ROIRÊLTUHAI 21:6 - PATHIAN LEKHABU IRTHIANG C.L. Bible (BSI)

⁶ Israelhaiin an urêng Benjamina irchihai chu an lunginkham tak taka, “A vuan hin Israelhaiin kin laia nam inkhat chu kin inchân a ni ta.

ROIRÊLTUHAI 21:6 ပူးပေါင်းရင်းမြစ်များ

2 SAMUELA 2:26

Kha hnung chu Abnera khan Joaba a koia, “Kumtuangin ei irdoi mai hrang ma ni ta? A mongna chu beidong ngaisiat om tak a ini hrang iti hi nin hriat mo? I dôra sôt mo ni mihai khan an urênghai irzûl an imong hrang iti ni ihril ta hrang?,” a tia.

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

ROIRÊLTUHAI 11:35

A nâinu a hong hmu’n chu beidongin a puan an potthêra, “A poi oke! ki nâinu, nangma kher hi! ki milung nin siatin ki milung ni nin zîngtir tak taka! Rengpa kuanga chong kin kung tâka, sûtpai nôk thei ni ta ma,” a tia.

ROIRÊLTUHAI 20:23

Kha nikhua mân khan Israelhai chu Rengpa makunga chapin khohloi dênin an oma, “Kin urêng Benjamina irchihai doi hrangin kin irthok nôk hrang mani?” tiin an irdona. Rengpa’n, “Doihai nôk roi,” a ti a ni.

ROIRÊLTUHAI 21:15

Rengpa’n Israel irpumkhatna a senindarh tâk sikin mipuihai chu a sân poi an tia, Benjamina irchihai chu an irngaiinhluhaia.

ROIRÊLTUHAI 21:5

“Israel nam laia Mizpa khuaa irbukkhômna hmuna chang sa loi an om mo?” tiin an irdon irhlôma. Mizpa khuaa Rengpa makunga hong fe loi chu, ‘that ngêt hrang ni a ti,’ tiin chong an inkung ngita.

ROIRÊLTUHAI 21:7

Benjamina nam la dam sunhai ta hrangin itin mo dôngma kin izongpuihai ta hrang? Rengpa makunga kin nâinuhai chu dôngmaa inneitirhai viat loi hrangin chong lak kin lei inkung khak tâka,” an tia.