahai khom irdonin lân nang irchutir thei an ti. chunglêng vatehai khom irdonin lân, nan hril thei an ti. Tuipuia ngahai khomin ni kuang hril thei an ti.

INPÂKNA HLAHAI 104:31

Rengpa roiinpuina chu kumkhua’n om sianlân; Rengpa chu a thilsiamhaia khan lôm roi!

INPÂKNA HLAHAI 104:5

Irnêng irnghatnahai chu ni phûma, Kumkhua’n an hnîng loina hrangin.

INPÂKNA HLAHAI 119:90

Ni iamomna chu suanpâr tin tin dênin om a ta; Irnêng hi nin dinga, det takin a om maia.

INPÂKNA HLAHAI 139:13

Nangma ngeiin ki takpumpui hi ni siama; Ka nu phîng sûnga nangma’n ni ni’rkhûa.

INPÂKNA HLAHAI 8:3

Irvân, ni kut suakhai, Thâ le ârsi ni inkunghai khi, ki ngaitua zoro’n chu,

INPÂKNA HLAHAI 90:2

Tânghai om mâna, Irnêng le rammual nin ding mân khom khan, Kumtuang ata kumtuang dên khomin nang chu Pathian ni ni.

ISAIA 26:4

Rengpa chu kumtuangin iam mai roi, Rengpa chu kumtuanga zôkna lungpui a ni,

ISAIA 40:26

Irvân tiang khin nin mit inlêngtir unglân, nin ihmuhai khi tu isiam mo an ini? Sipai rualhai anga hruaisuak ngaitu, ar hminga koi thei vingtu isiam ving an ni; thil a thothei hraia, ite irhmang ngai mah.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

JEREMIA 5:21

Nangni mi’ntohai le inhriatthiamna nei loihai, hi hi irngai roi, mit neia hmu thei loi, mikuar nei chaka inhre thei loihai.

JEREMIA 51:15

Rengpa’n a sinthotheina leh irnêng a siama, a vârna’n rammual an ngîrtira, an hriatna leh irvân a kaiinphar a ni.

MATHAIA 5:45

nin Pa irvâna mi nâihai nin ni theina hrangin; Ama’n chu mi sualhai le mi sahai chunga misa an suaktira, sin sa sinhai le sin saloi sinhai chunga khom rua an thotir ngai.

MARKA 10:6

Khannisianlân, rammual irsiang ata Pathian thubu’n a iti angin, ‘Pathianin pasal le nupang a siam a ni’.

JOHANA 1:18

Tukhomin Pathian hmu ngai mahai; Pa Nâipa nei sun, a rôpsuama om khan, a thurchi an hriattir ta a ni.

JOHANA 15:22

Keima zuangin an kuang thu insîr no inlân chu sual nei no nihaia, atûn chu an sual hnônna hrang nei ta mahai.

TÎRTÔNHAI SINTHO 17:29

Khanchu, Pathian irchihai ei ni’n chu, Pathian chu rângachak mani, sumin mani, lung mani, mihriam thiamthei le inkunga songhai ang mani hi niin ei ibe hrang ni mah.

TÎRTÔNHAI SINTHO 22:1

“Urênghai le pahaio, ki thiamna thu nin kuang ki insîr hi irngai roi,” a tia.

ROM KHUAA MIHAI KUANGA TÎRTÔN PAULA LEKHATHON 1:19

Pathianin an hriattir tâk sikin, Pathian thurchi inhriat hrang mihai chu an lungrîla inhriattirin a lei om tâka.

ROM KHUAA MIHAI KUANGA TÎRTÔN PAULA LEKHATHON 16:26

Atûn hin chu thu irthup ngai kha deipuhai Lekhaa a hong inlanga, tukhomin an iama an zôm theina hrangin kumtuang Pathian thupêk anga nam tin laia inhriattir a ni ta.

ROM KHUAA MIHAI KUANGA TÎRTÔN PAULA LEKHATHON 2:1

Khasikin, o mihriam, mi hrilsiatpu tukhom ni inlân, irphilna rêng nei viat no chi ni; mi dang ni irêlna ngeia khan nangma theiloi ni ichang kêng; nangma a rêlpu rêng khomin khaanga sin kha ni tho sa ngai sikin.

ROM KHUAA MIHAI KUANGA TÎRTÔN PAULA LEKHATHON 2:15

Dân thupêk chu an milunga a irziak a nih ti an omlam ata an lang, an sia le sa inhriatnaa khom an langa an lungrîlhai ar sêla, a kâra thiam an changa, a kâra thiamno an chang ngai.

1 KORINTH 1:20

Mi vâr kha khôn mo a iom? Mi thiam kha khôn mo a iom? Hi rammuala irsêl thiam kha khôn mo a iom? Pathianin rammual vârna hi invêtna a nih ti an lang ta.

DÂN INHNINA 33:27

Kumtuang Pathian kha nangni enkoltu a ni, a bân hrât khan nangni a sûnghuala, nin makunga râl an hnotsuaka, “Inboipai zit roi,” a ti.

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.

KOLOSA 1:15

Krista kha hmu theiloi Pathian angpui, thil siam murdi mahruaitu a ni.

KOLOSA 2:9

Krista takpuma khan Pathian famirkipna tinrêng kha a om.

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

HEBRAI toc2 HEBRAI 11:27

Iamna’n rêng ningmur kha chi loiin Aigupta ram a mâka; hmu theiloi Pathian kha a hmu sikin a ikîr nuam ta loi a ni.

HEBRAI toc2 HEBRAI 9:14

Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.