ROIRÊLTUHAI 4:21 - PATHIAN LEKHABU IRTHIANG C.L. Bible (BSI)

²¹ Sisera chu a sân a sôla, inmutui takin a ina. Khan, Habera dôngma’n puan in epna irzum le sekchôi a lâka; a in hnungin dâiriamin a va lûta; a inmu irhnik lai taka a zâl laiin puan in kilna irzumin a bangbarêpa a hêma, a hêm intuma, hnuaia an pêr tâka, khanchu a thi tâka.

ROIRÊLTUHAI 4:21 ပူးပေါင်းရင်းမြစ်များ

1 KORINTH 1:27

Pathianin chu rammual mihai irngaia thil invêthai kha mi vârhai mualinphoina hrangin an thanga, rammuala thil hrât loihai kha thil hrâthai mualinphoina hrangin an thang saa.

INPÂKNA HLAHAI 3:7

O Rengpa, thoiin lân, O ki Pathian ni saninhring roh. Ni doituhai murdi chu an biang rua ni zêm ngaia, Mi siahai ha chu inthing pe roh.

ROIRÊLTUHAI 3:21

Ehuda’n a vei kutin a chang tianga chemte kha a kêldoka, a phînga khan an vit tâka.

1 KORINTH 1:19

Pathian Thu Bu’n, “Mi vâr vârna chu inboi ki ta, Mi thiam thiamna hnôl sa ki ti,” ti irziak a ni.

1 SAMUELA 17:43

Khanchu Filistia mi khan Davida kuang khan, “Ui mo ni ni isôn, khianghrol leh ni ni hong ipan kha?,” a tia. Khanchu Filistia mi khan a pathian insamin Davida kha khua a sâla.

ROIRÊLTUHAI 15:15

Sakuartung irkamru thar tak hi a hmua, a lâka, mi sângkhat vêl a van zui thathaia.

ROIRÊLTUHAI 3:31

Khan ama hnunga Anata nâipa Samgara khomin Filistia mi irzaruk chu sehrât sunna hmolin an zuithathaia, Israelhai chu a sansuakhai.

ROIRÊLTUHAI 4:9

Debori’n, “Fe ngêt ki ti; aniachu, ni fe khomin ni roiinpuina hrang ni no ni; Rengpa’n Sisera chu nupangin a inthattir hrang a ni,” a tia. Debori chu a thoia, Baraka leh Kedes an pana,

ROIRÊLTUHAI 4:20

Sisera’n, “Puan in mikota khan omin lân, mi an honga, ‘Hitaka hong mi an om mo?’ tia nang an irdonin, ‘Om mah’ ni iti hrang a ni,” a tia.

ROIRÊLTUHAI 4:22

Baraka’n Sisera chu a hong irzûla, Jaeli’n lei don hrangin a lei suaka, a kuang, “Hong ta, mi ni izong chu nang inentir ki ti,” a tia. An lût suam tâka, Sisera chu a lei thia, puan in kilna chu a bangbarêpa a’rphun muta.