ROIRÊLTUHAI 6:39 - PATHIAN LEKHABU IRTHIANG C.L. Bible (BSI)

³⁹ Gideona’n Pathian kuang, “Ki chunga ningmur no ro duah, voikhat vai lei hril nôk viat rong, enfiana hi Belra mula hin ni pêk nôk ro: A vuan zân chu belra mul hi hul sianlân, a kôl vêla irnêng hi chu dui ri se,” a tia.

ROIRÊLTUHAI 6:39 ပူးပေါင်းရင်းမြစ်များ

IRPHUTNA 18:30

Khan Abrahama’n, “O Rengpa ni ning chu inmur no ro, nang la’rdon nôk rong: sômthum vai an omin te,” a tia. Khan ama’n, “Sômthum vai an om khomin thathai no ning,” a tia.

IRPHUTNA 18:32

Khan ama’n, “O Rengpa ni ning chu inmur no ro, voikhat vai nang irdon nôk ki ti, sômkhat vai an niin te,” a tia. Khan, ama’n chu, “Sômkhat vai anni khomin thathai no ning,” a tia.

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

MATHAIA 21:43

Khasikin nangni ki hril, “Pathian Ram hi nin kuang ata lapai ni a ta, ra insua hrang namhai kuang ipêk ni a ti.

MATHAIA 8:12

Ram nâihai chu pên tiang inthima inhnot suak ni an ti; kha khan chap le irkamirtôk om a ti,” a tia.

TÎRTÔNHAI SINTHO 13:46

Paula le Barnaba khan hâi takin, “Pathian thu hi nangni kuang hril masa hrang rêng a ni; khannisianlân, nin hnôla, kumtuang hringna nei zel loia nin irngai hnung chu inhre roi, Jentailhai tiang irhei kin ti.

TÎRTÔNHAI SINTHO 22:21

Ama khan ‘Fe roh, hla taka Jentailhai kuang nang ki itîr hrang a ni,’ a ni ti tâka,” a tia.

TÎRTÔNHAI SINTHO 28:28

Pathian saninhringna kha Jentailhai kuang pêk a nih ti inhre roi; anni’n chu irngai irngai an ta,” a tia.

ROIRÊLTUHAI 6:38

Nangtûk zînga a thoiin chu belra mul kha an hera, belra mula irdo chu khilât khat a suaka.

ROIRÊLTUHAI 6:40

Kha nî zân khan Pathian belra mul chu an hula, irnêng chu dui norin irdo’n an phâtira.