ROIRÊLTUHAI 2:20 - PATHIAN LEKHABU IRTHIANG C.L. Bible (BSI)

²⁰ Israelhai chunga Rengpa chu a saterengin a ning an mur tâka, “An pahai zôm hranga ki thuthung kha, hi an irchihai hin an insiata, ki hê lak irngai nuam mahai.

ROIRÊLTUHAI 2:20 ပူးပေါင်းရင်းမြစ်များ

ROIRÊLTUHAI 2:14

Khanchu, Israelhai chunga Rengpa chu a saterengin a ning an mur tâka, lei roktuhai an phûta, an râlhai an kôl vêla om nam danghai kuta a pêka, lei doi ngam ta mahai.

JOSUA 23:16

Rengpa nin Pathianin zôm hranga a iti, a thuthung kha nin insiata, Pathian dang nin pana, a sin nin zongin chu, Rengpa nin chunga a ninginmur a ta, ram satak nangni a ipêk rengata irhmang zit nin ti,” a tia.

EZEKIELA 20:37

“Khan, vîkna fung hnuaia nangni infetir ki ti, thuthung hnuaia nangni inlûttir ki ti.

JEREMIA 31:32

An irchibulhai Aigupta ram ata hruaisuak hranga an kuta ki chelhai laia ki thuthung ang kha ni ta no ni. Anni hrangin hruaitu ki ni sûng chu ki thuthung kha zui nuam loiin ti hi Rengpa thu suak a ni.

ROIRÊLTUHAI 10:7

Rengpa chu Israelhai chunga a sân a ning an mur tâka, Filistia mihai le Amon mihai kuta a pêka.

ROIRÊLTUHAI 3:8

Khasikin, Rengpa chu Israelhai chunga a ning an mura, Mesopotamia ram rêng Kusan-risathaima an hnêtira, Israelhai chu a thuhnuaia kum riat an oma.

DÂN INHNINA 32:22

Ki ninginmur chu mei angin chok a ta, irnêng thil murdi kâng irhmang a ti. rammual hnuaia zu tung a ta, mualhai irzunghai khom zu fapai ving a ti.

ROIRÊLTUHAI 2:19

An hruaitu a thi’n chu hnung tiang irletin, an pahai nêka siat ualin an om ngai; pathian dang biak le chubai mûk an uara, nam dang ti dân tinrêng an lâka, an tho insualna mâksan ual mahai.

INPÂKNA HLAHAI 78:10

Pathian thuthung chu zôm mahaia, A dâna om nuam sa mahaia,

NAMBAR 32:13

Khan Israelhai chunga Rengpa chu a ning an mura, Rengpa mithmua sinsiat tho irchi murdihai kha an hek mâka chu ramchâra khan kum sômminli an va tîrhai tâka.

2 SAMUELA 24:1

Khan Rengpa ningmurna kha Israelhai chunga a zuang tung nôk thuta. Davida kha an chunga siatna intung hrangin an phûta, a kuang, “Fe’n lân, Israel mi le Juda mi tephai ving ro,” a tia.

INPÂKNA HLAHAI 106:40

Khasikin Rengpa ning kha a mihai chunga an mur tâka, an tirhai tâka.