ROIRÊLTUHAI 8:27 - PATHIAN LEKHABU IRTHIANG C.L. Bible (BSI)

²⁷ Gideona’n kha rângachakhai leh khan Efod a siama, a omna khua Ofra-ah khan a siaa. Israelhaiin an Pathian an mâksana, Gideona le a in mihai ta hrangin châng ichiom tak a hong ni tâka.

ROIRÊLTUHAI 8:27 ပူးပေါင်းရင်းမြစ်များ

INPÂKNA HLAHAI 106:35

Nam tinhai chu an irpôlpuia, An sinthohai chu an irchu lika.

INPÂKNA HLAHAI 106:39

Khaang khan an sinthohaia porinchetirin an oma, An sinthohai khan an hong uire tâka.

INPÂKNA HLAHAI 73:27

Irngai ta, nangma ata hlataka omhai chu an irhmang hrang a ni: A uiresantu murdi chu nir hmangtir ta.

FESUAKNA 23:33

Nin rama khan hi mihai hi nin inomtirhai hrang ni ma; nin inomtirhaiin chu, ki chunga thil saloi nangni an inthotir hrang a ni. An pathian chubai nin mûk duaiin chu, nin ta hrangin thina châng nangni chang pe a ti,” a tia.

FESUAKNA 32:4

Ama’n kuarkâihai kha a lei lâka, an zôia, a suangna hrang hmun a isiam khan a buna, rângachak sehrâtchalte irlim an luan pehai tâka. Mihaiin, “O Israel mihai hi Aigupta ram ata ni hong hruaisuaktu ei Pathian kha a ni,” an tia.

FESUAKNA 34:16

Nin nâipasalhaiin kha nam dang nupanghai kha dôngma’n lahai duai an ta, ki ta hrangin iamom loina om hrang le an pathianhai chubai nin mûkpui theina lampuia nangni an ihruai thei hrang a ni.

ISAIA 8:20

Irchutirna thu nangni ki ihrilhai kha irngaitua sabak roi, anni thuhril chu omzia nei mah.

EZEKIELA 7:20

An irvôna satak tak kha an inlalna’n an hmanga; khannisianlân, intiromin an millimhai siamna’n an hmanga, khasikin thil porinchea ki inchangtir tâk a ni.

HOSEA 2:2

Nin nu hi bei roi, bei roi; Ama hi ki dôngma ni maka, kei khom a pasal ni ma ung, A hmel ata a notizuar uar hi pai thâk sianlân, A rôp ata a uire uar hi pai thâk ri se;

HOSEA 3:4

Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

DÂN INHNINA 12:5

Israel nam murdi ramchâr lai ata Rengpa khan a’rhming omna hrang hmun inkhat inthang a ta, kha khan a makunga nin ihong irchun ngai hrang a ni.

DÂN INHNINA 7:16

Rengpa nin Pathianin nangni a ipêk rama namhai kha inboipai unglân, nin hmu’n lunginkhamhai no unglân, an pathianhai khom nin ibiak hrang ni ma; kha kha nin in-ôkna hrang châng a ni.

DÂN INHNINA 7:25

Thing millim, an itukhai kha, hâl nin ta, a tuamna sumru le rângachakhai kha irzuk no unglân, la sa no roi; nin ta hrangin in-ôkna le châng ichiom tak ni thei a ti. Rengpa nin Pathian hrangin thil intirom a ni.

ROIRÊLTUHAI 17:5

Mika’n Pathian in a sina, Efod leh millim a siama, a nâipa inkhat chu ochai hrangin an kunga.

ROIRÊLTUHAI 18:14

Lais le a vêla ram hong envêltuhai mi ringa khan an rualhai kuang, “Hi in inkhat sûnga hin thing millim sumrua inluanhai a om ti nin inhriat mo? Millim danghai le Efod khom a om, itin mo tho inlân sa ni?” an tia.

ROIRÊLTUHAI 18:17

Mi ringa ram envêltuhai chu kha ina khan an lûta; khan ochai chu mi irzaruk irdoina tukfam irbelhai laia mikot bula khan a ngîra.

ROIRÊLTUHAI 2:2

kha rama lei omhai leh khan thuthung nin siam hrang ni mak, an maichâmhai nin insiatpai hrang a ni’ ki ti kha; khannisian, ki chong zôm nuam loiin i thil mo nin itho tâk kha?

ROIRÊLTUHAI 2:3

Khasikin, nangni ki hril, nin matona hi mihai hi inhnotsuak no ning, nin hrangin râl ni an ta, an pathianhai biak hrangin nangni val an ti,” a tia.

ROIRÊLTUHAI 6:11

Rengpa vântîrtôn chu Ofra khuaa a fea, Abiezera mi Joasa saiso thing bula khan a toi tâka; Joasa nâipa Gideona’n uain in-ôtna khura Midian mihai hmuloi hrangin bu a chîla.

ROIRÊLTUHAI 6:24

Kha hmuna khan Gideona’n Rengpa ta hrangin maichâm a siama, Rengpa Salom a phuaa. Abiezer rama Ofra khuaa khan, atûn ten a la om.

ROIRÊLTUHAI 8:26

Khaang khan an ipêk khom rângachak bômzoi chu her sôminhni vêl a ni. Midian rênghai irvôna, ringzêlhai, hnâr bethai, puan sendukhai le an saringsei ring khita neihai chu tep sa ni mah.

ROIRÊLTUHAI 8:28

Khanchu, Midian mihai chu Israelhaiin an inhnêhaia, ite châng thei ta mahai. Gideona dam sûng chu ram kha kum sômminli irngeina a lêng.