ROIRÊLTUHAI 7:1 - PATHIAN LEKHABU IRTHIANG C.L. Bible (BSI)

¹ Khanchu Jerubaala an iti Gideona le a kuanga mi omhai chu zîng taka an thoia, Herod vadung kôla riakbuk an khuara, Midian mihaiin chu an omna hmâr tiang More tâng kôla riakbuk an khuara.

ROIRÊLTUHAI 7:1 ပူးပေါင်းရင်းမြစ်များ

IRPHUTNA 12:6

Khan Abrama chu, kha rama Sekem hmun dênin, More tâng seso thing hmun dênin a fe zêla; kha zoro khan Kanaan mihai chu kha rama khan an lei oma.

IRPHUTNA 22:3

Khan Abrahama chu zînga a thoia, thing a tuka, a neinun pêlna sakuartung le a siahlo ompuihai inhni leh a nâi Isaka a hruaihaia; Pathianin a ihril pena tiang khan a fe tâka.

2 SAMUELA 23:25

Harod mi Sama hai, Harod mi Elika hai,

INPÂKNA HLAHAI 83:9

Annihai chu Midian-hai chunga ni itho ang hai, Kison dunga Sisera chunga ni itho ang hai, Jabina chunga ni itho ang khan tho ro:

THUHRILTU 9:10

Ni kutin sintho a ihmu kai chu ni thei dôrin tho’n lân, ni fena hrang thâna khan chu vârna mani, inhriatna mani, sin thôna mani le ngaituana mani khom a om ta no hrang sikin.

DÂN INHNINA 11:30

Hi tânghai hi Jordan dung thang tiang, Kanaan ram sûnga om Jordan irhôr kho thang tâng, Gilgal kho kôla om a ni.

JOSUA 3:1

A tûka Josua le Israelhai chu zînga an thoia, Sitim zôl ata Jordan dung kôla an irsona, ivadung an irkân mânin an riaka.

JOSUA 6:12

A tûka Josua chu zînga a thoia, ochaihaiin Thuthung Bôm chu an irzôn nôka.

ROIRÊLTUHAI 6:32

Khasikin, kha nî khan Gideona chu Jerubaala an phua tâk a ni, kha kha “Baalin doi ri se,” tihna a ni. Baal maichâm an siat pe sikin, Baalin hong doi ri se, an tihna a ni.

ROIRÊLTUHAI 6:33

Midian mihai, Amalek mihai, ramchâra omhai chu an irbukkhôma, Jezreel irhôra riakbuk an khuara.

ROIRÊLTUHAI 6:40

Kha nî zân khan Pathian belra mul chu an hula, irnêng chu dui norin irdo’n an phâtira.

ROIRÊLTUHAI 8:29

Gideona, Jerubaala an ti ngai chu, ama in tiang a fea.

1 SAMUELA 12:11

Khan Rengpa’n Jerubaala hai, Bendana hai, Jeptha hai le keima a hnungkhôn taka a ni zuang tîra. Kin rêngin nin râlhai ata kha nangni kin saninzôka, lungirngam takin nin om tâka.

1 SAMUELA 29:1

Filistia mihai le an sipaihai chu Afek-ah an irbûm vinga; Israel mihai khan Jezreel phâia tuipui kôla omhmun an khuara.