ROIRÊLTUHAI 2:14 - PATHIAN LEKHABU IRTHIANG C.L. Bible (BSI)

¹⁴ Khanchu, Israelhai chunga Rengpa chu a saterengin a ning an mur tâka, lei roktuhai an phûta, an râlhai an kôl vêla om nam danghai kuta a pêka, lei doi ngam ta mahai.

ROIRÊLTUHAI 2:14 ပူးပေါင်းရင်းမြစ်များ

2 SAMUELA 24:1

Khan Rengpa ningmurna kha Israelhai chunga a zuang tung nôk thuta. Davida kha an chunga siatna intung hrangin an phûta, a kuang, “Fe’n lân, Israel mi le Juda mi tephai ving ro,” a tia.

2 SAMUELA 7:11

Ni râlhai lai ata zôkin nang inomtir ta ki ti, khabana irchi suanpâr nang pe ual ki ti.

2 RÊNGHAI 13:3

Khasikin Israelhai chunga Rengpa ning an mura, Suria rêng Hazaela le a nâipa Benhadaba’n Israelhai chu inhnê hrangin a’rsabeia.

2 RÊNGHAI 17:20

Rengpa’n Israel murdi chu a ihnôlhai a ni ta, deng an theihaia, râl ichiom tak takhai kuta a pêkhaia, a hmu phâk loina hrang hmuna a tîrhai ta a ni.

2 THURCHI SUINA 15:5

Kha lai khan ram a buaia, ite mumal a nei no sikin tûte irvâksuak ngam zel om ngai mahai.

2 THURCHI SUINA 28:5

Ahaza’n thilsual a tho sikin, Suria rêng kuta Pathian Rengpa’n a pêka; Damaska khuaa Juda mi tamtak Suria rêngin a hruaia.

2 THURCHI SUINA 36:16

Khannisian Pathian mi tîrhai chu an lei manêphaia, an thu lak ite la pehai mahaia. Deipuhai chu innuisanhaiin, inhnung tiang chu Rengpa kha a sate’n a ning an mur pea.

NEHEMIA 9:27

Khasikin anni dengintheitirtu an râlhai kuta ni pêka; an chardong laia nang an insam kha irvân ata ni len hriata; phûkdâi takin an râlhai ata sansuak hrangin mi’nzôkpu ni pêka.

INPÂKNA HLAHAI 44:11

Belra that hrang angin ni ni siaa, Nam tin laia ni nin darhtir tâka.

INPÂKNA HLAHAI 44:12

Ni mihai hi mâkana’n ni zuara, An man chu irchongpui ual mak che.

ISAIA 42:24

Jakoba chu tu mo hrâtlâksonghai kuanga pêk, Israel chu tu mo hrâtlâksonghai kuanga pêk? Rengpa mo ni ma? A chunga khan thil sual an thoa, a lampui zui loiin a dânhai khom zôm loiin an oma.

ISAIA 50:1

Rengpa’n hiang hin a ti: “Nin nu Israel chu ki tîrpaia, irmâkna lekha mo ki pêk uala? Lâkai intâng nêkin an nâihai zuar angin, tuhai kuang moh nangni ki izuar? Nin sual sika zuar nin nia, nin sininsiatna sika a ni, nin nu ki itîrpai.

JEREMIA 37:10

Babulon sipai pâl inhnê ving khom unglân, a pophai vai mâkin, an puan in sûnga zâl khomhai sian, kha mihai kha la thoi an ta, hi khopui hi a ihâl insiat ving hrang a ni,” a tia.

LEVI DÂN 26:17

Nangni irheisan ki ta, nangni khôkmâktuhai chu nin chunga roirêltuhai ni an ta, irzûl loi khomin intâ tânin om nin ti.

LEVI DÂN 26:28

ningmurin nin chunga insum ki ta, a bâk saria nain nangni hrem ki ti.

LEVI DÂN 26:37

Khandaia irzûl ang dênin irpalthût irhlôm an ta, râl doi nôk hrang tûte om no chin ni.

NAMBAR 32:13

Khan Israelhai chunga Rengpa chu a ning an mura, Rengpa mithmua sinsiat tho irchi murdihai kha an hek mâka chu ramchâra khan kum sômminli an va tîrhai tâka.

NAMBAR 32:14

Khanchu irngai roi, Israelhai chunga Rengpa ninginmurna ichiom tak chu bôk pe sain nangni irchi pualoihai hin nin puhai hmun chu nin luapai tâka.

DÂN INHNINA 28:20

Nin thil tho a sual sik le Rengpa kha nin rotsan sikin khua nangni sâl a ta, nin kuttôn rêng rêng hmang chang no nia, a sân chardongna om a ti, sôlin siatpui ni ti.

DÂN INHNINA 28:25

Rengpa khan nin râlhai kha inhnêtu ualin nangni inchangtir a ta, lam inkhata fe’n doi nin ta, kil tin panin rot nin ta, indarh nin ti. Rammuala mi murdi’n nin chunga thil tung kha a’rkhêl ti an ti.

DÂN INHNINA 28:58

Hi lekhabua irziak Dan thu chuang murdi hi kuluk taka zôm loia, tho nuam mak chêia, Rengpa irhming roiinpui tak le ichiom tak hi nin chôiindôm nuam no’n chu,

DÂN INHNINA 32:30

An lungpui khan rotsan no sian, An Pathian Rengpa khan inthikpai no sian, inkhatin a sâng têlin an irzûl hrang ma ni? Inhni vaiin a nuai têlin an ingam hrang mo?

JOSUA 23:16

Rengpa nin Pathianin zôm hranga a iti, a thuthung kha nin insiata, Pathian dang nin pana, a sin nin zongin chu, Rengpa nin chunga a ninginmur a ta, ram satak nangni a ipêk rengata irhmang zit nin ti,” a tia.

ROIRÊLTUHAI 1:19

Rengpa’n Juda irchihai chu a ompuia, tâng rama omhai chu a inhnotsuaka; tâng phâia omhai rêk chu sakor thîrtali an neia, Juda irchihaiin inhnotsuak thei mahai.

ROIRÊLTUHAI 1:34

Amor mihaiin Dana irchihai chu tâng rama an inhnotdoka, an omna hmuna lût nôk phal ta mahai.

ROIRÊLTUHAI 10:7

Rengpa chu Israelhai chunga a sân a ning an mur tâka, Filistia mihai le Amon mihai kuta a pêka.

ROIRÊLTUHAI 2:20

Israelhai chunga Rengpa chu a saterengin a ning an mur tâka, “An pahai zôm hranga ki thuthung kha, hi an irchihai hin an insiata, ki hê lak irngai nuam mahai.

ROIRÊLTUHAI 3:12

Israelhaiin Rengpa nuam loi lam thilsual an tho nôka. Rengpa’n Moab rêng, Eglona chu Israelhai nêkin an hrâttir tâka.

ROIRÊLTUHAI 4:2

Khasikin, Rengpa thuin Kanaan rêng Jabina’n Israelhai an hnêa, Hazor khuaa an lala, a sipai hruaitu chu Haroset-Goim-ah om Sisera a ni.