ROIRÊLTUHAI 3:3 - PATHIAN LEKHABU IRTHIANG C.L. Bible (BSI)

³ Kha namhai kha chu: Filistia rêng ringa hai, Kanaan mi murdihai, Zidon mihai, Lebanon tâng, Baal Hermon le Hamath khua lûtnaa om Hiv mihai an nih.

ROIRÊLTUHAI 3:3 ပူးပေါင်းရင်းမြစ်များ

JOSUA 13:3

Sim tiang Avim-hai omnahai la lâkloi a ni. Aigupta ramri Sihor vadung ata hmâr tiang Ekron dênin Kanaan mihai rama irngai a ni. Filistia-hai chu Gaza haia, Asdod haia, Askelon haia, Gada haia an rêng an iom a ni.

JOSUA 13:5

Gebal mihai ram, Lebanon tâng nisua tiang Hermon tâng kôla Hamath khua lûtna dênin ram la lâk loi a ni.

1 SAMUELA 29:2

Filistia-hai rêng ringahai kha an sipai irzakhat vêlin, sâng têlin an irkôi zun zuna, Davida le a mihai chu Akisa leh inhnung an intaa.

1 SAMUELA 13:5

Filistia mihai kha Israelhai doi hrangin an irbukkhôm zoi tâka; tâli sîngthum, sakor chung chuang mi sângruk, sipaihai chu tuikhanglian kôla chiai tamtak an nia. Anni chu Bethaven nisua tiang panga Mikmas-a khan an fea, omhmun an khuara.

1 SAMUELA 6:18

Rângachak châichek millim kha, kha kho sûnga an kulpui nei le thingtâng khuaa khom tep vinga Filistia rêng ringahai khua dôr ang a ni. Rengpa Thuthung Bôm an irnghatna lungpui. Beth-Semes kho mi Josua loia om kha atûn ten hin a la iom mai a ni.

ROIRÊLTUHAI 18:7

Khanchu, mi pasal ringahai chu an fea, Lais khua an va tunga. Sidon mihai ang takin kha khuaa mihai chu hoi takin an om ti an hmua. Mi nunirnêm om mai mai, tûte’n inbuaihai loi, itinrênga irfakhop an ni. Sidon khua ata chu hlatak a nia, mi dang tu leh khom irkopna rêng rêng nei mahai.

ROIRÊLTUHAI 14:4

Khannisianlân, a nu le pa’n, kha kha Rengpa itho a nih ti inhre mahaia; Filistia mihai chunga zoro inchum a zong a ni, kha lai khan Filistian mihaiin Israel mihai chunga roi an rêl a ni.

ROIRÊLTUHAI 10:12

Zidon mihai, Amelek mihai le Maon mihaiin deng nangni an intheitira, nin ni koia, nangni ki saninzôk a ni kha.

ROIRÊLTUHAI 10:7

Rengpa chu Israelhai chunga a sân a ning an mur tâka, Filistia mihai le Amon mihai kuta a pêka.

ROIRÊLTUHAI 4:2

Khasikin, Rengpa thuin Kanaan rêng Jabina’n Israelhai an hnêa, Hazor khuaa an lala, a sipai hruaitu chu Haroset-Goim-ah om Sisera a ni.

JOSUA 19:28

Ebron hai, Rehoba hai, Hamon hai, Kana haia a fea, Sidon khopui a suna.

JOSUA 11:3

Nisua tiang le nitâk tianga Kanaan rêng omhai, Amor mihai rêng, Hit mihai rêng, Periz mihai rêng, tâng rama Jebus mihai rêng, Mizpa ram Hermon tâng bula Hiv mihai rênghai chu an irbukkhôma.

DÂN INHNINA 3:9

Hermon hi Sidon-hai khan Sirion an tia, Amor-hai rêk chu Senir an ti

DÂN INHNINA 1:7

Nin irbu insiat unglân, irtôl irson roi. Amor-hai ram, tâng rama khan fe unglân, a kôlvêl ramhai irfang roi. Jordan dung phâi, tâng ram, sim tiang ram hai, Mediteranean tuipui kam dênin fe roi. Kanaan hai ram, Lebanon tâng pên Eufrates dung dênin fe roi.

NAMBAR 34:8

Hor tâng ata kha Hamath lûtna dênin siam ni ta, khan ramri suakna chu Zedad ni a ti.

NAMBAR 13:29

Amalek mihai chu sim tiang an oma, Hit mihai, Jebus mihai, Amor mihai chu tâng rama an oma, Kanaan mihai chu tuipanga le Jordan tuipanga an om,” tiin an hrila.

IRPHUTNA 49:13

Zebulun hin tuipui kôla omhmun khuar a ta, Irkuang irngamna hmun ni a ti. A ramri khom Sidon ni a ti.

JOSUA 9:7

Israel mihaiin Hiv mihai kuang, “Hi lai vêla nâitaka mihai reng nin ang, itin mo irngeina thu nangni kin ithungpui thei hrang,” an tia.

JOSUA 11:19

Gibeon khuaa om Hiv mihai ti no chu Israelhai leh irngeina siam inkhat lua om ma, ilâkin an lâk zit a ni.

ROIRÊLTUHAI 3:2

Israel irchi, thoiintharhai, irdoinaa la chang ngai loi mihaiin irdoina an irchu theina hrangin an omtirhai a ni.

1 SAMUELA 6:4

Mipuihai khan, “Ama kuang kin siat irbôlna inhlan hrangin imo kin itho hrang?,” an tia. Anni khan, “Filistia rêng om dôrin pangpo millim ringa le châichek millim ringa; rângachakin siam unglân; nangni le nin rênghai chunga hri lêng kha hmunkhat a ni.

1 SAMUELA 6:16

Kha kha Filistia rêng ringahaiin an en zoiin chu, kha nî ngêt khan Ekron kho tiang an kîr nôk ta.

2 SAMUELA 24:7

Kha hnung chu sim tiang Tura khopui kulpui neina khan an fea, Hit mihai le Kanaan mihai khua murdi an irfanga, Judai ram sim tiang Beerseba khan an fea.

1 RÊNGHAI 8:65

Reng Solomona le Israel mipuihaiin tempila khan, kairêng kût sûn sari an hmanga. Khatak ata Israel ram hmâr tiang dep Hamath khêl ata Israel ram sim tianga Aigupta tui kôla mi murdi chu an hong irbukkhôma, mi tamtak an ni.

EZEKIELA 47:20

Khanchu nitâk tianga ramri chu Mediteranean tuipui zel kha a ni, hmâr tianga Hamath fena lampui nitâk tiang dep ten kha a ni.

1 RÊNGHAI 9:20

Hi nam Amor, Hit, Periz, Hiv le Jebus mihai hi,