ROIRÊLTUHAI 7:22 - PATHIAN LEKHABU IRTHIANG C.L. Bible (BSI)

²² Gideona mihaiin bekul irzathum kha an tuma; Rengpa’n râlhai murdi chu anni le anni a’rtuktirhaia; Zarethan tiang Beth-sita dêna rot intân an oma, Tabat bul Abel-mehola ramri dêna rot intân khom an om.

ROIRÊLTUHAI 7:22 ပူးပေါင်းရင်းမြစ်များ

1 RÊNGHAI 19:16

Nimsia nâipa Jehua khom kha Israel rêng hrangin sahriak pol roh. Khanchu Abel Mehola khuaa, Safata nâipa Elisa chu ni’rthûla deipu sintho hrangin sahriak pol sa roh.

1 RÊNGHAI 4:12

Tanak le Megido Zerethan dep Zezreel hnuai, Beth-san ata Abela Mehola le Jokmeam dênin, Beth-san ram pumpui enkoltu chu Ahiluda nâipa Baana a ni.

2 THURCHI SUINA 20:23

Amon-hai le Moabhaiin an doihaia, an that phiarhaia, a sate’n an irdoi tâka.

INPÂKNA HLAHAI 83:9

Annihai chu Midian-hai chunga ni itho ang hai, Kison dunga Sisera chunga ni itho ang hai, Jabina chunga ni itho ang khan tho ro:

ISAIA 19:2

Aigupta mihai chu, Aigupta mihai ngêtin indoitirhai ki ta, ulenâi irhuang an ta, urênghai irdoi an ti. Khua le khua bial le bial irdoi an ti.

ISAIA 9:3

Kha namhai kha nin punghaia, an raifânna khom nin pung pehaia, bu ât le râllâk sum sem laia an raifânna angin, ni makunga hin an râi a ifân a ni.

ISAIA 9:4

An puak pêlna ringkolhai le an thil inkhôna funghai chu, irdô tuanga vîkna hmolhai leh khan, Midian-hai an inhnê nikhua ang khan, ni tho pehaia.

EZEKIELA 38:21

Gog chu siatna chi tinrêng leh insîtir ki ti, kei Rengpa Pathian hin ki iti a ni. A mihai chu an khandaihai leh irthat irhlôm an ti.

HABAKUKA 3:14

Inrûka inriang fâk irhmanga nuama lômtuhai, kêllaiher anga hong pûtin, nin darhtir hrangin an honga, Irdoi theihai lu kha ni khianghrolin ni sun tâka.

HAGAIA 2:22

tâlihai le a chunga chuanghai kha irtettir ki ta, sakorhai le a chung chuanghai kha mi tin mâni urênghai khandaiin tûk an ti.

ZAKARIA 14:13

Kha tena chu Rengpa’n a sân inbuaihai a ta, chitna’n sip an ta, mi tinin an kôla mi chu chel seng an ta, doi an ti.

2 KORINTH 4:7

Khannisianlân, keini, irtha tianga irchon neihai hi pil bêl ang kha kin ni, irtha lian kha kin ta ni loiin Pathian ta a nih ti an lang theina hrangin.

JOSUA 3:16

sak tiang ata tui zuang luang chu a chata, a hnâr tianga Zarethan bul Adama khopui dênin tui chu irbukkhômin a’rngama. Araba tianga tuipui thia luang lût ngai chu a kanga, a chat zita; mipuihai chu Jeriko khua kôl irdîn taka khan an irkân kâi tâka.

JOSUA 6:16

A voisari an vêlnaa ochaihaiin bekul an hong tumin chu Josua’n, “Khêk ta roi, Rengpa’n khua hi a ni pêk tâk!

JOSUA 6:20

Khanchu, ochaihaiin bekul chu intông nuai nuaiin an tuma, mihaiin kha kha an inhriatin chu an khêka, kul bang chu a chim tâka; an mâni mân tiang irdîn ngitin an lût ta sup supa, khua chu an lâk tâka.

JOSUA 6:4

Sûn sari ni’n chu ochaihaiin belra chal irki bekul chôiin Thuthung Bôm irzôntuhai matona khan fe an ta, belra irki chu tum an ta, voisari an ivêl hrang a ni.

1 SAMUELA 18:19

Khannisian Saula nâinu Merabi kha Davida innei zoro a hong ni’n chu Meholat mi Adriela dôngma hrangin a pêk tâka.