ROIRÊLTUHAI 7:13 - PATHIAN LEKHABU IRTHIANG C.L. Bible (BSI)

¹³ Gideona hai chu an zu tungin, mi inkhatin a rual chu a’rmang a lei inhrila, “Irmang ki neia, kin riakbuka hin barli bai tang a’rhluma, riakbuk puanin a hong dela, a del siata, hnuaia a’rdâp ziak tâk,” a tia.

ROIRÊLTUHAI 7:13 ပူးပေါင်းရင်းမြစ်များ

1 KORINTH 1:27

Pathianin chu rammual mihai irngaia thil invêthai kha mi vârhai mualinphoina hrangin an thanga, rammuala thil hrât loihai kha thil hrâthai mualinphoina hrangin an thang saa.

ROIRÊLTUHAI 3:15

Khannisianlân, Israelhaiin Rengpa chu an koia, santu hrang a pêka. Kha mi kha Benjamina irchi, Gera nâipa, Ehuda, vei tianga hmang mi a ni. Israel mihaiin Moab rêng Eglona pêk hrangin thilpêk an inchôitira.

ROIRÊLTUHAI 3:31

Khan ama hnunga Anata nâipa Samgara khomin Filistia mi irzaruk chu sehrât sunna hmolin an zuithathaia, Israelhai chu a sansuakhai.

ROIRÊLTUHAI 4:21

Sisera chu a sân a sôla, inmutui takin a ina. Khan, Habera dôngma’n puan in epna irzum le sekchôi a lâka; a in hnungin dâiriamin a va lûta; a inmu irhnik lai taka a zâl laiin puan in kilna irzumin a bangbarêpa a hêma, a hêm intuma, hnuaia an pêr tâka, khanchu a thi tâka.

ROIRÊLTUHAI 4:9

Debori’n, “Fe ngêt ki ti; aniachu, ni fe khomin ni roiinpuina hrang ni no ni; Rengpa’n Sisera chu nupangin a inthattir hrang a ni,” a tia. Debori chu a thoia, Baraka leh Kedes an pana,

ROIRÊLTUHAI 6:15

Gideona’n, “Ka pu, itin mo Israelhai chu ki sansuakhai hrang? Manasea irchi laia hrâtloi tak sûnga mi ki nia, kin insûngkua laia khom nâipang tak ki ni,” a tia.

ROIRÊLTUHAI 7:12

Midian-hai, Amalek-hai le ramchâra omhai chu irhôra khan an irthek mura, khâi pung ang mai an ni, an saringseihai khom muanga chiaiphoi anga tep zoiloi an ni.

ROIRÊLTUHAI 7:14

A rualpa’n, “Joasa nâipa Gideona khandai a ni no’n te imo a ini hrang? Kha Israelpa kuta khan Midian-hai le sipaihai murdi hi Pathianin a pêk tâk a ni hi te,!” a tia.

ROIRÊLTUHAI 8:10

Zeba le Zalmuna chu Karkor khuaa, an sipaihai leh an oma, ramchâra omhai chu mi nuai khat le sînghni irdoinaa an thi tâka, a thi zoiloi la damhai mi sîngkhat le sâng ringa’n chu an la zui mai a ni.