ROIRÊLTUHAI 6:34 - PATHIAN LEKHABU IRTHIANG C.L. Bible (BSI)

³⁴ Rengpa irtha chu Gideona chunga a oma, Abiezera mihai koi khômna’n bekul a tuma.

ROIRÊLTUHAI 6:34 ပူးပေါင်းရင်းမြစ်များ

1 THURCHI SUINA 12:18

An laia hruaitu inkhat Amasaia chu Pathian irthain an thuama, hiang hin chong an kung tâka: “Ni mihai kin ni, Davida, Jesaia nâipa, nangma mi kin ni. Irtharngamna ni kuang om sianlân, nang a san hrangtuhai kuanga khom om sianlân, Pathianin nang changpui ri se,” a tia. Davida’n a lei lômhaia, a sipai hruaitua a siahai ta.

1 THURCHI SUINA 12:19

Filistia-haiin Saula doi hranga an irsiam lai khan Davida khom a om saa, Manasea-hai khom senkhatin Davida tiang an kopa; khannisianlân, Filistia hruaituhai chu hmanghai ual ma; a pu Saula tiang kop a tih ti kha a chia, Ziklak khuaa an itîrpai a ni.

2 THURCHI SUINA 24:20

Ochai inlal tak Jehoiada nâipa Zekaria kuang Pathian irtha a zuang tunga, mipuihai hmu theina hranga khan a ngîra, inring takin a khêka, “Rengpa Pathianin hiang hin a ti, itina mo ki thupêkhai zôm nuam loiin nin chunga siatna nin intungtir hrang? ama nin mâksana, ama khomin nangni masan a ti,” a tia.

INPÂKNA HLAHAI 51:11

Ni kuang ata ni pai irhmang no’n lân; Ni’rtha irthiang hi ni lâkpai pe no ro.

NAMBAR 10:3

Bekul inhnihai kha zoro sôt an tum hnungin mipui murdi chu ni kuang irtongna Biakbuk kotbâia an irbuk zit hrang a ni.

ROM KHUAA MIHAI KUANGA TÎRTÔN PAULA LEKHATHON 13:14

Rengpa Jisua Kristaa khan irbel lem unglân, nin taksa irzukna puiinhling hrangin ite irsiam no roi.

GALATIA 3:27

Kristaa baptisma chang murdi’n chu Kristaa khan nin irvô tâk a ni.

JOSUA 17:2

Jordan nitâk tianga Manasea nâi danghai hrang ram a pêk saa, kha mihai chu: Abiezera, Heleka, Asriela, Sekema, Hefera le Semida hai an ni. Hihai hi Josefa nâipa Manasea nâipasalhai, insûngkuaa ulianhai an ni.

ROIRÊLTUHAI 13:25

Rengpa irtha’n Zora le Estaol kâra Mahane-dan hmuna khan Samsona chu a hong pôl irphut tâka.

ROIRÊLTUHAI 14:19

Rengpa Irtha chu a chunga irningloi rengin a zuang chum thuta, Askelon khuaa a zu fea, mi sômthum a zu thata, an neinun chu a lâkpai pehaia, a irôro inhriattuhai kha irsakna puanhai chu a pêkhaia. Ningmur takin a pa in tiang a kîr nôk tâk.

ROIRÊLTUHAI 15:14

Lehi hmun an hong tungin chu Filistia-haiin an lei dona, an khêk mur mura; Rengpa irtha’n a hong man thuta, an khitna hruihrual thar chu pat ang takin an potsat chit tâka.

ROIRÊLTUHAI 3:10

Rengpa Irtha chu a chunga a oma, Israelhai hruaitu a hong ni tâk. Irdoi hrangin a fe suaka, Rengpa’n Mesopotamia rêng Kusan-risathaima chu an hnêtira, a kut ata Israelhai chu a sansuakhai tâka.

ROIRÊLTUHAI 3:27

Ehuda chu Efraima tâng ram a hong tungin chu bekul a tuma, Israelhai chu tâng ram rengata a kuang an zu fea, ama’n a hruaihaia.

ROIRÊLTUHAI 6:11

Rengpa vântîrtôn chu Ofra khuaa a fea, Abiezera mi Joasa saiso thing bula khan a toi tâka; Joasa nâipa Gideona’n uain in-ôtna khura Midian mihai hmuloi hrangin bu a chîla.

ROIRÊLTUHAI 8:2

Gideona’n, “Nangni lei itho ngai leh hin kin itho thei sun hi ite hrilirkhîna om mak! nangni Efraima mihaiin nin itho sunhai khom hi keini namhai, Abiezera mihai itho nêkin chu a roiinpui daih kêng.

1 SAMUELA 10:6

Khanchu Rengpa irtha ni chunga zuang chum a ta, nang khom an thuhrilna khan kop sa ni ta, nang khom mi dang chang ta ni ti.

1 SAMUELA 11:6

Kha thurchihai kha an hriat infel tena chu, Saula chunga khan Pathian irtha a satêrengin a zuang chuma, a ning a sate’n an mur pe tâka.

1 SAMUELA 13:3

Jonathana khan Gibe khuaa Filistia sipaihai kha a doi inhnêa, Filistia mihaiin an len hriata. Kha hnung chu Saula khan Hebrai mi murdi irdoina koi hrangin mi a tîra, an ram pumpuia khan bekul an tuma.

1 SAMUELA 16:14

Rengpa irtha khan Saula kha a mâksana, Rengpa itîr ramilhli khan an buaitir ngaia.