ROIRÊLTUHAI 6:24 - PATHIAN LEKHABU IRTHIANG C.L. Bible (BSI)

²⁴ Kha hmuna khan Gideona’n Rengpa ta hrangin maichâm a siama, Rengpa Salom a phuaa. Abiezer rama Ofra khuaa khan, atûn ten a la om.

ROIRÊLTUHAI 6:24 ပူးပေါင်းရင်းမြစ်များ

IRPHUTNA 12:7

Khan Rengpa kha Abrama kuang an lâra, “Hi ram hi ni’rchihai la pehai ki ti,” a tia. khanchu a kuanga inlârtu Rengpa ta hrangin maichâm a siama.

IRPHUTNA 12:8

Khan khatak ata Bethel nisua tiang tânga a’rsona, kha khan puan in a sunga, nisua tiang Bethel a oma. Nitâk tiang Ai khua a oma: kha hmuna khan Rengpa ta hrang maichâm a siam nôka; Rengpa irhming koiin a oma.

IRPHUTNA 22:14

Khasikin Abrahama’n kha hmun irhming kha Jehova Jire a phua tâka; a vuan sûn tena, Rengpa tânga ngaitua ni a ti, an iti ngai ang hin.

IRPHUTNA 33:20

Kha hmuna khan maichâm a siama, a’rhming khom El-elohe (Israel Pathian) iti a ni ta.

2 SAMUELA 24:25

Kha hnung chu Davida khan kha hmuna khan Rengpa ta hrangin maichâm a siama, hâlirvôm thilinhlan le irngeina thilinhlanhai a neia. Rengpa khan Davida’n a ram ta hranga chongchaina kha a sâma, Israel ram ata kha hripui kha ar kiangtir tâka.

1 RÊNGHAI 18:32

Kha lung leh khan Rengpa hrangin maichâm a siama. Maichâm kôla khan khur a choia, tui litar sômkhat minli keng thei a nia.

EZRA 3:2

Khanchu Jozadaka nâipa Jesua le a sangpa ochai le Sealtiela nâipa Zerubabela le a urênghai an hong thoia, Pathian mi Mosia dâna chuang angin hâlirvôm thil irhlanna’n Israelhai Pathian maichâm an siama.

FESUAKNA 17:15

Mosia khan maichâm a’rfûktira, a’rhming khom “Rengpa chu Jehova Nisi,” a tia.

JEREMIA 23:6

Rengin a toi tena chu, Juda mihai chu zôk riam ta an ta, Israel mihai chu irtharngamin om ta an ti. Ama chu, ‘Rengpa ei saninhringna’ tia koi ni a ti.

JEREMIA 33:16

Juda mihai le Jerusalem mihai chu sansuak ni an ta, zôkriamin om ta an ti. Khopui chu ‘Rengpa ei saninhringna’ tia koi ni a ti.

EZEKIELA 48:35

A’rhîlin mûk sîngkhat sângriat ni a ta; kha khopui irhming kha, kha nî rengata chu, “Jehova Sammah ni a ti,” tiin.

NAMBAR 26:30

Iezera, Heleka,

JOSUA 22:10

Reubena irchihai, Gada irchihai le Manasea irchi chimriphai khan Jordan nitâk tianga om, Kanaan rama Gelilot chu an tunga, ivadung kôla khan ennuam om taka roiinpui maichâm lian an siama.

ROIRÊLTUHAI 21:4

A tûk zînga chu zîng taka maichâm an siama, irngeina thilinhlan le hâlirvôm thilinhlan an inhlana.

ROIRÊLTUHAI 6:23

Rengpa’n, “Charindong no ro, irtharngam takin om ro, thi no chi ni,” a tia.

ROIRÊLTUHAI 8:27

Gideona’n kha rângachakhai leh khan Efod a siama, a omna khua Ofra-ah khan a siaa. Israelhaiin an Pathian an mâksana, Gideona le a in mihai ta hrangin châng ichiom tak a hong ni tâka.

ROIRÊLTUHAI 8:32

Joasa nâipa Gideona chu a tar ok tena a thia, Abiezera mihai ram Ofra khuaa, a pa Joasa thâna an phûm sa tâka.

1 SAMUELA 14:35

Saula khan, Rengpa hrang maichâm a siama, hi hi Rengpa hranga maichâm siam masa tak a ni.

1 SAMUELA 7:17

Kha hnung chu ama omna Rama khuaa khan a kîr nôk ngaia; kha hmuna khom khan Israelhai roi a rêl pehai sa a ni. Rama khua khan Rengpa ta hrangin maichâm a isiam a ni.