ROIRÊLTUHAI 6:5 - PATHIAN LEKHABU IRTHIANG C.L. Bible (BSI)

⁵ An sa pâlhai an hongpuihaia, puan inhai an hong chôia, khuai pung ang mai an ni, ram chu an hong insiat ngai a ni.

ROIRÊLTUHAI 6:5 ပူးပေါင်းရင်းမြစ်များ

HLAHAI HLA 1:5

O, Jerusalem nâinuhai, ki duk nâkin ki hmêl chu a sa, ramchâra Kedara puan in le Solomona puanzârhai angin ki isa a ni.

ISAIA 13:20

Tûte om ta no nihaia, sat lam hong panhai khomsian, tûte lût ngam no nihai. Arab mikhual inzinhai khomin puan in sung no nihai. Belra entuhai khomin an belrahai irngampui ta no nihai.

ISAIA 60:6

Saringsei pâl khom an hor kôi dûl dûl so, Midian-hai le Efa saringsei hmang laihai chu, Seba ram hlatak ata an hong mai, rângachak le berô an hong pêla, Rengpa inpâkna hla an hong sak.

JEREMIA 46:23

Rampui an invât insiat ngai ang hin, an mihriam chu tep hrangin an tam hrai sikin, an sipaihai chu khâi fapôl inpung nêkin an tam uala.

JEREMIA 49:29

An puan inhai, an belrahai, an puan inzarhai le puan in sûnga thil omhai la pehai roi. An saringseihai lapai pein mipuihai kuang, ichiom zât nin kôlvêla khan a iom a nih tiin hrilhai roi.

JEREMIA 49:32

“An saringsei le sehrâtchal la pehai ving roi! An sam epinbonghai chu irthekindartirin, kil tina irthokin vânduaina irkhêl intungtir ki ti.

JEREMIA 51:14

Rengpa Itinrêngthotheiin, ama hringna sâmin, khâi fapôl puang angin mi tamtak Babulon ram doi hrangin hong hruai hrangin chong ar khâma, anni khan zoina tâng an insam hrang a ni.

DÂN INHNINA 28:33

Sôl taka nin itho suak kha nin inhriat ngai loi nam dangin nangni hong lapai pe an ta; kha nin dengintheina le opbêna no chu ite hlo no chin ni.

ROIRÊLTUHAI 7:12

Midian-hai, Amalek-hai le ramchâra omhai chu irhôra khan an irthek mura, khâi pung ang mai an ni, an saringseihai khom muanga chiaiphoi anga tep zoiloi an ni.

ROIRÊLTUHAI 8:10

Zeba le Zalmuna chu Karkor khuaa, an sipaihai leh an oma, ramchâra omhai chu mi nuai khat le sînghni irdoinaa an thi tâka, a thi zoiloi la damhai mi sîngkhat le sâng ringa’n chu an la zui mai a ni.

ROIRÊLTUHAI 8:21

Zeba le Zalmuna khan, Gideona kuang, “Nangma kha hongin lân, ni that ro, pa le pa irdoi hrang a ni hi te,” an tia. Gideona chu a thoia, Zeba le Zalmuna chu a thathaia, an sakuartung ringa irtheihai khom a lâkpai pehaia.

1 SAMUELA 30:17

Khanchu Davida khan zîng khua a vâr u uai ata khohloi dênin annihai kha a doihaia, ruatharte irzaminli le saringsei chunga chuangin lâizâm thohai bana chu tûte a zôk zel om mahaia.