ROIRÊLTUHAI 7:4 - PATHIAN LEKHABU IRTHIANG C.L. Bible (BSI)

⁴ Rengpa’n Gideona kuang, “Mi an la tam ok, ivadunga hruaihaiin lân, keiin inthangsuakhai ki ti: “Hi hi fe ri seh,” ki ti’n chu fepuiin lân, ‘Hi hi chu fe no ri se,’ ki ti’n chu tîrpai ro,” a tia.

ROIRÊLTUHAI 7:4 ပူးပေါင်းရင်းမြစ်များ

IRPHUTNA 22:1

Khan, hiang hin a nia, zoro sôtloite hnunga chu, Pathianin Abrahama chu a fiaa, “Abrahama,” a tia; khanchu ama’n “Hin ki om,” a tia.

JOBA 23:10

Ki lampui hro chu an hriata, A ni fia zoi le rângachak angin suak ki ta.

INPÂKNA HLAHAI 33:16

Reng tin tin hi a sipaihai tam sik ringota saninzôkin om ngai mahai; Mi hrât khom a hrât sik ringotin inzôk ni ual ngai mah.

INPÂKNA HLAHAI 66:10

O Pathian, nangin ni ni fiaa: Tangkarua fia angin ni ni fiaa.

INPÂKNA HLAHAI 7:9

O, mi siahai pualoina chu hong mong ta sianlân, mi felhai chu indet roh: Pathian fel tak chu milunghai a fia ngaia.

ROIRÊLTUHAI 7:5

Khanchu, ivadunga a hruaihaia, Rengpa’n Gideona kuang, “Ui anga mileia tui inliak chu a bingin sia’n lân, khûksadela tui indôp chu a bingin se ro,” a tia.

1 SAMUELA 14:6

Jonathana khan a râltukfam chôitu ruathartepa kuang khan, “Tho sertan loi Filistia sipaihai omna son la va fe rei. Rengpa’n a ni san duai khom a ni thei; a ni sanin chu ei tôm khoma ei tam khoma a saninzôka om Rengpa ta hrangin ite tho thei loi om ma,” a tia.

1 SAMUELA 16:7

Khannisianlân Rengpa khan Samuela kuang, “A hmêl satna mani, a dung sei dân mani, en no ro. Ama hi chu ki inuam loi a ni. Keima’n chu mihriam en dân angin ki ien loi a ni. Mihriamin chu pên tianga inlang an en ngaia. Rengpa’n chu lungrîl a ien ngai a ni,” a tia.