ROIRÊLTUHAI 6:21 - PATHIAN LEKHABU IRTHIANG C.L. Bible (BSI)

²¹ Rengpa vântîrtônin a khianghrol hmorin sa le bai chol polloi kha a intôna; lung ata mei a hong suaka, sa le bai chu a kâng irhmang zit tâka. Rengpa vântîrtôn chu a fe irhmang pat tâk.

ROIRÊLTUHAI 6:21 ပူးပေါင်းရင်းမြစ်များ

1 RÊNGHAI 18:38

Rengpa’n mei a zuang tîra, hâlirvôm thilinhlanhai le thing le lunghai chu a kâng irvôm vinga, irnêng khom sen vungin a kânga, khura tui khom an dôp inhekpaia.

1 THURCHI SUINA 21:26

Kha hmuna khan Rengpa hrang maichâm a siama, hâlirvôm thilinhlan le irngeina thilinhlan an hlana. A chongchaia, Rengpa’n a zuang sâma, maichâma hâlirvôm thilinhlan chu irvân ata meiin a zuang kâng inhekpaia.

2 THURCHI SUINA 7:1

Reng Solomona a chongchai zoiin chu irvân ata mei a zuang tâka, thilinhlanhai chu a kâng irvôm tâka; tempil sûng chu Rengpa roiinpuina’n a sip tâka.

ISAIA 38:7

Rengpa’n a thuhril hi tho ngêt a tih iti Rengpa kuang ata nangma hranga irsinsiamna hrang chu hi hih a ni.

LEVI DÂN 9:24

Rengpa kuang ata mei a hong suaka, maichâma hâlirvôm le a hme thâihai kha a hong kâng irhmang tâka. Mipuiin kha kha an hmu’n an khêka, khûksadelin irnênga an inbok tâka.

ROIRÊLTUHAI 13:19

Khanchu, Manoa’n kêlte chu a thata, bu le bâl thilinhlan leh hâlirvôm thilinhlana lungpui chunga khan Rengpa ta hrangin an hlan tâka. Thil irkhêl tak zuang om chu Manoa sangramhaiin an en maia.

ROIRÊLTUHAI 13:20

Lungpui maichâm rengata meikhû irvân tiang a fe’n chu Rengpa vântîrtôn chu meia khan irvân tiang a fe sa tâka.

ROIRÊLTUHAI 6:20

Rengpa vântîrtônin, “A hme le bai chol polloi kha lung chunga khan sia’n lân, a tui kha buak ro,” a tia. Khaang khan Gideona’n a thoa.