ROIRÊLTUHAI 5:31 - PATHIAN LEKHABU IRTHIANG C.L. Bible (BSI)

³¹ O, Rengpa ni râlhai khaang khan thihai sian, Ni rualhai rêk chu, misa suak angin vâr phut ri sehai tiin. Kum sômminli sûng chu an rama irngeina a lênga.

ROIRÊLTUHAI 5:31 ပူးပေါင်းရင်းမြစ်များ

2 SAMUELA 18:31

Kha hnung chu Kus mi kha a hong tunga, rêng kuang khan, “Rengpa ka pu, ni ta hrang thurchi sa ki hong intung a ni,” a tia.

2 SAMUELA 18:32

Reng khan Kus mi kuang khan, “Ruatharte Absaloma kha a la dam chu a ini ma ni?,” a tia. Kus mi khan, “Ka pu, ni râlhai le ni siatna zongtuhai murdi chu, kha ruatharte ang khan om ving ri sehai,” a tia.

2 SAMUELA 23:4

Misa a hong suaka, sûm om viat loi kha, zîng irlen ving ang hi a nia, Rua tho zoia hloisûl inhartir ang hi ni a ti,” a tia.

INPÂKNA HLAHAI 19:6

A suakna kha kôlkung ata a nia, An tân kualna chu a kiang tiang kôlkung dênin a nia, A lum inhre loia thup rêng rêng om mah.

INPÂKNA HLAHAI 20:8

Annihai kha an kûna, an tûk tâka: Eini rêk chu ei thoia, ei ingîr intuan tâk a ni.

INPÂKNA HLAHAI 37:6

Ni felzia chu vâr angin insuaktir a ta, Ni thiam changzia khom sûnlai ang dênin.

INPÂKNA HLAHAI 89:36

A’rchi thâkhai kha kumkhua’n om an ta, A rêngtoihmun kha ki makunga misa angin om sa a ti.

INPÂKNA HLAHAI 89:37

Tha angin kumkhua hrangin indetin om a ta, Irvân duma inhretu iamom ang khin,” ni tia.

INPÂKNA HLAHAI 91:14

Ki chunga a lungthungna a sip khak sikin saninzôk ki ta: Ki’rhming an hriat sikin hmun irsânga bâng ki ti.

INPÂKNA HLAHAI 92:10

Khannisianlân ki’rkî hi selepa irkî angin ni chôiindôma: Sahriak thara pol ki ni ta.

INPÂKNA HLAHAI 92:9

O Rengpa, irngai ta, nangma doituhai hi, Irngai ta, nangma doituhai hi an irhmang hrang a ni; Thil tho’nsualtuhai murdi hi indarin om zit an ti.

INPÂKNA HLAHAI 97:10

O Rengpa lungthungtuhaio, sual khôkmâk roi. Ama chu a mi irthianghai hringna chu a vong insa ngai; Anni chu mi siahai kut ata a saninzôk ngai.

INPÂKNA HLAHAI 97:8

Zion tâng khan an hriata, lôm takin a oma, Juda nâinuhai chu raifân takin om an ta; O, Rengpa ni roirêlna sikin.

FESUAKNA 20:6

Khan lung ni thunga ki thupêk zômtuhai chu an irchi sâng tamtak tena khom lungkham insua mai ki ti.

THUVÂRHAI 4:18

Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni.

DANIELA 12:3

Hruaitu vârhai chu irvân vâr angin vâr an ta, mi tamtak felna tianga hong kîrhai chu ârsi angin kum kumtuangin vâr an ti.

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

MATHAIA 13:43

Khanchu, Pathian nâihai chu an Pa Rama misa angin vâr ta an ti. Irngai roi, mikuar nei murdi’n chu!

ROM KHUAA MIHAI KUANGA TÎRTÔN PAULA LEKHATHON 8:28

Pathian lungthungtu, ama inkung anga a ikoihai hrangin chu, an satna hrangin itinrêngin a tho pe ngai tih ei inhriat;

1 KORINTH 8:3

Khannisian, tukhomin Pathian lung a thungin chu kha mi kha Pathianin a inhriat a ni.

EFESI 6:24

Pathian lungkhamna kha lungthungna chuai theiloia ei Rengpa Jisua Krista lungthungtuhai kuang om ri se.

DÂN INHNINA 6:5

Rengpa nin Pathian chu nin milung murdi’n, nin thei dôrin lungthung roi.

DÂN INHNINA 7:9

Khasikin, inhre roi, Rengpa nin Pathian hi kêng Pathian a ini, Pathian iamom, a thu’nkung a vong ngita, ama lungthunga, a thupêk zômtuhai chunga irlo sâng dêna khonza ngai kha.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

JAKOBA toc2 JAKOBA 2:5

Ki urêng inditom takhaio, irngai u ta, rammual irngaia mi inrianghai hi iamnaa irchong hrang le ama lungthungtuhai kuang a ram inkung chang hrangin Pathianin a inthang loi ma ni?

1 PETERA toc2 1 PETERA 1:8

Ama hmuloi khomin lung nin thunga, atûn ama nin hmu ual no khomin nin iama, raifânna irkhêl insîr thei loi le roiinpuina’n nin isip a ni;

THUPHUANG 1:16

A kut chang tiang ârsi sari a chôia; a bâia irthokin khandai bê hni nei ngaih tak a hong suaka, a hmêl chu misa hrât lai tak ang a ni.

THUPHUANG 18:20

O irvân le Pathian mihai, tirtônhai le deipuhai, a ramna sika hin lôm ta roi! Nin chunga a tho lam angin Pathianin a irêl tâk a ni hi!

THUPHUANG 6:10

Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.

ROIRÊLTUHAI 3:11

An ram chu kum sômminli sûng irngeina a oma, Kenaza nâipa Othniela chu a thi tâka.

ROIRÊLTUHAI 3:30

Kha nî khan Israelhaiin Moab mihai chu an inhnê ta. Ram chu kum sômriat irngeina a lêng ta.