ROIRÊLTUHAI 4:14 - PATHIAN LEKHABU IRTHIANG C.L. Bible (BSI)

¹⁴ Debori’n Baraka kuang, “Tho, a vuan hin Rengpa’n ni kuta Sisera hi pêk a ti. Rengpa’n nang a hruai mai mo ni ma?” a tia. Khanchu, Baraka chu Tabor tâng rengata a sipai sîngkhat leh ile an chuma.

ROIRÊLTUHAI 4:14 ပူးပေါင်းရင်းမြစ်များ

IRPHUTNA 19:14

Khanchu, Lota chu a suaka, a mâkpahai a va hrilhaia; “Thoi unglân, hi khua hi suaksan ta roi, Rengpa’n hi khua hi a ihâl hrang a ni ta,” a tia. Khannisianlân a mâkhaiin chu taksôn loiin fiamthu angin an lâka.

IRPHUTNA 44:4

Khanchu an fea, zoro sôtnote hnunga chu Josefa’n a in enkoltupa kuang khan, “Thoiin lân, kha mihai kha va’rzûlhaiin lân, ni va phâkhaiin chu, itho sika mo thil sa teh thil saloiin nin ithuan?

2 SAMUELA 5:24

Thingtheimu kung rêla lui irhâi nin hriat tena châng ro! Filistia sipaihai doi hrangin ni matona keima Rengpa ki suak ta tihna ni a ti,” a tia.

ISAIA 52:12

A rothai anga fe hrang ni mak chêia, Râl irzûl anga irhnot zât khom ni mak chêi; Rengpa’n nangni hruai a ta, Israelhai Pathian chu nin hnunga hrungtu ni a ti.

MIKA 2:13

Suk thengtu kha an matona hong a fea; an suk thenga, mikot dênin an fe thiaia, khataka khan an ife suak a ni; khan, an rêng kha an maton tiang a fea, Rengpa khan an maton a hruaia.

DÂN INHNINA 9:3

A vuan hin inhre roi, nin mahruaitu kha Rengpa nin Pathian hi a ni, nin matona a sâna mei kâng angin a ife thiai hrang a ni, insiat a ta, nin matona nangni inlômtir mai a ti, Rengpa lei iti tâk angin inhnotsuak zit a ta, irhmangtirhai zit nin ti.

JOSUA 10:8

Rengpa’n Josua kuang, “Chihai no ro, anni chu nangni ki pêk ta; tûte’n nang lei danh thei no nihai.

JOSUA 7:13

Thoiin lân, mipuihai chu irthiangtirhai ro, an kuang, ‘Nangtûk hin irthiang infâi roi, Israelhai Pathianin hiang hin a ti, “Israelhaio, nin laia khomâksâm an iom a ni, kha nin lai ata nin thonpai no’n chu, nin râlhai doi ngam no chin ni.

ROIRÊLTUHAI 19:28

Ama’n, “Thoi ro, fe ei ti,” a tia. Khannisianlân, ite sâm maka. Khanchu, a sakuartung chunga khan an kâitira, a thoia, a in tiang a fe tâka.

ROIRÊLTUHAI 4:10

Baraka’n Naftalia leh Zebulun mihai a koibûmhaia, mi sîngkhatin an zuia, Debori khom a fepuihai sa.

ROIRÊLTUHAI 7:9

Zâna Rengpa’n Gideona kuang, “Thoiin lân, an riakbuka, zu fe roh, ni kuta inhnêna ki pêk tâk a ni.

1 SAMUELA 9:26

Zînga kôl a hor sal tena chu Samuela’n Saula in chunga zâl kha a koia, “Thoiin lân nang tîr ta ki ti,” a tia. Khanchu Saula kha a thoia, Samuela leh an ruaiin an suak ta.