ROIRÊLTUHAI 21:5 - PATHIAN LEKHABU IRTHIANG C.L. Bible (BSI)

⁵ “Israel nam laia Mizpa khuaa irbukkhômna hmuna chang sa loi an om mo?” tiin an irdon irhlôma. Mizpa khuaa Rengpa makunga hong fe loi chu, ‘that ngêt hrang ni a ti,’ tiin chong an inkung ngita.

ROIRÊLTUHAI 21:5 ပူးပေါင်းရင်းမြစ်များ

JEREMIA 48:10

Lungrîl murdi neia, Rengpa sintho loi mi chu khomâksâmin om ri se. A khandai irlek loia that loi mi chu khomâksâmin om ri se.

ROIRÊLTUHAI 21:1

Israel mihai chu Mizpa khuaa an irbukkhôma, khan Rengpa makunga, “Mi tukhomin kin nâinuhai hi Benjamina mi kin inneitir hrang ni ma,” tiin chong an inkung ngita.

ROIRÊLTUHAI 21:18

Khannisian, ei nâinuhai lak dôngma inneitirhai hrangin phal mak mea. “Mi tukhom mâni nâinu Benjamina mi inneitir chu vânnisalin om ri se, tiin chong ei lei inkung tâka,” an tia.

ROIRÊLTUHAI 21:6

Israelhaiin an urêng Benjamina irchihai chu an lunginkham tak taka, “A vuan hin Israelhaiin kin laia nam inkhat chu kin inchân a ni ta.

ROIRÊLTUHAI 5:23

Rengpa vântîrtônin, “Meroz chu khosâl inpêl ro,” a tia. “Khataka omhai chu natakin khosâlna inpêl roh. Rengpa changpui hrangin an hong no sikin, râl an idoi nuam loi a ni,” a tia.

1 SAMUELA 11:7

Khanchu sehrât bop khat a thata, a hme ar chan chita, Israel ram hmun tina a sem suak vinga; “Mi tukhom Saula le Samuela irdoina zui nuam loitu kai chu an sehrâtchal hiang hin iloh ni a ti,” tiin. Khanchu mipuihai chunga Rengpa ichiomzia a tunga, lungirrual takin an irthok suak thei tâka.

1 SAMUELA 14:24

Kha ni sûn khan chu Israel mihai chu châmsôl an irveia a sân an irzala. Saula khan, “Ki râlhai chunga phuba ki lâk mâka mi tukhom a vuan hin fâk zongtu chu vânnisalin om ri se,” itia khomâk irsâmin mipuihai thu ngar tak a pêkhai sikin. Mi tûte khom kha ni sûn chu ite fâk reng zong viat mahaia.