ROIRÊLTUHAI 6:15 - PATHIAN LEKHABU IRTHIANG C.L. Bible (BSI)

¹⁵ Gideona’n, “Ka pu, itin mo Israelhai chu ki sansuakhai hrang? Manasea irchi laia hrâtloi tak sûnga mi ki nia, kin insûngkua laia khom nâipang tak ki ni,” a tia.

ROIRÊLTUHAI 6:15 ပူးပေါင်းရင်းမြစ်များ

IRPHUTNA 32:10

kei ni sinthotu chunga hin ni thudik murdi le lungkhamna inlangtir ngai, ki’rchonhai chunga hin, a chînte khom hi hmu inruk ni ma ung; hi Jordan dung hi, ki khianghrol leh vai ki’rkâna; atûn chu pâl hnia sema inpungin ki om tâk.

FESUAKNA 3:11

Khan Mosia’n Pathian kuang khan, “Keima Faroa kuanga zu fea, Israelhai Aigupta ram ata zu hruai suakhai hrangin ite chukna nei mo ni ni isôn?” a tia.

FESUAKNA 4:10

Khanchu Mosia’n Rengpa kuanga, “O Rengpa ni tîr no ro, kei chu maton ata mi chong thei ni ma unga, mi chong ak mi ki lei ni sikin,” a tia.

JEREMIA 1:6

Keima’n, “O Rengpa Pathian, nâipangte kêng ki la nia, thu hril khom thei ma ung,” ki tia.

JEREMIA 50:45

Khasikin Babulon khopui doia ki thiltum le a mihai chunga ki itho hrang hi irngai roi. An nâihai tena lua kaiphîthaiin, mi tinin an ichi hrang a ni.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

LUKA 1:34

Khan, Mari’n vântîrtôn kuang, “Pasal lua la nei loiin te, itin mo a ini thei hrang?” a tia.

1 KORINTH 15:9

Kei chu, tirtôn laia a chîn tak ki ni, Pathian Koiindang deng kin theitir sikin tirtôna ibe zât khom ni ta ma ung.

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

ROIRÊLTUHAI 6:11

Rengpa vântîrtôn chu Ofra khuaa a fea, Abiezera mi Joasa saiso thing bula khan a toi tâka; Joasa nâipa Gideona’n uain in-ôtna khura Midian mihai hmuloi hrangin bu a chîla.

1 SAMUELA 18:23

Khanchu kha thu kha Davida mikuar inhriata khan an insîra. Khanchu Davida khan, “Mi inriang le tûte inhre loi keima anga hin rêng mâkpa ni hrang hi an dôk nin isôn ma ni?,” a tia.

1 SAMUELA 9:21

Khanchu Saula’n a sâma, “Israel nam laia a chîn tak, Benjamina nama mi mo ni ma ung. Khanchu kin in sûng khom hi Benjamina nam laia a chîn tak mo ni ma. Itina mo hianga keima kuanga ni ihril hi?,” a tia.