Kha hnung chu Israel mihai kha rêng kuang an fea, rêng kuanga khan, “O rêngpa, itho mo kin urêng Juda mihai hin anni ta bîkin nang an bêa, nangma le ni in mihai le khom Jordan râla nangni an ihruaipai zit hi?,” an tia.
Juda mihai murdi khan Israel mihai kha, “Reng chu kin takmiti a ni sikin a ni. I lo hrang mo hi thua hin nin ning a inmur? Reng thil nei tûnga om mo kin nia? Thilpêk ite lua mo a ni pêk ngai?,” an tia.
Khanchu, itho sika mihai hin hlochukna hrangin a sâna sin an itho; hi khom hi tualbômhai hnarsâna sika a nih ti kin hriat tâka; khannisian hi khom hi chanlamboi le a korong a ni.
Efraima’n thu a hrilin chu inthingna hrang dôr a dên rak ngai, Israel mihai laia chu irngai roiinpui tak a lei ni ngai. Baal kuanga a tûk tena hin chu a ithi tâk a ni.
Gideona’n, “Nangni lei itho ngai leh hin kin itho thei sun hi ite hrilirkhîna om mak! nangni Efraima mihaiin nin itho sunhai khom hi keini namhai, Abiezera mihai itho nêkin chu a roiinpui daih kêng.