ROIRÊLTUHAI 9:5 - PATHIAN LEKHABU IRTHIANG C.L. Bible (BSI)

⁵ A pa insûng mihai omna Ofra khuaa khan a va fea, Gideona nâihai, a uhai sômsari chu lung inkhat chunga a that tôla, nâipangtak Jothama rêk chu ar bîka, that mahai.

ROIRÊLTUHAI 9:5 ပူးပေါင်းရင်းမြစ်များ

1 RÊNGHAI 1:12

Atûn hin ni zôk theina hrang le ni nâipa Solomona zôkna hrang lam nang hril ki ti.

1 RÊNGHAI 1:21

Hi thu hi nin fel no’n chu, ka pu kei le ki nâipa Solomona chu ni thi zoiin chu dohasa kêng kin irhlo hrang,” a tia.

2 RÊNGHAI 10:17

An va tungin chu, Ahaba urêng murdi chu inkhat lua hôi loiin a thathai vinga. Elija kuanga Rengpa ihril kha a itung a ni ta.

2 RÊNGHAI 10:7

Jehua lekha an hmu’n chu Samari khuaa hruaituhaiin Ahaba nâi sômsarihai chu an thathaia, an lu chu bêma an thunhaia. Jezreel khuaa Jehua kuanga an thon tâka.

2 RÊNGHAI 11:3

Athali inlal zoro kum ruk sûng chu Jehosebi khan tempila thupin, a ienkol a ni.

2 THURCHI SUINA 21:4

Jehorama chu a hon lal indeta, a sanghai chu an thattirhaia. Israelhai laia hruaitu senkhat khom an thattirhai sa.

MATHAIA 2:16

Khan, mi vârhaiin an ihuang a nih ti Heroda’n an hriatin chu, a sân a ning an mur tâka, a zoro thu an irdona an ihril ang khan Bethlehem le a kôlvêl murdia nâipang kum hni hnuai tianga chu an thattirhai zita.

MATHAIA 2:20

“Thoiin lân, nâite le a nu hruaiin lân Israel rama kîr ta ro; nâite that tumtuhai kha an thi zoi ta,” a tia.

ROIRÊLTUHAI 6:11

Rengpa vântîrtôn chu Ofra khuaa a fea, Abiezera mi Joasa saiso thing bula khan a toi tâka; Joasa nâipa Gideona’n uain in-ôtna khura Midian mihai hmuloi hrangin bu a chîla.

ROIRÊLTUHAI 6:24

Kha hmuna khan Gideona’n Rengpa ta hrangin maichâm a siama, Rengpa Salom a phuaa. Abiezer rama Ofra khuaa khan, atûn ten a la om.

ROIRÊLTUHAI 8:30

Gideona’n dôngma a nei intama, nâipasal sômsari a neia.

ROIRÊLTUHAI 9:18

Atûn hin chu, ka pa insûng mihai chunga nin doia, a nâipasal sômsari chu lung inkhat chunga nin thathaia, a siahlonu nâipa, ni irzirpui nâi Abimeleka hi Sekem khuaa mihai rênga nin hong isiam tâk a ni hi.

ROIRÊLTUHAI 9:2

“Sekem mihai hin, Gideona nâi sômsarihaiin nin chunga roirêl ri seh mo nin ti, mi inkhat vaiin mo, hril roi, nin tia ni’n chu kei hi nin nâihai laia nin thisen irzompui omsun ki ni, nin inhriat mai hrang a ni” a tia.

ROIRÊLTUHAI 9:6

Khanchu Sekem mi le Bethmilo mi murdi chu an irbukkhôma, Sekem kôla Saiso thing hnuaia Abimeleka chu rênga an siam tâka.