ROM KHUAA MIHAI KUANGA TÎRTÔN PAULA LEKHATHON 1:1 - PATHIAN LEKHABU IRTHIANG C.L. Bible (BSI)

¹ Paula, Jisua Krista suak, tirtôn hranga koi, Pathian Thurchi Sa hril hranga indangtu khan;

ROM KHUAA MIHAI KUANGA TÎRTÔN PAULA LEKHATHON 1:1 ပူးပေါင်းရင်းမြစ်များ

1 THURCHI SUINA 23:13

Amrama hi Arona le Mosiahai pa a ni. Arona hi ar chihai le, Rengpa biakna mirimhoi thilinhlanhai inhlana bêlbûr irthiang enkoltu le Rengpa irhminga mipuihai hranga satvurna hriltu hranga indang bîk a ni.

ISAIA 49:1

Chômbunghaio, ki thu hi irngai roi, ram hlataka omhai khom irngaitua roi. Sûnga ki om lai ata Rengpa’n a ni koia, Nu pum sûnga ki om lai ata ki’rhming a phuaa.

JEREMIA 1:5

“Phîng sûnga nang ki siam mân rengin, nang kin hriata, sul ata ni suak mân rengin nang ki lei inthang sai a ni, nam danghai laia deipu hrangin nang ki lei inkung tâk a ni,” tiin.

MARKA 1:14

Khan, Johana kha an chel zoiin chu Pathian Thurchi Sa hrilin Jisua kha Galili rama a honga;

JOHANA 12:26

Tukhom ki sintho nuam murdi’n chu ni zui ngêt ri se, ki sin thotu chu ki omnaa a om sa theina hrangin. Tukhomin ki sin tho chu ka Pa’n chôiindôm a ti,” a tia.

JOHANA 15:15

Suak nangni ti ta no ninga; suakin chu a pu sintho inhre maka; rualhai nangni ti ta ki ti; ka Pa kuang ata thil ki inhriat murdi nangni kin hriatir tâk sikin.

JOHANA 15:20

Suak a pu nêkin roiinpui mah ti thu nin kuang ki insîr kha inhre mai roi. Anni’n deng an ni inthei ang khan nangni khom deng nangni lan theitir an ti; ki thu an zômin chu nin thu khom zôm an ti.

TÎRTÔNHAI SINTHO 13:9

Saula, Paula an iti kha, Irtha Irthiangin a sipa, ama kha a en chiana,

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 21:40

Phal a hong ni le Paula kha kalbia khan a ngîra, mipui kha dâihrek hrangin kutin a zâphaia, an dâihrek tâka, Hebrai chongin thu an sîr tâka.

TÎRTÔNHAI SINTHO 22:21

Ama khan ‘Fe roh, hla taka Jentailhai kuang nang ki itîr hrang a ni,’ a ni ti tâka,” a tia.

TÎRTÔNHAI SINTHO 22:7

Khanchu, hnuaia kin rîl raka, ‘Saula, Saula! ithoa mo deng ni ni intheitir?’ iti chong kin hriata.

TÎRTÔNHAI SINTHO 26:1

Agripa’n Paula kuang, “Ni thiamna thu nin sîr thei,” a tia. Kha zoi le Paula’n a kut a phara, a thiamna thu an sîr tâka.

TÎRTÔNHAI SINTHO 26:14

Irnênga ki’rtet raka, Hebrai chonga irhâiin, ‘Saula, Saula, ithoa mo deng ni ni intheitir? Sunna khianghrol irpal hi nangma vai kêng nang a inphop’ tiin chong kin hriata.

TÎRTÔNHAI SINTHO 27:23

A ta ki nia, a sin ki tho ngai, Pathianin vântîrtôn inkhat zânin khan a zuang tîra, ki kuang a zuang ngîra,

TÎRTÔNHAI SINTHO 9:15

Rengpa khan, “Fe chian roh, hi pa hi Jentailhai, rênghai le Israelhai kuang ki’rhming pe lûttu hranga ki mi inkung kêng a ini.

ROM KHUAA MIHAI KUANGA TÎRTÔN PAULA LEKHATHON 1:16

Thurchi Sa hi inzakpui ma ung, tukhom, a iam murdi saninhringna hranga Pathian sinthotheina a nia; Judahai hrangin a ni phota, Jentailhai hrang khom a ni nôka.

ROM KHUAA MIHAI KUANGA TÎRTÔN PAULA LEKHATHON 1:5

kha sika khan Pathianin nam tin laia mihai iama tak insôntir hrangin tirtôn nina sintum an inhlan a ni:

ROM KHUAA MIHAI KUANGA TÎRTÔN PAULA LEKHATHON 1:9

Ki chongchainahai khan nangni kin hriat mai ngai a ni, a dik taka a Nâipa Thurchi Sa insîrin ki lungrîl murdi’n a sin ki tho ngai, Pathian kha nin hriatpuitu a ni.

ROM KHUAA MIHAI KUANGA TÎRTÔN PAULA LEKHATHON 11:13

Nangni Jentailhai kuang thu ki insîr a ni. Keima hi Jentailhai hranga tirtôn ki ni sikin ki sinthôna sin hi ki inhlu a ni;

ROM KHUAA MIHAI KUANGA TÎRTÔN PAULA LEKHATHON 15:16

Jentailhai chu Irtha Irthianga Pathian kuang, lôm inruka irbôlna hranga, inhlan hrangin Thurchi Sa hril hi ki ochai sin a ni.

ROM KHUAA MIHAI KUANGA TÎRTÔN PAULA LEKHATHON 15:29

Khan, nin kuang ki hong tika chu Krista satvurna famirkip pumin hong ki ti, ti kin hriat.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

ROM KHUAA MIHAI KUANGA TÎRTÔN PAULA LEKHATHON 16:25

Pathian chu chôiindôm ei ti; Ama’n chu Jisua Krista thu, Thurchi Sa ei ihril le tiana thurîl irthup lei inpuang tâk ang khan nin iamnaa det takin nangni an dettir thei a ni.

1 KORINTH 1:1

Paula, Krista Jisua tirtôn ni hranga Pathian nuamlam anga koi le ei urêngpa Sosthena khan,

1 KORINTH 9:1

Zalên mo ni ma ung? Tirtôn mo ni ma ung? Ei Rengpa Jisua mo hmu ma ung? Nangni kha Rengpa ta hranga ki sintho ra ni mak chêi mo?

2 KORINTH 1:1

Paula, Pathian lungdoa Krista Jisua tirtôn le ei urêngpa Timothea khan, Korinth khuaa Pathian Koiindanghai le Akaia ram pumpuia Pathian mihai kuang khan:

2 KORINTH 11:5

Nin “tirtôn” lianhai nêka chîn ual hrangin chu irtûng ma ung!

2 KORINTH 11:7

Nin kuang Pathian Thurchi Sa ki zuang insîr laia khan ite thil nangni ngên ma ung; nangni chôiindômna hrangin keima ki irhniam a ni kha. Kha khan ki itho’nsual ma ni?

2 KORINTH 12:11

Into angin ki iom a ni, nangni’n into hrangin nin ni inphût sikin. Nangni’n kêng nin ni inhamna inlang hrang nin ini. Ite ni no khom inlân, nin “tirtôn” lianhai nêkin chu i lama khom chîn ual no ning.

2 KORINTH 2:12

Krista Thurchi Sa insîr hrangin Troas ki tungin chu, khataka sintho hrangin Rengpa’n lam a nin hong pe ki hmu.

2 KORINTH 4:5

Keini thu insîr ma unga, Jisua Krista chu Rengpa a nih ti kin insîra, keini khom Jisua sikin nangni suakhai kin ni iti kin insîr ual ngai.

GALATIA 1:1

Kei Paula, tirtôn, mihriam itîr ni loi, mihriam inkung khom ni loi Jisua Krista le mithi lai ata ama kaithoitu Pa Pathian inkungtu hin,

EFESI 1:1

Pathian nuam lama Krista Jisua Tirtôn Paula khan, mi irthiang Efesi khuaa om, Krista Jisua mi iamomhai chubai ki mûk.

EFESI 1:13

Nin saninhringna Thurchi Sa, thutak kha nin inhriatna khan Pathian mihai nin hong ni ta. Krista nin iam sikin Pathianin Irtha Irthiang inkung kha nangni pêkin, Ama ta nin nih ti irsinsiana nin chunga a isia a ni.

EFESI 4:11

Khanchu, “Mihriamhai kuanga thilpêkpu” kha ama hi a ni: mi senkhat chu tirtôn hrangin, senkhat chu deipu hrangin, senkhat Thurchi Sa hriltu hrangin, senkhat pastor le irchutirtu hrangin a zuang inkunga.

DÂN INHNINA 10:8

Kha zoro lai khan Levia irchihai kha Rengpa khan Thuthung Bôm enkoltu hrang le irzôn ngai hrang an kunga; Rengpa makunga an dinga, a sin thoa a’rhminga mipui satvur pe ngai hrangin atûn ten a inkung tâk a ni.

FILIPI 1:1

Paula le Timothea, Krista Jisua suakhaiin chu, Krista Jisua mi irthiang Filipi khuaa om murdi le Koiindang hruaituhai le sinthotuhai chubai kin mûk.

FILIPI 2:11

Pa Pathian roiinpuina hrangin mi tinrêngin, Jisua Krista kha Rengpa a ni tiin lan puang an ti.

KOLOSA 1:1

Pathian nuamlam anga Krista Jisua Tirtôn Paula le ei urêngpa Timothea khan,

KOLOSA 1:25

Pathian thu le a lei inkung kha nin kuang irkip taka inpuang hrangin Pathianin sin a ni pêka, Koiindang sinthotu’n kei hi a ni isiam a ni.

1 THESALONIKA 2:2

Nin inhriat angin Filipi khuaa khan inzakom taka soisak tuang khom inlân, irdoina tamtak kâra nin kuang Thurchi Sa hril hrangin ei Pathianin hâina a ni pêk a ni.

1 THESALONIKA 2:8

Khaang dôra nangni kin irngaiinnat hi, lung nangni kin thung sikin. Pathian Thurchi Sa vai ni loiin kin hringna ten khom nangni kin ipêk ngam a ni.

1 THESALONIKA 2:9

Urênghaio, kin sin sôlzia le intakzia kha nin inhriata, nin laia tukhom kin intaktir loina hrangin a sûn a zânin sin tho’n Thurchi Sa kin insîr ngai a ni, kha te!

1 TIMOTHEA toc2 1 TIMOTHEA 1:1

Keima Paula, a ni saninhringtu Pathian le ei isabei irnghatna Krista Jisua thupêk anga Krista Jisua tirtôn hin,

1 TIMOTHEA toc2 1 TIMOTHEA 2:7

Keima hi, Jentailhai kuang chu iamna thu kha inpuang hrang le thutak irchutirtu le tirtôn hranga inkung ki ni; thutak ki insîr a ni, milak insîr ma ung.

2 TIMOTHEA toc2 2 TIMOTHEA 1:11

Kei hi kha Thurchi Sa inpuang hrangin Pathianin tirtôn le irchutirtu hranga inkung ki ni.

TITA toc2 TITA 1:1

Kei Paula hi, Pathian siahlo le Jisua Krista tirtôn, Pathian mi izenhai iamnaa kaihruai hrang le

HEBRAI toc2 HEBRAI 5:4

Chôiindômna dong nuamin tûte Ochai inlaltak chang thei ngai mah. Arona anga Pathian ikoihai vai kêng ochai inlaltak a ichang thei ngai.

HEBRAI toc2 HEBRAI 7:26

Khaang khan, Jisua Ochai Inlaltak mi’rthiang, demnaboi, sualna neiloi, mi sualhai laia irthoka a binga om, irvânhai nêka inchung uala siam tâk chu ei ta hrangin a iruk bak a ni.

JAKOBA toc2 JAKOBA 1:1

Pathian le Rengpa Jisua Krista suak Jakoba khan nam sômhleihni rammuala inthek indarhai kha chubai ki mûk.

1 PETERA toc2 1 PETERA 4:17

Roirêlna kha phut zoro a ni tâka, Pathian in sûng mihai ata phut ni a ti. Einia phut a ni’n chu Pathian Thurchi Sa thu iam loihai kha itin takin mo an iom hrang tâk!

2 PETERA toc2 2 PETERA 1:1

Jisua Krista suak le tirtôn Simon Petera khan, a ni saninhringtu Jisua Krista zâra le ei Pathian felna zâra iamna kin idong ang donghai chubai ki mûk.

JUDA 1:1

Jisua Krista suak le Jakoba urêng Juda khan, Pa Pathian lungkhamna le Jisua Krista ienkolnaa om, ikoihai chu chubai ki mûk.

THUPHUANG 1:1

Hi lekhabu hi Jisua Krista thuphuang, Pathianin a suakhai inhriat hranga a ipêk, thil hong tung zôi hrang thu kha a ni; kha thu kha vântîrtôn zuang tîrin a suak Johana kuang a zuang inhriattira,

THUPHUANG 22:6

Khan, vântîrtôn khan ki kuang, “Hi thuhai hi iam a omin a idik a ni. Deipuhai kuang ama Irtha pêktu Rengpa Pathian khan thil hong tung zôi hranghai kha a suakhai kuang en hrangin vântîrtôn a itîr a ni,” a tia.

THUPHUANG 22:9

Khannisianlân, ama khan ki kuang, “Khaang khan chu tho no roh. Kei khom nangma le ni urêng deipuhai le hi lekhabu thu pom murdihai suak chanpui kêng ki ini, Pathian chubai mûk roh!” a tia.